ӨДӨР БҮРИЙН ХООЛ

(10.06.21 Даваа) - Би дэлхийг ялсан

2010-06-20T20:16:00.001+08:00

Иохан 16:16-33

Гэвч зоригтой байгтун. Би ертөнцийг ялсан гэж айлдлаа.(33б)

Есүс шавь нарт Ариун Сүнсний үйлсийн тухай хэлж өгсний дараа өөрийн амилалт болон тэнгэрт аваачигдах тухай хэлж өгсөн. Тэгээд “Би дэлхийг ялсан” гэж тунхагласан билээ.

1. Зовлон чинь баяр баясгалан байх болно (16-22)

Тун удахгүй шавь нар Есүсийг дахин харахгүй болно. Есүс дэлхийн гэмийг үүрч, загалмайд нас барах учраас тэр юм. Үүнээс болж шавь нар уйлж гашуудах болно. Харин дэлхий баярлах болно.

Гэвч удахгүй тэдний зовлон баяр баясгалан болж өөрчлөгдөнө. Есүс дахин амилж, тэнгэрт аваачигдаж Ариун Сүнсийг илгээх учраас тэр юм. Тэр өдөр ирвэл шавь нар Ариун Сүнсээр төгөлдөр болж баяр баясгалантай болно. Энэ баяр баясгалан бол хүүхдээ төрүүлсэн эх хүний баяр буюу хэн ч булааж авч чадахгүй баяр баясгалан юм.

2. Зоригтой байгтун. Би дэлхийг ялсан (23-33)

Ариун Сүнс ирвэл сургаалт зүйрлэл мэт бүх зарлигийн утгыг илэрхий тайлбарлаж өгнө. Тэр өдөр шавь нар Есүсийн нэрээр юу ч гуйж болно. Яагаад гэвэл Эцэг Бурхан тэднийг хайрлаж байгаа учраас тэр юм.

Есүс нь шавь нарыг зовлон хавчлагаас болж тарцгаахыг мэдэж байсан.. Тиймээс тэднийг зоригжуулахын тулд “Зоригтой байгтун. Би дэлхийг ялсан” гэж хэлсэн. Шавь нар нь шантарч болохгүй. Зоригтой байх хэрэгтэй.

Гуйлт: Эзэн минь ээ! Та дахин амилж, бүх дайснуудыг ялан дийлсэнд баярлалаа. Би зоригтойгоор зовлон, хавчлагыг даван туулна.

Нэг үг: Зоригтой байгтун.

Библиэс унших хэсэг:

16 Тун удахгүй та нар Намайг цаашид харахгүй. Мөн дахин тун удахгүй та нар Намайг харна гэж айлдлаа.
17 Тэгтэл шавь нарын зарим нь бие биесдээ
-"Тун удахгүй та нар Намайг харахгүй. Мөн дахин тун удахгүй та нар Намайг харна", "Учир нь Би Эцэгтээ очно" гэж Тэр бидэнд юу хэлнэ вэ? хэмээн ярив.
18 Тэгээд тэд
-"Тун удахгүй" [гэсэн нь] юу юм бол? Түүний юу яриад байгааг бид мэдэхгүй юм гэлээ.
19 Тэд юм асуухыг хүсээд байгааг Есүс мэдээд
-"Тун удахгүй та нар Намайг харахгүй. Мөн дахин тун удахгүй та нар Намайг харна" гэсний талаар та нар хамтдаа тунгаан бодно уу?
20 Үнэнээр, үнэнээр Би та нарт хэлье. Та нар уйлна, гашуудна. Харин ертөнц баярлах болно. Та нар гунигтай болно. Гэвч гуниг чинь баяр баясгалангаар солигдох болно.
21 Эмэгтэй хүн төрөхдөө гунигладаг. Яагаад гэвэл цаг нь ирсэн юм. Харин хүүхдээ төрүүлэхдээ, ертөнцөд нэгэн хүн мэндэлсэнд баярлан дахиж зовлонгоо санадаггүй.
22 Тиймээс одоо та нар гунигтай байгаа боловч Би та нартай дахин уулзана. Та нарын зүрх баярлана. Та нарын баяр баясгаланг хэн ч та нараас булаахгүй.
23 Тэр өдөр та нар Надаас юуны ч тухай асуухгүй. Үнэнээр, үнэнээр Би та нарт хэлье. Хэрэв та нар Миний нэрээр Эцэгээс минь юу ч гуйвал Тэр түүнийг чинь өгнө.
24 Одоо болтол та нар Миний нэрээр юу ч гуйгаагүй. Гуйгтун. Та нарын баяр баясгалан дүүрэн болгогдохын тулд та нар хүлээн авна.
25 Энэ бүхнийг Би та нарт зүйрлэлээр ярьсан. Гэвч дахин зүйрлэлээр ярихаа болих цаг ирж байна. Харин Эцэгийнхээ тухай та нарт шууд хэлнэ.
26 Тэр өдөр та нар Миний нэрээр гуйх болно. Би та нарын өмнөөс Эцэгээсээ гуйна гэж байгаа юм биш.
27 Учир нь Эцэг Өөрөө та нарыг хайрладаг. Яагаад гэвэл та нар Намайг хайрласан бөгөөд Бурханаас ирсэн гэдэгт итгэсэн билээ.
28 Би Эцэгээсээ ертөнцөд ирсэн. Би дахин ертөнцийг орхиж, Эцэг уруугаа явна хэмээн айлдлаа.
29 Түүний шавь нар
-Одоо Та зүйрлэл ашиглалгүй шууд ярьж байна.
30 Та бүх юмыг мэдэж, хэн ч Таныг шалгаах шаардлагагүй юм гэдгийг бид одоо мэдлээ. Үүгээр чинь бид Таныг Бурханаас ирсэн гэдэгт итгэж байна гэв.
31 Есүс тэдэнд
-Та нар одоо итгэж байна уу?
32 Үзэгтүн, та нар тарцгааж, хүн бүр өөр өөрсдийн гэрт харьж Намайг ганцааранг минь орхих цаг ирж байна. Энэ цаг аль хэдийн иржээ. Гэсэн хэдий ч Би ганцаараа биш. Учир нь Эцэг Надтай хамт байдаг.
33 Миний дотор та нарыг амар амгалан байг гэж Би та нарт эдгээр зүйлсийг хэллээ. Ертөнцөд та нар зовлонтой байна. Гэвч зоригтой байгтун. Би ертөнцийг ялсан гэж айлдлаа.

(10.06.19 Баасан) - Хэрэв та нарыг дэлхий үзэн ядвал

2010-06-19T10:26:00.000+08:00

Иохан 15:18-27

“Хэрэв ертөнц та нарыг үзэн ядвал, та нараас өмнө Намайг үзэн ядсаныг нь мэдэгтүн.” (18)

Хэрэв ертөнц та нарыг үзэн ядвал, та нараас өмнө Намайг үзэн ядсаныг нь мэдэгтүн. Шавь нар итгэлээр амьдрах гэвэл, заавал хавчлагыг авна. Есүс энэ үед яаж хавчлагыг даван туулах ёстой вэ гэдгийг зааж өгөв.

1. Есүсийг сана (18-20)

Бид энэ дэлхийд хавчлага авах үед биднээс өмнө хавчлагыг авсан Есүсийг санах хэрэгтэй. Дэлхийн итгэгчдийг хавчиж буй зорилго нь итгэгчид дэлхийнх бус, харин Есүсийнх болсон учраас тэр юм. Бидний Эзэн Есүс хавчлага авсан учир түүний үгийг сахисан бол бидний үг ч сахих болно. Тиймээс бид хавчигдаж байх үедээ шантрах хэрэггүй. Эцэс дэх ялалтанд итгэх хэрэгтэй.

2. Есүсийн гэрчлэл (21-27)

Дэлхий Есүсийн шавь нарыг үзэн ядаж хавчиж буй учир шалтгаан нь Есүсийг илгээсэн Бурханыг мэдэхгүй гэдэг зүйл юм. Гэхдээ эцсийн өдөрт үүгээр шалтаг тооцож болохгүй. Яагаад гэвэл Есүс энэ дэлхийд ирээд өөрийгөө илгээсэн хүнийг гэрчилсэн учраас тэр юм.

Есүсийн шавь нар нь Ариун Сүнстэй хамт Есүсийг гэрчлэх хэрэгтэй.(26) Дэлхий шавь нарыг хэчнээн их хавчиж, үзэн ядлаа ч гэсэн үнэний Ариун Сүнс ирвэл өчүүхэн сул дорой шавь нарыг зоригтойгоор баярын мэдээг дэлгэрүүлэхэд тусалж өгнө.

Гуйлт: Эзэн минь ээ! Дэлхий намайг үзэн ядаж хавчих үед гуниглаж шантарч байсанд гэмшиж байна. Одооноос баяртайгаар хавчлагыг даван туулж, зоригтойгоор баярын мэдээг дэлгэрүүлнэ.

Нэг үг: Хавчигдахад Есүсийг сана!

Библиэс унших хэсэг:

18 Хэрэв ертөнц та нарыг үзэн ядвал, та нараас өмнө Намайг үзэн ядсаныг нь мэдэгтүн.
19 Хэрэв та нар ертөнцийнх байсан бол, ертөнц өөрийнхнийгөө хайрлахсан. Харин та нар ертөнцийнх биш, гагцхүү Би та нарыг ертөнцөөс сонгосон юм. Тиймээс ертөнц та нарыг үзэн яддаг.
20 "Боол эзнээсээ илүү агуу биш" гэж Би та нарт хэлснийг санагтун. Хэрэв тэд Намайг хавчсан бол, та нарыг бас хавчих болно. Хэрэв тэд Миний үгийг сахисан бол, та нарынхыг бас сахих болно.
21 Харин тэд Миний нэрээс болж та нарт энэ бүгдийг хийх болно. Учир нь тэд Намайг илгээсэн Нэгэнийг мэдэхгүй юм.
22 Хэрэв Би ирж, тэдэнд хэлээгүйсэн бол, тэд гэм буруугүй байх байсан. Харин одоо тэд өөрсдийн нүгэлд шалтаг байхгүй боллоо.
23 Намайг үзэн яддаг хүн Миний Эцэгийг ч мөн үзэн яддаг.
24 Хэрэв Би өөр хэний ч хийгээгүй ажлуудыг тэдний дунд хийгээгүйсэн бол, тэд гэм буруугүй байх байсан. Харин одоо тэд Намайг болон Эцэгийг минь үзээд, хоёуланг минь үзэн ядаж байна.
25 Харин "Тэд шалтгаангүйгээр Намайг үзэн ядсан" гэж тэдний Хуульд бичигдсэн үг биелэгдэхийн тулд тэд үүнийг үйлдсэн.
26 Би Эцэгээсээ та нар уруу Туслагчийг илгээнэ. Тэр бол Эцэгээс гарах үнэний Сүнс мөн. Тэр ирэхдээ Миний тухай гэрчилнэ.
27 Та нар эхнээсээ Надтай хамт байсан тул бас гэрчилнэ.

(10.06.17 Пүрэв) - Туслагч үнэний Сүнс

2010-06-16T21:30:00.000+08:00

Иохан 14:15-31

“Би Эцэгээсээ гуйхад, Тэр та нарт өөр Туслагчийг өгнө. Тэр нь та нартай үүрд хамт байна.” (16)

Есүс махан биеэр ирсэн учраас ямагт шавь нартай хамт байж чадахгүй. Харин Туслагч Ариун Сүнсийг илгээн шавь нарт тусална гэж амласан.

1. Та нартай үргэлж хамт байх (15-24)

Хэн ч Есүсийг хайрлаж байгаа бол, түүний тушаалыг сахьдаг. Есүс тэдэнд Туслагч Сүнсийг илгээж өгнө. Энэ Туслагч нь үнэний үгээр итгэгчдэд тусалдаг үнэний Сүнс юм.

Харин энэ дэлхий бол түүнийг харж чадахгүй. Ариун Сүнсний үйлсийг үгүйсгэж, түүнийг хүний оюун ухааны хүч гэж ойлгодог. Харин энэ бол Есүс Эцэгт очиж илгээсэн Ариун Сүнс юм. Энэ Сүнс тэдний хамт байж үүрд мөнх тэдэнд туслах болно.

2. Биднийг сануулах болно (25-31)

Туслагч бол Бурхан Есүсийн нэрээр илгээх Ариун Сүнс юм. Туслагч Ариун Сүнс бол шавь нарт бүгдийг сануулж өгдөг. Ялангуяа биднийг хэцүү бэрхшээлтэй тулгарах үед Есүсийн зарлигийг сануулж өгнө.

Есүс санаа зовж, айж буй шавь нарт амар амгаланг бэлэг болгон өгсөн билээ. Энэ амар амгалан бол үүрд мөнх хувиршгүй үнэн амар амгалан юм. Бидний гэмийг золиосолсон Есүс бидний сэтгэлд асгаж өгдөг үнэн амар амгалан юм.

Гуйлт: Эзэн минь ээ! Та намайг өнчрүүлж орхиогүй, Туслагч Ариун Сүнсийг илгээж өгсөнд баярлалаа. Өдөр бүр үнэний үгээр миний гэм бурууг ухааруулж өгөөч!

Нэг үг: Туслагч, үнэний Сүнс

Библиэс унших хэсэг:

15 Хэрэв та нар Намайг хайрладаг бол, Миний тушаалуудыг сахь.
16 Би Эцэгээсээ гуйхад, Тэр та нарт өөр Туслагчийг өгнө. Тэр нь та нартай үүрд хамт байна.
17 Тэр бол үнэний Сүнс мөн бөгөөд Түүнийг харахгүй, мэдэхгүйгээсээ болж, ертөнц Түүнийг хүлээж авч чадахгүй. Харин та нар Түүнийг мэднэ. Яагаад гэвэл Тэр та нартай хамт үргэлж байх бөгөөд та нарын дотор байна.
18 Би та нарыг өнчрүүлж орхихгүй. Би та нар уруу ирнэ.
19 Хэсэг хугацааны дараа ертөнц Намайг дахиж харахгүй. Харин та нар Намайг харна. Яагаад гэвэл Би амьд байна. Та нар ч амьд байна.
20 Би Өөрийн Эцэг дотор, та нар Миний дотор, Би та нарын дотор байхыг та нар тэр өдөр мэдэх болно.
21 Миний тушаалуудыг сахидаг хүн Намайг хайрлагч мөн. Намайг хайрладаг хүн Миний Эцэгт хайрлагдана. Би тэр хүнийг хайрлаж, Өөрийгөө түүнд илчилнэ гэж хэллээ.
22 Иудас (Искариотын биш) Түүнд
-Эзэн, Та бидэнд Өөрийгөө илчлэх атлаа яагаад ертөнцөд илчлэхгүй юм бэ? гэж асуухад
23 Есүс
-Хэрэв хэн нэг нь Намайг хайрлавал, тэр хүн Миний үгийг сахина. Миний Эцэг түүнийг хайрлана. Бид тэр хүн уруу очиж, түүнтэй хамт Өөрсдийн орон байраа байгуулна.
24 Намайг хайрладаггүй хүн Миний үгийг сахидаггүй. Та нарын сонсож байгаа үг Минийх биш, харин Намайг илгээсэн Эцэгийнх билээ.
25 Би та нартай хамт байхдаа энэ бүгдийг хэллээ.
26 Харин Туслагч буюу Миний нэрээр Эцэгийн минь илгээх Ариун Сүнс та нарт бүх зүйлийг заах бөгөөд Миний та нарт хэлсэн бүгдийг сануулах болно.
27 Амар амгаланг Би та нарт үлдээнэ. Би Өөрийн амар амгалангаа та нарт өгнө. Ертөнцийн өгдгөөс өөр юмыг Би та нарт өгч байна. Та нар зүрхээ бүү зовоо. Бүү ай.
28 "Би яваад, та нар уруу ирнэ" гэж Миний хэлснийг та нар сонслоо. Хэрэв та нар Намайг хайрласан бол Эцэгтээ очиж байгаад минь баярлах байсан. Яагаад гэвэл Эцэг Надаас илүү аугаа юм.
29 Энэ нь тохиолдох үед та нарыг итгүүлэхийн тулд үүнийг тохиолдохоос өмнө та нарт Би одоо хэллээ.
30 Би та нартай олон юм дахиж ярихгүй. Учир нь ертөнцийн захирагч ирж байна. Түүний юу нь ч Миний дотор байхгүй.
31 Харин Би Эцэгээ хайрлаж, Эцэгийн Надад тушаасан ёсоор хийдгээ ертөнцөд мэдүүлнэ. Босоцгоо. Эндээс явцгаая.

(10.06.16 Лхагва) - Зам, үнэн, амь болсон Есүс

2010-06-15T22:01:00.000+08:00

Иохан 14:1-14

Есүс - Би бол зам, үнэн, амь мөн.(6а)

Есүсийг шавь нараас салан явна гэдгийг сонссон шавь нарын сэтгэл санаашрал, зовиураар дүүрэн болжээ. Есүс ийм тэдэнд итгэлийг суулгаж өгсөн юм.

1. Би бол зам (1-6)

Есүс санаа зовж буй шавь нарт “Бурханд итгэ, мөн надад итгэ” гэж хэлсэн. Есүс тэдний орон байрыг бэлдэхийн тулд Бурханы хаанчлал уруу явна. Тэгээд дахиж ирээд шавь нарыг тийш аваачна гэв. 4-р зүйлийг үзвэл, Есүсийн явах газар очих замыг шавь нар ч мэднэ гэв.

Гэтэл Томас нь Есүсийг хаашаа явахыг ч мэдэхгүй, яаж тэр замыг мэдэж чадах вэ? гэж асуужээ.Үүнд Есүс “Би бол зам, үнэн, амь мөн. Надаар дамжихаас өөрөөр хэн ч Эцэгт минь хүрэхгүй.” гэж хариулав. Есүс бол авралын зам, амин зам, Бурханы улсад очих цорын ганц зам болно. Энэ Есүст итгэж дагавал, хэзээ ч төөрөхгүй.

2. Эдгээрээс үлэмж ихийг ч хийх болно (7-14)

Филип Есүсээс Бурханыг харуулахыг хүсчээ. үүнд Есүс “Хэн намайг харсан нь, Эцэгийг минь харсан байлтай.” гэж хэлсэн. Есүс бол энэ дэлхийд ирсэн Бурхан юм. Тиймээс Есүсийн дотор Бурхан байгаа ба Бурхан дотор Есүс байгаа гэдэгт итгэх хэрэгтэй. Бурхан Есүсийн дотор байж өөрийн ажлыг хийдэг.

Энэ Есүст итгэдэг хүн нь Есүсийн хийсэн зүйлсээс үлэмж ихийг ч хийж чадна. Яагаад гэвэл, Есүс эцэгт очиж итгэгчдийн гуйлтанд хариулж өгөх учраас тэр юм.

Гуйлт: Эзэн минь ээ! Миний зам ба үнэн болж, Эцэгт очсоноор надад хүч чадлыг өгч байгаад талархаж байна.

Нэг үг: Надаар дамжихаас өөрөөр

Библиэс унших хэсэг:

1 Та нар зүрхээ бүү зовоо. Бурханд итгэ, мөн Надад итгэ.
2 Миний Эцэгийн гэрт орон байр олон бий. Хэрэв тийм биш байсан бол Би та нарт хэлэх байсан. Би та нарт орон байр бэлдэхээр явна.
3 Хэрэв Би явж та нарт орон байр бэлдвэл, дахин ирж, та нарыг Өөртөө авна. Би хаана байна, та нар мөн тэнд байх болно.
4 [Миний] явах газарт очих замыг та нар мэднэ гэж айлдав.
5 Томас Түүнд
-Эзэн, бид Таны хаашаа явахыг мэдэхгүй. Бид тэр замыг яаж мэдэх вэ? гэсэнд
6 Есүс
-Би бол зам, үнэн, амь мөн. Хэн ч Надаар дамжилгүйгээр Эцэгт хүрэхгүй.
7 Хэрэв та нар Намайг мэдсэн бол Миний Эцэгийг ч мөн мэдэх байсан. Одооноос эхлэн та нар Түүнийг мэдэж, Түүнийг харлаа гэлээ.
8 Филип Түүнд
-Эзэн, бидэнд Эцэгээ харуулаач. Энэ л бидэнд хангалттай гэв.
9 Есүс
-Би та нартай ийм удаан хамт байхад, чи Намайг таньсангүй гэж үү, Филип ээ? Намайг харсан хүн Эцэгийг харсан. Гэтэл "Бидэнд Эцэгээ харуулаач" гэж чи яаж хэлнэ вэ?
10 Би Эцэгийн дотор, Эцэг Миний дотор байгаа гэдэгт чи итгэхгүй байна уу? Миний та нарт хэлж байгаа үгсийг Би Өөрийн санаагаар хэлээгүй. Харин Миний дотор оршигч Эцэг Өөрийнхөө ажлуудыг хийж байгаа юм.
11 Би Эцэгийн дотор, Эцэг Миний дотор байгаа гэдэгт Надад итгэгтүн. Эс бөгөөс үйлсийн учир итгэгтүн.
12 Үнэнээр, үнэнээр Би та нарт хэлье. Надад итгэдэг хүн Миний хийдэг ажлуудыг бас хийх бөгөөд эдгээрээс агуу ажлуудыг ч хийх болно. Яагаад гэвэл Би Эцэгтээ очно.
13 Та нар Миний нэрээр юуг ч гуйсан, Эцэг Хүүгээрээ алдаршуулагдахын тулд Би түүнийг хийнэ.
14 Хэрэв та нар Миний нэрээр юуг ч Надаас гуйвал, Би түүнийг чинь хийнэ.

(10.06.14 Даваа) - Шавь нарын хөлийг угаасан Есүс

2010-06-14T00:38:00.000+08:00

Иохан 13:1-17

“Тэгээд саванд ус хийж, шавь нарынхаа хөлийг угаагаад, бүсэлсэн алчуураараа арчиж эхлэв.” (5)

Есүс энэ дэлхийгээс буцаж Эцэгтээ очих цагаа болсныг мэдээд дэлхийд байгаа өөрийн хүмүүсийг эцэс хүртэл нь хайрлав. Өнөөдрийн зарлигийг үзвэл оройн зоог дээр Есүс шавь нарын хөлийг угааж өгчээ.

1. Хэрэв би чамайг угаахгүй бол (1-11)

Есүс өөрийгөө бариулах санаатай байсан Искариотын Иудагийн хөлийг ч угааж өгчээ. Гэтэл Петр Есүст өөрийн хөлийг хэзээ ч угааж болохгүй гэж хэлэв. Үүнд Есүс “Хэрэв би чамайг угаахгүй бол чи надтай хамаагүй байх болно” гэж хэлсэнд Петр сандраад гар толгойгоо ч угааж өг гэв.

Гэхдээ бие угаасан хүн, өөрөөр хэлбэл Есүст итгэж шинээр дахин төрсөн хүн зөвхөн хөлийг л угаалгавал болно. Бид өдөр бүр хөлөө угаадаг шиг өдөр бүр хийдэг гэмийг гэмших хэрэгтэй. Тэгэхгүй бол Есүстэй хамаагүй болж, Бурханы хаанчлалыг өвлөж чадахгүй.

2. Та нар мөн нэг нэгнийхээ хөлийг угаах ёстой (12-17)

Есүс шавь нарын хөлийг угааж өгсөн нь үйлчлэлийн үлгэр дууриаллыг үзүүлэхийн тулд юм. Шавь нар “Хэн нь их вэ?” гэдгээр маргалддаг байсан. Тиймээс нэг нэгнийгээ чин сэтгэлээр хайрлаж чадахгүй байсан. Есүс ийм өөрийгөө дорд болгож, эгэл даруухнаар үйлчлэх амьдралаар амьдруулахын тулд үлгэр жишээ үзүүлсэн билээ. Нэг нэгнийхээ хөлийг угаана гэдэг нь бусдын давуу талыг хүлээн зөвшөөрч, сул талыг нь тэвчинэ гэсэн үг юм. Мөн даруу сэтгэлээр нэг нэгэндээ үйлчилнэ гэсэн үг юм. Ийм амьдралаар амьдрахад хүн аз жаргалыг мэдэрнэ.

Гуйлт: Эзэн минь ээ! Миний гэм бурууг аргадаж өгсөн Есүсээс үлгэр жишээ аван бусдын гэм бурууг аргадаж өгдөг хүн болж чадахыг гуйж байна.

Нэг үг: Нэг нэгнийхээ хөлийг угаа!

Библиэс унших хэсэг:

1 Дээгүүр Өнгөрөх Баяраас өмнө Есүс энэ ертөнцөөс салж Эцэг уруугаа очих цаг нь болсныг мэдээд, дэлхийд байгаа Өөрийн хүмүүсийг хайрлан, тэднийг эцэст нь хүртэл хайрлав.
2 Оройн зоогийн үеэр Есүсийг бариулах санааг Симоны хүү Искариотын Иудасын зүрхэнд диавол хэдийн хийсэн байлаа.
3 Эцэг нь бүх юмаа Өөрийнх нь мутарт өгснийг болон Бурханаас ирээд Бурхан уруу буцан явж байгаагаа Есүс мэдээд,
4 зоогийн ширээнээс босож, гадуур хувцсаа тайлаад, алчуур авч бүслэв.
5 Тэгээд саванд ус хийж, шавь нарынхаа хөлийг угаагаад, бүсэлсэн алчуураараа арчиж эхлэв.
6 Есүс Симон Петр уруу ирэхэд Петр Түүнд
-Эзэн, Та миний хөлийг угаах гэж үү? гэв.
7 Есүс түүнд хариулан
-Чи Миний юу хийж байгааг одоо мэдэхгүй. Харин чи хожим ойлгоно гэлээ.
8 Петр Түүнд
-Та миний хөлийг хэзээ ч угаахгүй шүү гэсэнд Есүс
-Хэрэв Би чамайг угаахгүй бол чи Надад хамаагүй болно гэлээ.
9 Тэгтэл Симон Петр Түүнд
-Эзэн, зөвхөн хөлийг минь ч биш, бас гар, толгойг минь угаагаач гэж хэлэв.
10 Есүс
-Биеэ угаасан хүн хөлөө л угаах хэрэгтэй. Тэгвэл гүйцэд цэвэрхэн байна. Та нар цэвэр байна. Гэхдээ та нар бүгдээрээ биш шүү гэлээ.
11 Учир нь Есүс Өөрийг нь барьж өгөх нэгнийг мэдэж байсан тул "Та нар бүгдээрээ цэвэр биш шүү" гэж айлджээ.
12 Тэгээд Тэр тэдний хөлийг угаасны дараа гадуур хувцсаа авч, дахин тухлан суугаад тэдэнд
-Та нарт Би юу хийж өгснийг мэдэж байна уу?
13 Та нар Намайг Багш, Эзэн гэж дууддаг. Та нар зөв ярьж байна. Учир нь Би үнэхээр мөн.
14 Тэгвэл Би Эзэн, Багш байтлаа та нарын хөлийг угаасан бол та нар мөн нэг нэгнийхээ хөлийг угаах ёстой.
15 Учир нь Миний та нарт юу хийснийг та нар бас хийх хэрэгтэй гэж Би ийм жишээ үзүүлсэн юм.
16 Үнэнээр, үнэнээр Би та нарт хэлье. Боол нь эзнээсээ агуу биш, мөн илгээгдэгч нь илгээгчээсээ агуу биш юм.
17 Хэрэв та нар эдгээрийг мэдэж, үйлдвэл ерөөлтэй.

(10.06.13 Ням) - Гэрлээр ирсэн Есүс

2010-06-12T20:02:00.000+08:00

Иохан 12:37-50

Надад итгэдэг хүн бүрийг харанхуйд байлгахгүйн тулд Би ертөнцөд гэрэл болон ирсэн.(46)

Есүс олон бэлгэ тэмдгүүдийг Иудейчүүдийн өмнө үйлддэг байв. Гэвч тэд Есүст итгэдэггүй байв. Есүс тэдний ихэрхэг, үл итгэлийн гэмийг зэмлэж, итгэхийг шаардав.

1. Хүний алдрыг илүү гэж үзсэн Иудей хүмүүс (37-43)

Иудейчүүд Есүсийн олон тэмдгийг нүдээр үзсэн боловч Есүст итгээгүй явдал нь үнэхээр ойлгомжгүй зүйл юм. Гэхдээ энэ нь зөнч Исаяагийн хэлсэн үгийн биелэлт билээ. Зөнч Исаяа аль хэдийн Христийн алдар болон Иудейчүүдийн үл итгэлийн тухай зөгнөсөн байжээ.

Гэхдээ удирдагчдаас олон хүн Есүст итгэжээ. Гэвч Фарисайчуудаас болж илэрхий хүлээн зөвшөөрч чадахгүй байсан. Хохирол учрахаас айсан учраас тэд тэгсэн юм. Тэдний асуудал бол “Хүний алдрыг Бурханы алдраас илүү үздэг” зүйл юм.

2. Гэрлээр ирсэн Есүс (44-50)

Есүс сүнсний хараагүй, зүрх нь хатуу байсан Иудейчүүдэд итгэлийг шаардсан. Есүст итгэгч нь Бурханд итгэгч бөгөөд Есүсийг харагч нь Бурханыг харагч юм. Есүс гэрлээр энэ дэлхийд ирсэн. Тиймээс Есүсийн зарлигийг сонсож дуулгавартай дагадаг хүн нь харанхуйд явахгүй, гэрэл дотор байх болно.Есүс дэлхийг шийтгэхээр ирсэн бус, аврахаар ирсэн авралын гэрэл юм. Есүсийг үг бол Бурханы үг бөгөд шийтгэлийг шалгуур болно. Тийм учраас бид Есүст итгэж, түүний үгийг дуулгавартайгаар дагах ёстой.

Гуйлт: Эзэн минь ээ! Би өөрийн нэр алдрыг хайрладаг байсандаа гэмшиж байна. Би ямар ч үед зөвхөн Бурханы алдрыг дээдэлдэг болоход туслаач!

Нэг үг : Гэрэл болсон Есүс

Библиэс унших хэсэг:

37 Хэдийгээр Есүс тэдний өмнө өдий олон тэмдгийг үйлдсэн боловч тэд Түүнд итгэхгүй байлаа.
38 Энэ нь эш үзүүлэгч Исаиагийн "Эзэн, бидний мэдээнд хэн итгэсэн бэ? Эзэний мутар хэнд илчлэгдсэн бэ?" гэж хэлсэн үг биелэгдэхийн тулд ажээ.
39 Тиймээс ч тэд итгэж чадаагүй юм. Учир нь Исаиа бас
40 "Тэр тэдний нүдийг сохолж, зүрхийг нь хатуу болгосон. Ингэснээр тэд нүдээрээ харж, зүрхээрээ ухаарч, эргэж буцахгүй бөгөөд Би тэднийг эдгээхгүй юм" гэсэн.
41 Исаиа Түүний цог жавхланг харж, Түүний тухай ярьсан учраас эдгээрийг хэлсэн ажээ.
42 Хэдий тийм боловч захирагчдаас олон хүн Есүст итгэсэн билээ. Гэвч тэд фарисайчуудаас болж Түүнийг илээр хүлээн зөвшөөрсөнгүй. Тэд синагогаас хөөгдөх вий гэсэндээ тэгжээ.
43 Учир нь тэд хүний алдрыг Бурханы алдраас илүү таалсан юм.
44 Есүс хашхиран
-Надад итгэгч хүн Надад итгэж байгаа биш, харин Намайг Илгээгчид итгэж байгаа юм.
45 Намайг харагч хүн Намайг илгээсэн Нэгэнийг харж байна.
46 Надад итгэдэг хүн бүрийг харанхуйд байлгахгүйн тулд Би ертөнцөд гэрэл болон ирсэн.
47 Хэрэв Миний үгийг сонсоод үл сахидаг хүн байвал, Би түүнийг шүүхгүй. Учир нь Би ертөнцийг шүүхийн тулд бус, харин ертөнцийг аврахын тулд ирсэн юм.
48 Намайг голж, Миний үгийг хүлээж авдаггүй хүнийг шүүх шүүгч бий. Миний хэлсэн үг эцсийн өдөрт түүнийг шүүнэ.
49 Яагаад гэвэл Би Өөрийн санаагаар яриагүй, харин юу хэлж, юу ярих тушаалыг Намайг илгээсэн Эцэг Өөрөө Надад өгсөн юм.
50 Түүний тушаал бол мөнх амь мөн гэдгийг Би мэднэ. Тиймээс Миний хэлж байгаа зүйлс нь Эцэгийн Надад хэлж байгааг Би хэлж байгаа юм гэж айлдлаа.

(10.06.12 Бямба) - Би үүний төлөө ирсэн

2010-06-11T21:07:00.001+08:00

Иохан 12:27-36

“Гэвч би энэ зорилгын төлөө энэ цагт л ирсэн.” (27)

Есүс улаан буудайн сургаалт зүйрлэлийг хэлсний дараа, сэтгэл нь зовниж байсан. Есүст ч бодит амьдрал дээр хэрэгжүүлнэ гэдэг нь хэцүү зүйл байсан. Есүс өөрийгөө үгүйсгэж улаан буудайн сургаалын үнэнд дуулгавартайгаар дагасан билээ.

1. Эцэг минь, нэрээ алдаршуулаач (27-33)

Есүс загалмайд нас барах цаг нь ирснийг мэдээд мөш зовниж байсан. “Энэ цаг мөчөөс намайг авчраач!” гэж гуйсан. Есүс бол Бурханы Хүү юм. Харин үхлийн өмнө бидэнтэй адил санаа зовниж, гуниглан шантарч байсан.

Харин Есүс Бурханыг дуулгавартай дагах гэж тэмцэлдсэн бөгөөд Бурханы нэрийг алдаршуулахын төлөө гуйсан.(28) Бурхан энэ гуйлтыг сонсож Есүсийг нас барснаар энэ дэлхийн захирагч гадаа хаягдаж, бүх хүмүүс аврагдана гэсэн бат итгэлийг суулгаж өгсөн.(31,32)

2. Гэрлийн хүүхдүүд бол (34-36)

Есүс загалмайд нас барснаар бүх хүн төрөлхтөн аврал хүртэх бүрэн боломжтой болсон. Хэн ч итгэвэл аврагдана. Гэвч Иудейчүүд Есүст итгэхийг ер хүсдэггүй байв. Тэд Есүсийг унагаахыг л хичээж байсан.

Есүс ийм тэдэнд гэрэлтэй байх зуураа явж, гэрэлтэй байх зуураа гэрэлд итгэ гэж хэлсэн. Хэн ч гэрэлт итгэвэл гэрлийн хүүхдүүд болно.(36)

Гуйлт: Эзэн минь ээ! Намайг Эзэнээс үлгэр жишээ авч, өөрийгөө үгүйсгэж, Бурханы тааллыг даган улаан буудайн сургаалын үнэнийг дуулгавартай дагахад минь туслаач!

Нэг үг: Би үүний төлөө ирсэн.

Библиэс унших хэсэг:

27 Одоо сэтгэл минь шаналж байна. Би юу гэж хэлэх юм бэ? "Аав аа, энэ цагаас Намайг авраач" гэх үү? Гэвч Би энэ зорилгын төлөө энэ цагт л ирсэн.
28 Аав аа, нэрээ алдаршуулаач гэв. Тэгтэл тэнгэрээс
-Би нэрээ алдаршуулсан. Дахин алдаршуулна гэсэн дуу гарлаа.
29 Тэнд зогсож байсан хүмүүс үүнийг сонсоод
-Тэнгэр дуугарлаа гэхэд зарим нь
-Тэнгэр элч Түүнтэй ярилаа гэцгээв.
30 Есүс
-Энэ дуу Миний төлөө биш, харин та нарын төлөө гарсан.
31 Одоо энэ ертөнц шүүгдэх гэж байна. Одоо энэ ертөнцийн захирагч зайлуулагдах болно.
32 Хэрэв Би газраас өргөгдвөл, бүх хүнийг Өөртөө татна хэмээн айлдлаа.
33 Тэр Өөрөө ямар үхлээр үхэхээ онцолж үүнийг хэлжээ.
34 Хурсан олон Түүнд
-Христ мөнхөд байна гэж бид хуулиас сонссон атал Та "Хүний Хүү өргөгдөх ёстой" гэж яаж ярьж чадна вэ? Энэ Хүний Хүү нь хэн бэ? гэв.
35 Есүс тэдэнд
-Хоромхон хугацаанд гэрэл нь та нарын дунд байна. Та нарыг харанхуй нөмрөн авахгүйн тулд гэрэлтэй байх зуураа явагтун. Харанхуйд явагч хүн хаашаа яваагаа мэдэхгүй.
36 Гэрэлтэй байх зуураа та нар гэрэлд итгэгтүн. Тэгвэл та нар гэрлийн хөвгүүд болно гэлээ.
Есүс ийн айлдсаны дараа тэднээс салан явж нуугдав.

(10.06.11 Баасан) - Улаан буудайн үрийн зүйрлэл

2010-06-11T10:59:00.000+08:00

Иохан 12:12-26

“Үнэнээр, үнэнээр Би та нарт хэлье. Хэрэв улаан буудайн үр газар унаад үхэхгүй бол тэр ганцаараа үлдэнэ. Харин хэрвээ тэр үхвэл олон үр бий болгоно.” (24)

Бидний амь бол хязгааргүй үр тариаг боловсруулах чадвартай нэгэн ширхэгийн улаан буудайн үртэй адил юм.

1. Илжгийг унаж ирсэн Есүс (12-19)

Есүсийг Иерусалимд орж ирэхэд маш олон хүн дал модны найлзуурыг барьж түүнийг халуунаар угтаж авсан. “Хосана, Эзэний нэрээр ирэгч Израйлийн хаан ивээгдэх болтугай” Ингэхэд Есүс илжгийг унаж Иерусалимд орсон билээ. Илжгийг унаж ирсэн Есүс нь эгэл даруухан хаан юм. Энэ Есүсийг биднийг сэтгэлд хүлээн зөвшөөрөхөд Есүс бидний номхон дөлгөөн, эгэл даруу, хайр ба энх амгалангаар захирч өгнө.

2. Улаан буудайн үр газар унаад ирвэл (20-26)

Есүс үр дүнтэй амьдрахыг хүсч буй грекүүдэд “Хэрэв улаан буудайн үр газар унаад үхэхгүй бол тэр ганцаараа үлдэнэ. Харин тэр үхвэл олон үр бий болгоно.”(24) Нэгэн ширхэгийн улаан буудай нь их үр тариаг боловсруулж чадах боломжтой байдаг. Гэхдээ олон үрийг бий болгохын тулд эхлээд газар унаад заавал үхэх ёстой.

Өөрийн амийг хайрлагч хэн ч түүнээ алдана. Харин өөрийн амийг үзэн ядагч нь түүнээ мөнх аминд хүртэл хамгаалах болно.

Гуйлт: Эзэн минь ээ! Миний сэтгэлд бууж ирээд хайр ба энх амгалангаар намайг захирч өгөөч! Би улаан буудайн сургаалын үнэнийг амьдрал дээрээ хэрэгжүүлснээр их үр жимсийг төрүүлж чадахыг гуйж байна.

Нэг үг: Үхэхгүй бол үр жимс төрүүлж чадахгүй.

Библиэс унших хэсэг:

12 Маргааш нь баярт ирсэн үй олон хүн Есүсийг Иерусалим уруу ирж явааг сонсоод,
13 далдуу модны мөчрийг барьж, Түүнийг угтахаар гарч,
-Хосанна! Эзэний нэрээр Ирэгч, Израилийн Хаан ерөөлтэй еэ! гэж хашхиралдаж байлаа.
14 Есүс залуу илжиг олж унасан байв. Энэ нь
15 "Сионы охин оо, бүү ай! Харагтун, Хаан чинь илжигний дудран унаад ирж байна" гэж бичигдсэнчлэн болов.
16 Шавь нар нь эдгээр зүйлсийг анхандаа ойлгоогүй ажээ. Харин Есүсийг алдарших үед эдгээр нь Түүний тухай бичсэн байсныг, мөн хүмүүс Түүнд эдгээрийг үйлдсэн гэдгийг нь санажээ.
17 Есүс Лазарыг булшнаас дуудаж, үхэгсдээс амилуулахад нь Түүнтэй хамт байсан олон түмэн Есүсийг гэрчилж байлаа.
18 Тиймээс олон түмэн Есүсийн эдгээр тэмдгийг үйлдсэнийг сонссон тул Түүнийг угтав.
19 Тэгтэл фарисайчууд өөр хоорондоо
-Хараач, та нарын үйлс ямар ч ашиг алга. Харцгаа, Түүний араас бүгд дагалаа гэцгээв.
20 Баяраар Бурханд мөргөхөөр ирсэн хүмүүсийн дунд хэдэн Грек хүн байлаа.
21 Тэд Галилын Бетсайдын Филип уруу очиж, түүнээс
-Эзэнтэн, бид Есүсийг хармаар байна гэж гуйсанд
22 Филип явж Андрейд хэлэв. Андрей, Филип нар явж Есүст дуулгав.
23 Есүс тэдэнд
-Хүний Хүүгийн алдарших цаг нь ирлээ.
24 Үнэнээр, үнэнээр Би та нарт хэлье. Хэрэв улаан буудайн үр газар унаад үхэхгүй бол тэр ганцаараа үлдэнэ. Харин хэрвээ тэр үхвэл олон үр бий болгоно.
25 Өөрийн амийг хайрлагч хүн түүнийгээ алдана. Энэ ертөнцөд өөрийн амийг үзэн яддаг хүн түүнийгээ мөнх аминд хүртэл хамгаалах болно.
26 Хэрэв Надад үйлчлэх хүн байвал, Намайг дага. Хаана Би байна, тэнд бас Миний зарц байх болно. Хэрэв хүн Надад үйлчилбэл, тэр хүнийг Эцэг минь хүндэлнэ.

(10.06.10 Пүрэв) - Есүст анхилам тосыг асгасан эмэгтэй

2010-06-09T22:00:00.001+08:00

Иохан 12:1-11

“Тэгтэл Мариа маш үнэтэй цэвэр нардын нэг литра үнэрт тос аваад, Есүсийн хөлийг тослож, үсээрээ хөлийг нь арчив.” (3)

Өнгөрсний баяраас зургаан өдрийн өмнө Есүс Иерусалим уруу явах замдаа Бээтанд иржээ. Тэнд Лазар Есүсийн төлөө оройн зоог бэлдэв. Энэ үед юу тохиолдсон бэ?

1. Анхилам тосыг асгасан Мариа (1-3)

Энэхүү оройн зоог дээр Мариа маш их үнэтэй цэвэр нардын анхилам тосыг Есүсийн хөлд харамгүй асгажээ. Тэгээд Есүсийн хөлний өмнө өвдөг сөгдөж, өөрийн үсээрээ Есүсийн хөлийг арчжээ. Мариа ирээдүйн сайн сайхан амьдралыг хүсч нардын анхилам тосыг бага багаар цуглуулжээ. Тэгж цуглуулсан анхилам тос нь хагас литр хүрсэн. Энэ нь түүний хувьд хамгийн нандин зүйл байв. Ийм нандин зүйлийг Мариа Есүсийн хөлд асгасан юм. Тэрээр хамгийн нандин зүйлийг Есүст өргөх чинээгээр Есүсийг хайрлав. Түүний асгасан зүйл бол зөвхөн нард анхилам тос биш байсан. Түүний ирээдүй болон хүсэл мөрөөдлийг хүртэл Есүст өргөжээ. Энэхүү түүний хайрын анхилуун үнэр нь гэрээр төдийгүй бүх дэлхийд дэлгэрсэн билээ.

2. Мариаг таалсан Есүс (4-11)

Гэвч Мариагийн энэхүү үйлсийг Иуда шүүмжлэв. “Яагаад энэ тосыг гурван зуун дэнараар зарж, ядууст өгсөнгүй вэ?” Есүсээс илүү мөнгөнд хайртай байсан Иудад Мариагийн үйлдэл нь дэмий хоосон зүйл мэт харагдсан. Харин Есүс Мариагийн үйлдлийг тайлж, өөрийн оршуулгатай холбож үзжээ. Тэгээд баярын мэдээ дэлгэрэх газар болгонд энэ эмэгтэйгийн үйлс ч гэрчлэгдэхийг ерөөжээ.(Матай 26:13) Бидний амь биеэ зориулж байгааг дэлхийн хүмүүс харвал ойлгохгүй, дэмий зүйл хийж байна гэж боддог. Гэвч Есүс нь бидний өргөсөн зүйлийг таалж, авралын үйлсдээ нандинаар хэрэглэж өгнө.

Гуйлт: Эзэн минь ээ! Миний дотор байгаа дэлхийг хайрлах сэтгэлийг арилгаж өгөөч. Мариа мэт Есүсийг чин сэтгэлээр идэвхтэйгээр хайрлаж чадахыг гуйж байна.

Нэг үг: Хайрын анхилуун үнэр

Библиэс унших хэсэг:

1 Тэгээд Дээгүүр Өнгөрөх баяраас зургаан өдрийн өмнө Есүс Бетанд иржээ. Тэнд Есүсийн үхлээс амилуулсан Лазар байлаа.
2 Тэд тэнд Есүст зоог бэлдэж, Марта үйлчилж байв. Харин Есүстэй хамт тухлан сууж байсан хүмүүсийн нэг нь Лазар байв.
3 Тэгтэл Мариа маш үнэтэй цэвэр нардын нэг литра үнэрт тос аваад, Есүсийн хөлийг тослож, үсээрээ хөлийг нь арчив. Гэр нь тосны анхилам үнэрээр дүүрлээ.
4 Харин Есүсийн шавь нарын нэг буюу Түүнийг барьж өгөхийг бодож байсан Искариотын Иудас
5 -Яагаад энэ тосыг гурван зуун денараар зарж, ядууст өгсөнгүй вэ? гэв.
6 Тэрээр ядуусын талаар санаа тавьсандаа бус, харин хулгайч байсан болохоор тэгж хэлжээ. Тэр мөнгөний хүүдийг барьж, дотор нь хийснийг нь авчихдаг байжээ.
7 Тэгтэл Есүс
-Түүнийг орхи. Миний оршуулгын өдөрт зориулж Мариа үүнийг хадгалаг.
8 Учир нь та нар үргэлж ядуустай цуг байна. Харин та нар Надтай үргэлж цуг байхгүй гэж айлдав.
9 Үй олон иудейчүүд Есүсийг тэнд байгааг мэдээд зөвхөн Есүсийн төлөө биш, харин Түүний үхлээс амилуулсан Лазарыг бас үзэхээр иржээ.
10 Харин ахлах тахилч нар мөн Лазарыг алахаар зөвлөлдөв.
11 Учир нь Лазараас болж иудейчүүдээс олон хүн явж, Есүст итгэж байлаа.

(10.06.08 Мягмар) - Лазарыг амилуулсан Есүс

2010-06-08T19:41:00.000+08:00

Иохан 11:41-57

Тэр ийн айлдаад чанга дуугаар - Лазар гараад ир гэж хашхирав.(43)

Хэн нь ч үхлийн хүчний өмнө өчүүхэн сул дорой байдаг. Дэлхийн эрх мэдэлтнүүд ч, агуу их баатрууд ч бүгдээрээ хүчгүй бууж өгсөн. Харин Есүс үхлийн хүчтэй тэмцэлдэв. Тэгээд үхлийн хүчийг ялан дийлсэн.

1. Лазар, гараад ир (41-44)

Тэд хадыг зайлуулсанд Есүс Бурханаас хичээнгүйлэн гуйжээ. (41,42) Тэгээд “Лазар, гараад ир” гэж чанга дуугаар тушаав. Тэгэнгүүт үхсэн хүн хөл гар нь оршуулгын боолтоор боолттой, нүүр нь алчуураар ороолттой чигээр гарч ирэв.(44) Есүс нь зарлигаараа Лазарыг үхлийн хүчнээс чөлөөлжээ. Есүс үүгээр дамжуулан өөрөө амилал ба амь болно гэдгийг гэрчилсэн. Хүмүүст итгэлийг суулгаж, Бурхан болон Бурханы хүүгийн алдрыг илэрхийлсэн билээ.

2. Бүх хүмүүсийн төлөө нэг хүн үхэх нь (45-57)

Үхсэн Лазарыг амилуулсан үйл явдлыг харсан Иудей хүмүүсээс олон хүн Есүст итгэсэн. Харин шашны удирдагчид нь энэ сураг чимээ дэлгэрэх болон ард түмнийг Есүст итгэхээс ихэд айцгаажээ. Тэгээд хоорондоо зөвлөлдөж Есүсийг алахыг санаачлав. “Үндэстнээрээ мөхөхгүйн тулд бүх хүмүүсийн төлөө нэг хүн үхэх нь дээр”(50). Гэхдээ энэ үг бол өөрсдөө хэлсэн үг биш, харин Бурханы тааллыг биелүүлэх гэсэн зөгнөлийн биелэлт нь болжээ.(51,52) Есүс нь Бурханы тааллын дагуу загалмайд цовдлогдон нас барснаар Бурханы хүүхдүүдийг нэг болгоно. Үхлийн хүч Есүсийг устгаж чадахгүй.

Гуйлт: Эзэн минь ээ! Эзэн миний амийг захирч байгаа гэдэгт итгэж байна. “Лазар, гараад ир!” гэсэн амилалтын дуу хоолойг сонсож ялалтын амьдралаар амьдарч чадахыг гуйж байна.

Нэг үг: Лазар, гараад ир!

Библиэс унших хэсэг:

41 Тэгээд тэд хадыг зайлуулав. Есүс дээшээ харан
-Аав аа, Та Намайг сонссонд Танд Би талархаж байна.
42 Та Намайг үргэлж сонсдогийг Би мэдсэн. Таны Намайг илгээсэн гэдэгт итгүүлэхийн тулд тойрон зогсох энэ хүмүүсийн төлөө Би үүнийг хэллээ гэв.
43 Тэр ийн айлдаад, чанга дуугаар
-Лазар, гараад ир гэж хашхирав.
44 Үхсэн хүн гар, хөл нь оршуулгын боолтоор боолттой, нүүр нь алчуураар ороолттой чигээрээ гарч ирэв. Есүс тэдэнд
-Тайлж, түүнийг явуул гэв.
45 Мариагийнд ирсэн иудейчүүдээс олон хүн Есүсийн хийсэн зүйлийг хараад, Түүнд итгэжээ.
46 Харин тэдний зарим нь фарисайчууд уруу очиж, Есүсийн хийсэн зүйлийг тэдэнд хэлцгээв.
47 Тэгтэл ахлах тахилч нар болон фарисайчууд зөвлөлдөж
-Бид юу хийх вэ? Энэ хүн олон тэмдгийг үйлдэж байна.
48 Хэрэв бид Түүнийг ингээд орхивол, бүх хүмүүс Түүнд итгэнэ. Тэгвэл ромчууд ирж, манай орныг болон үндэстнийг маань устгана даа гэцгээв.
49 Харин тэдний нэг болох тэр жил тэргүүн тахилч болсон Каиаф тэдэнд
-Та нар юу ч мэдэхгүй,
50 мөн бүх үндэстнээрээ мөхөхгүйн тулд ард түмний төлөө нэг хүн үхэх нь дээр гэдгийг ч бодохгүй байна гэж хэлэв.
51 Тэр энэ үгсийг өөрийн санаагаар хэлээгүй. Харин тэр жилийн тэргүүн тахилч байсан учир тэрээр Есүсийн үндэстнийхээ төлөө үхэх тухай болон
52 Түүний зөвхөн үндэстнийхээ төлөө бус, харин Бурханы тарсан хүүхдүүдийг бөөгнүүлж нэгтгэхийн төлөө үхэх тухай эш үзүүлжээ.
53 Энэ өдрөөс тэд Есүсийг алахаар төлөвлөв.
54 Тиймээс Есүс иудейчүүдийн дунд дахиж илээр явсангүй. Харин тэндээс цөлийн ойролцоох нутаг уруу явж, Ефрайм гэдэг хотод очжээ. Тэнд шавь нарынхаа хамт үлдэв.
55 Иудейчүүдийн Дээгүүр Өнгөрөх баяр ойртсон байлаа. Олон хүн өөрсдийгөө ариусгахаар Дээгүүр Өнгөрөх баяраас өмнө нутгаасаа Иерусалим уруу иржээ.
56 Тэд Есүсийг хайж, сүм дотор байхдаа өөр хоорондоо
-Та нар юу гэж бодож байна? Тэр баяр дээр ирэх болов уу? хэмээн ярьж байлаа.
57 Ахлах тахилч нар болон фарисайчууд хэрэв Түүний хаана байгааг мэдсэн хүн байвал Есүсийг бариулахаар энэ тухай мэдэгдэх ёстой гэсэн зарлиг буулгасан байв.

(10.06.08 Мягмар) - Хадыг зайлуул

2010-06-07T20:54:00.000+08:00

Иохан 11:28-40

“Хэрэв чи итгэвэл Бурханы алдрыг харна”(40)

Есүийг булшинд очиход Лазар бол үхээд 4 хоног өнгөрч байжээ. Булш нь хадаар тагладагсан байсан. Тайтгаруулахаар ирсэн Иудей хүмүүс Есүсийг шоолж байв. Үхлийн хүч нь ноёлж буй тэр газарт Есүс хэрхэн яаж Бурханы алдрыг илэрхийлсэн бэ?

1. Гашуудсан Есүс (28-37)

Мариа болон түүний хамт байсан хүмүүс уйлж байгааг харсан Есүс сүнс дотроо гашуудсан. Мөн тэднийг өрөвдөн уйлсан. Есүс гашуудсан нь хайртай хүүхдүүдийг зовоон дарлаж буй үхлийг хүчийг хараад тэгсэн юм. Бас амилал ба амийн Эзэн Есүсийг харсаар байж итгэхгүй, уйлж байгаа тэднийг хараад Есүс гашуудсан юм.

2. Хэрэв итгэвэл Бурханы алдрыг харна (38-40)

Есүс Мартад булшны чулууг зайлуул гэж тушаасан. Үл итгэлийн чулуу, гунигийн чулуу, ялагдсан сэтгэлийн чулууг зайлуул гэж тушаасан. Эргэлзэж буй Мартад Есүс хэлэв. “Хэрэв итгэвэл Бурханы алдрыг харна гэж би чамд хэлээгүй бил үү?”(40) Итгэл сул учраас амархан шантардаг Мартаг Есүс эцэс хүртэл зарлигаар хамгаалж зоригжуулж өгчээ. Дахин дахин амилалтанд итгэх итгэлийг суулгаж өгөв. Эцэс хүртэл итгэлээр Бурханы алдрыг харахад туслав. Ямар ч цөхрөлт байдал дунд итгэлийг алдахгүй байвал Бурханы алдрыг харж чадна.

Гуйлт: Эзэн минь ээ! Бодит байдлыг харан амархан шантарч, үл итгэх сэтгэлд автагдаж байсанд гэмшиж байна. Эцэс хүртэл итгэлийг хамгаалснаараа Бурханы алдрыг харж чадахыг гуйж байна.

Нэг үг: Хэрэв чи итгэвэл...

Библиэс унших хэсэг:

28 Үүнийг хэлээд тэр явж, дүү Мариагаа дуудаад, сэмхэн
-Багш энүүхэнд байна. Чамайг дуудаж байна гэхэд
29 Мариа үүнийг сонсоод, ухасхийн босож, Түүн уруу очив.
30 Есүс тосгонд хараахан хүрч очоогүй агаад харин Мартатай уулзсан тэр газраа л байж байлаа.
31 Тэгтэл гэрт нь Мариатай байж, тайтгаруулж байсан иудейчүүд түүнийг ухасхийн босож гарч явахыг хараад араас нь дагав. Тэд түүнийг булшин дээр очин уйлахаар явлаа хэмээн боджээ.
32 Мариа Есүсийн байсан газар ирж, Түүнийг хараад Есүсийн хөлд унаж,
-Эзэн, хэрэв Та энд байсан бол миний ах үхэхгүй байх байсан гэлээ.
33 Есүс түүний уйлахыг болон түүнтэй хамт ирсэн иудейчүүдийн уйлахыг хараад сүнс нь гүнээ шаналж, сэтгэл нь хөдөлж,
34 -Та нар түүнийг хаана тавьсан бэ? гэж асуухад тэд Түүнд
-Эзэн, ирээд, үз гэлээ.
35 Есүс уйлав.
36 Тэгтэл иудейчүүд
-Тэр түүнд ямар хайртай байсныг хараач гэцгээж байлаа.
37 Харин тэдний зарим нь
-Сохор хүний нүдийг нээсэн энэ хүн түүнийг мөн үхүүлэхгүй байж чадаагүй юм байх даа гэв.
38 Есүс дахиад л дотроо гүнээ шаналж, булш уруу хүрч ирэв. Энэ нь агуй байсан бөгөөд амыг нь хадаар тагласан байлаа.
39 Есүс
-Хадыг зайлуул гэхэд талийгаачийн дүү Марта Түүнд
-Эзэн, тэр үхээд дөрөв хонож байгаа тул одоо өмхий үнэр орсон байгаа гэж хэлэв.
40 Есүс Мартад
-"Хэрэв чи итгэвэл Бурханы алдрыг харна" гэж Би чамд хэлээгүй бил үү? гэлээ.

(10.06.07 Даваа) - Би бол амилал ба амь мөн

2010-06-06T18:54:00.001+08:00

Иохан 11:17-27

Есүс Мартад - Би бол амилалт ба амь мөн.(25)

Лазарын үхлээс болж түүний гэрийнхэн үхлийн хүчинд захирагдаж байв. Цөхрөл ба гунигаар дүүрэн байсан. Энэхүү тэдэнд Есүс амилалтанд итгэх итгэлийг суулгаж өгөв.

1. Эцсийн өдрийн амилалтанд (17-24)

Есүс ирээд Лазар булшинд 4 хоног байсныг мэджээ. Марта Есүс ирж байна гэдгийг сонсоод түүнийг угтахаар гэрээсээ гарав. Есүстэй уулзаж, тэр түүнд “Эзэн минь. Та энд байсан бол миний ах үхэхгүй байх байсан” гэж хэлсэн. Энэхүү түүний сэтгэл нь гомдол, гунигаар дүүрэн байв.

Есүс нь гүн цөхрөл, гунигт автагдсан байсан. Мартад нь Лазар амилна гэдэг хүсэл найдварыг суулгаж өгчээ.(23) Энэ үед Марта “Эцсийн өдрийн амилалтанд түүний амилахыг би мэднэ” гэв. Тэрээр амилалтыг хойт нас гэж бодож байсан. Энэхүү түүнд амилат нь энэ насны амьдралд ямар ч утгагүй байв.

2. Чи энэнд итгэж байна уу?(25-27)

25,26-р зүйлийг цээжээр уншаарай. Есүс бол амилал ба амь юм. Хэн нь ч түүнд итгэвэл, үхэвч амилна. Бас амьд байхдаа итгэгч аливаа хүн үүрд мөнх үүхэхгүй. Есүс “Чи энэнд итгэж байна уу?” гэж асуув. Есүс нь одоо ч итгэгчдэд амилал ба амь болно. Ийм асуултанд Марта “Тийм ээ. Эзэн минь. Таныг Бурханы хүү Христ мөн гэдэгт, дэлхийд ирнэ гэдэгт ч би итгэсэн. Итгэж байна” гэж хариулав.

Гуйлт: Эзэн минь ээ! Би амилал буюу амь болсон Есүст итгэж байна. Би Эзэнд итгэж байгаа учир үхсэн ч дахин амилж, үүрд мөнх үхэхгүй гэдэгт итгэж байна.

Нэг үг: Би бол амилал ба амь мөн

Библиэс унших хэсэг:

17 Есүс ирээд, Лазар булшинд дөрвөн хоног байсныг мэдэв.
18 Бетан Иерусалимаас холгүй арван таван стадиа орчмын тэртээ байдаг аж.
19 Ахаасаа хагацсан Марта, Мариа нарыг тайтгаруулахаар олон иудейчүүд тэднийд иржээ.
20 Тэгтэл Марта Есүсийн ирж байгааг дуулаад, угтахаар гарав. Харин Мариа гэртээ суусаар үлдлээ.
21 Марта Есүст
-Эзэн, Та энд байсан бол миний ах үхэхгүй байх байсан.
22 [Тийм боловч] одоо Та Бурханаас юу ч гуйсан, Бурхан Танд өгнө гэдгийг би мэдэж байна гэв.
23 Есүс түүнд
-Чиний ах амилна гэхэд
24 Марта Түүнд
-Эцсийн өдрийн амилалтад тэр амилна гэдгийг би мэднэ гэв.
25 Есүс Мартад
-Би бол амилалт ба амь мөн. Надад итгэдэг хүн үхэвч амьдарна.
26 Амьд бөгөөд Надад итгэгч бүхэн хэзээ ч үхэхгүй. Чи үүнд итгэж байна уу? гэж асуув.
27 Марта
-Тийм ээ, Эзэн. Та бол Бурханы Хүү болох Христ, ертөнцөд ирэх Нэгэн мөн гэдэгт би итгэсэн гэлээ.

(10.06.06 Ням) - Дэлхийн гэрэл Есүс

2010-06-05T19:42:00.000+08:00

Иохан 10:40-11:16

Хэрэв хүн өдөр явбал, тэр ертөнцийн гэрлийг үздэг тул бүдрэхгүй.(9б)

Марта, Мариа хоёр нь өөрийн ах Лазар өвчнөөс болж үхэх болсныг Есүст мэдэгджээ. Есүс энэхүү хэцүү байдалд ороод туслалцааг гуйж буй тэдэнд хэрхэн яаж тусалж өгсөн бэ?

1. Тэр үед байсан газраа хоёр хоносон Есүс (1-6)

Мариа бол Есүс чин сэтгэлээр үйлчилж байсан хүн юм. Есүс ч гэсэн Март болон Мариад хайртай байв. Харин тэдний ах Лазар хүнд өвдөв гэсэн үгийг сонсоод Есүс “Энэ өвчин үхэл уруу биш, харин Бурханы алдрын тулд юм. Үүгээр Бурханы хүү алдаршуулагдах болно” гэж хэлээд тэр газраа хоёр хоносон юм. 14-р зүйлийг үзвэл, Есүс очоогүй, ах Лазар нь нас баржээ. Гэвч Есүс энэ үйл явдлаар дамжуулан Бурханы алдрыг илэрхийлж итгэлийг суулгаж өгөх гэв. Тиймээс итгэгч ямар ч тохиолдолд Есүсийн хайранд эргэлзэх юм уу, түүнээс болж шантарч болохгүй.

2. Дэлхийн гэрэл Есүс (7-16)

Дарааг өдөр нь Есүс шавь нарт Иудей уруу явъя гэсэн. Энэ үед шавь нар нь Иудей хүмүүсээс айж, аль болохоор явахгүйг хүссэн. Есүс бол өчүүхэн ч айгаагүй, “өдөрт 12 цаг байдаг биз дээ?” гэж хэлэв. Есүс дэлхийн гэрэл юм.(9) Есүст итгэдэг хүнд Есүс амин гэрлийг тусгаж өгдөг. (8:12) Энэ гэрлийн дотор яваа хүн хэзээ ч бүдрэхгүй. Ингэхлээр амьдардаг хүнд амьдрал нь үргэлж гэрэл гэгээтэй саруул өдөр юм. Үхэл бол зөвхөн нойр юм. Есүс нь Лазарын үхлээр дамжуулан шавь нарт амилалтанд итгэх итгэлийг суулгаж өгөх болсонд баяртай байжээ. (15)

Гуйлт: Эзэн минь ээ! Хулчгар аймхай надад амин гэрлийг тусгаж өгсөнд баярлалаа. Есүсийн хайранд эргэлзэхгүй Бурханы алдрын төлөө амьдарна.

Нэг үг: Гэрэл Есүс

Библиэс унших хэсэг:

10-р бүлэг

40 Иоханы анх баптисм хүртээж байсан газар болох Иорданы тэртээ уруу Есүс дахин явж, тэндээ байлаа.
41 Олон хүн Түүн уруу ирж
-Иохан нэг ч тэмдэг үйлдээгүй боловч, энэ хүний тухай Иоханы хэлсэн бүхэн үнэн ажээ гэцгээлээ.
42 Тэнд олон хүн Есүст итгэжээ.

11-р бүлэг

1 Бетаны Лазар гэгч эр өвчтэй байлаа. Бетан бол Марта, түүний дүү Мариа хоёрын тосгон болой.
2 Мариа бол Эзэнийг тосоор тослоод, Түүний хөлийг үсээрээ арчсан тэр эмэгтэй байв. Түүний ах Лазар нь өвчтэй байв.
3 Тиймээс эгч дүүс Есүст хүн илгээж
-Эзэн минь, хараач, Таны хайрладаг хүн өвдөв хэмээн хэлүүлэв.
4 Үүнийг сонсоод Есүс
-Энэ өвчин үхэл уруу биш, харин үүгээр Бурханы Хүү алдаршуулагдахын тулд, Бурханы алдрын төлөө юм гэлээ.
5 Марта, түүний охин дүү болон ах Лазарыг нь Есүс хайрладаг байлаа.
6 Лазарын өвдсөнийг сонсоод, Есүс байсан газраа хоёр хонов.
7 Дараа нь Тэр шавь нартаа
-Бүгдээрээ дахиж Иудей уруу явцгаая гэхэд
8 шавь нар нь
-Рабби, саяхан иудейчүүд Тан уруу чулуу чулуудахаар завдаж байсан. Та тийшээ дахиад явах гэж үү? гэв.
9 Есүс
-Өдөрт арван хоёр цаг байдаг биз дээ? Хэрэв хүн өдөр явбал, тэр ертөнцийн гэрлийг үздэг тул бүдрэхгүй.
10 Харин шөнө явбал, хүний дотор гэрэл байхгүй тул тэр бүдэрнэ гэж хэлэв.
11 Ингэж айлдсаныхаа дараа Тэр тэдэнд
-Бидний анд Лазар унтжээ. Гэвч Би түүнийг нойрноос нь сэрээхээр явна гэхэд,
12 шавь нар нь Түүнд
-Эзэн, хэрэв унтсан бол тэр эдгэнэ гэв.
13 Есүс Лазарын үхлийн тухай айлдсан ажээ. Харин тэд Түүнийг зүгээр л унтах тухай ярьж байна гэж боджээ.
14 Тэгтэл Есүс тэдэнд шуудхан
-Лазар үхсэн.
15 Та нарыг итгүүлэхийн тулд, тэнд байгаагүйдээ Би та нарын төлөө баяртай байна. Харин одоо түүн уруу явцгаая гэж айлдлаа.
16 Гэтэл Ихэр гэгддэг Томас бусад шавь нарт
-Цөмөөрөө бас явцгаая. Тэгээд Түүнтэй хамт үхье гэж хэлэв.

(10.06.05 Бямба) - Би болон Эцэг нэг юм

2010-06-04T21:49:00.000+08:00

Иохан 10:22-39

Би болон Эцэг нэг юм гэж айлдлаа.(30)

Есүс өөрийгөө сайн хоньчин гэж гэрчилсэнд Иудей хүмүүс шууд эсэргүүцжээ. “Хэрэв та Христ мөн бол бидэнд илээр хэлээч” гээд Есүст шахалт үзүүлжээ. Есүс огт айлгүй өөрийгөө Христ гэдгийг илээр хэлсэн билээ.

1. Би болон Эцэг нэг юм (22-30)

Бурхан Эцгийн нэрээр үйлддэг бүх үйлс өөрийг нь Христ гэдгийг гэрчилнэ гэж Есүс хэлсэн. Харин хүмүүс үйлсийг нь харсаар байсан боловч хүлээн зөвшөөрөхгүй байв. Гэвч Есүсийн хонь бол түүний дууг сайн сонсож, дагадаг билээ. Тэр өөрийгөө дагадаг хоньдод мөнхийн амийг бэлэг болгон өгдөг. Бас хоньдын амийг эцэс хүртэл хамгаална. Яагаад гэвэл хэн ч Эцгийн гараас тэднийг булааж чадахгүй юм. Бурхан бүгдээс агуу их билээ. Есүс болон Бурхан Эцэг нэг юм. (30)

2. Би бол Бурханы хүү байна (31-39)

Есүс өөрийгөө Бурхантай нэг гэж хэлсэнд Иудей хүмүүс түүнийг чулуудаж алах гэв. Энэ нь Бурханыг доромжилсон хэрэг гэж үзсэн учраас тэр юм.(33) Харин Есүс библийн зарлигийг үндэслэж өөрийгөө Бурханы хүү гэсэн нь зарлигийг өчүүхэн ч зөрчихгүй гэж гэрчлэв. Мөн Бурханы хийдэг үйлсийг үйлддэгээрээ, Бурхан түүний дотор, Тэр Бурханы дотор оршин байгаагаа гэрчлэв. Харин Иудей хүмүүс итгэхгүй байв. (34) Тэд мэдлэггүйдээ бус, харин санаатайгаар Есүсийг хүлээн зөвшөөрөхгүй байв. Тэд өөрсдийн энэ хатуу байдлаараа, гэмшээгүй зүрх сэтгэлээрээ Бурханы зөв шүүхийн илчлэл ба хилэнгийн өдөр байх уур хилэнг өөрсөд дээрээ хурааж буй хүмүүс юм.

Гуйлт: Эзэн минь ээ! Надад Эзэний дууг сонсгож, таныг дагахад тусалсанд баярлалаа. Би Эзэний дууг сонсож дагаснаар мөнхийн амийг хүртэж чадахыг гуйж байна.

Нэг үг: Библи бол Бурханы үг

Библиэс унших хэсэг:

22 Иерусалимд сүмийг Шинэтгэн ариусгасны баяр болж байлаа. Тэгэхэд өвөл байв.
23 Есүс сүм дотор Соломоны танхимд явж байжээ.
24 Тэгтэл иудейчүүд Түүнийг тойрч, Түүнд
-Та хэдий болтол биднийг эргэлзүүлэх юм бэ? Хэрэв Та Христ мөн юм бол, бидэнд шуудхан хэлээч гэсэнд
25 Есүс тэдэнд
-Би та нарт хэлсэн. Та нар итгэдэггүй. Эцэгийнхээ нэрээр үйлдсэн Миний үйлс Намайг гэрчилдэг.
26 Харин та нар Миний хонин сүрэг биш учир итгэдэггүй.
27 Миний хонин сүрэг дууг минь сонсдог. Би тэднийг мэддэг бөгөөд тэд Намайг дагадаг юм.
28 Би тэдэнд мөнх амийг өгнө. Тэд хэзээ ч мөхөхгүй бөгөөд тэднийг хэн ч Миний гараас булаахгүй.
29 Тэднийг Надад өгсөн Миний Эцэг бүхнээс аугаа бөгөөд тэднийг хэн ч Эцэгийн гараас булааж чадахгүй.
30 Би болон Эцэг нэг юм гэж айлдлаа.
31 Иудейчүүд Түүн уруу чулуудахаар дахин чулуу шүүрцгээв.
32 Есүс тэдэнд
-Эцэгээсээ олон сайн үйлсийг Би та нарт үзүүлсэн. Тэдгээрийн алинаас нь болж та нар Над уруу чулуу шиднэ вэ? гэхэд
33 иудейчүүд Түүнд
-Сайн үйлсийн чинь төлөө биш, харин Бурханыг доромжилсны чинь төлөө бид Тан уруу чулуу шиднэ. Учир нь Та хүн байж, Өөрийгөө Бурхан болгож байна гэв.
34 Есүс тэдэнд
-Танай Хуульд "Та нар бол бурхад юм гэж Би айлдсан" гэж бичигдсэн байдаг биш үү?
35 Хэрэв Тэр Бурханы үг авсан хүмүүсийг бурхад хэмээн нэрлэсэн бол (Судар нь зөрчигдөхгүй),
36 Эцэгийн ариусгасан, ертөнцөд илгээсэн Нэгэнийг "Би Бурханы Хүү байна" гэснээс болж та нар "Та Бурханыг доромжлогч" гэж хэлж байна уу?
37 Хэрэв Би Өөрийн Эцэгийн ажлуудыг хийхгүй байвал, Надад бүү итгэ.
38 Харин хэрэв Би тэдгээрийг хийвэл, та нар Надад итгэхгүй байлаа ч тэдгээр ажлуудад итгэ. Тэгвэл Миний дотор Эцэг байгааг, Эцэгийн дотор Би байгааг та нар мэдэж, ойлгоно гэж айлдав.
39 Тиймээс тэд дахиж Түүнийг барихаар завдсан боловч, Есүс тэдний гарт орсонгүй.

(10.06.04 Баасан) - Сайн хоньчин Есүс

2010-06-03T19:08:00.000+08:00

Иохан 10:7-21

“Би бол сайн хоньчин мөн. Сайн хоньчин хоньдынхоо төлөө амиа өгдөг.” (11)

Өнөөдрийн зарлиг бол Есүс өөрийгөө сайн хоньчин гэж тунхагласан зарлиг юм. Яагаад Есүс бидний сайн хоньчин болох вэ?

1. Би бол хонины үүд (7-10)

Есүс бол хонины үүд юм. (7) Мөн авралын үүд билээ. Түүнээс түрүүлж ирсэн бүх хүн бол хулгайч, дээрэмчин юм. Хулгайч зөвхөн хулгай хийх, алах, сүйтгэхээр ирдэг. Хэн нь хонины үүд, авралын үүд болсон Есүсээр орно, тэр авралыг хүртэнэ. Бас тэжээлээ олно. Есүс хоньдыг бялхсан амьтай болгож өгөхийн тулд ирсэн билээ. Хэн ч сэтгэлийн үүдээ нээж Түүнийг хүлээн зөвшөөрвөл шинэ амийг олж, бялхсан амьдралаар амьдрах болно.

2. Би сайн хоньчин (11-21)

Хөлсний хүн, хоньчин хоёрын ялгаа жирийн үед сайн мэдэгдэхгүй. Харин чоно ирэхэд тодорхой харагдана. Чоно ирвэл хөлсний хүн хоньдоо орхиж зугтдаг. Харин хоньчин тэгэхгүй. Хоньдын төлөө амиа үл хайрлан эцэс хүртэл чонон сүрэгтэй тэмцэлддэг. Хоньдод хайртай учраас тэр юм.

Есүс өөрийгөө “сайн хоньчин” гэж тунхаглав. (11,14) Есүс гэм, үхлийн хүчин дор зовж шаналж буй хонин сүргийн төлөө загалмайд цовдлогдон нас барсан билээ. Тэр өөрийн амиа гээх хүртлээ биднийг хайрласан. Тэр Бурханы хүслийн дагуу сайн дураараа ингэсэн юм. (18)

Гуйлт: Эзэн минь ээ! Амиа гээтэл намайг хайрласан агуу их хайрыг тань магтацгаая. Би өдөр бүр сайн хоньчин Есүстэй харилцаж, амин тэжээл олохыг хүсэж байна.

Нэг үг: Сайн хоньчин

Библиэс унших хэсэг:

7 Тэгээд Есүс дахин тэдэнд
-Үнэнээр, үнэнээр Би та нарт хэлье. Би бол хонины үүд.
8 [Надаас урьд] ирэгсэд бүгд хулгайч, дээрэмчид юм. Харин хонин сүрэг тэднийг сонсоогүй.
9 Би бол үүд мөн. Хэрэв хүн Надаар орвол, тэр аврагдах болно. Орж, гарч, тэжээлээ олно.
10 Хулгайч зөвхөн хулгайлан, алж, сүйтгэхээр ирдэг. Би тэднийг амьтай, бялхсан амьтай байлгахын тулд ирсэн юм.
11 Би бол сайн хоньчин мөн. Сайн хоньчин хоньдынхоо төлөө амиа өгдөг.
12 Хөлсний хүн бол хоньчин биш, хонин сүрэг ч түүнийх биш учир чоно ирэхийг хараад тэрээр хонин сүргийг орхин зугтдаг. Чоно хоньдыг цөлмөж, тараадаг.
13 Тэр хөлсний хүн бөгөөд хонин сүрэгт санаа тавьдаггүй тул зугтдаг.
14 Би бол сайн хоньчин мөн. Би Өөрийнхийгөө мэдэх бөгөөд Өөрийнхөн минь Намайг мэднэ.
15 Би Эцэгээ мэдэхийн адил Эцэг минь Намайг мэддэг юм. Би хоньдын төлөө Өөрийн амийг өгнө.
16 Энэ хашаан дахь хонин сүргээс өөр хонин сүрэг Надад бий. Би тэднийг бас авчрах ёстой. Тэд Миний дууг сонсоно. Тэгээд тэд нэг хоньчинтой нэг хонин сүрэг болно.
17 Тиймээс Эцэг Намайг хайрладаг. Учир нь Би Өөрийн амийг буцааж авахын тулд амиа өгнө.
18 Хэн ч Миний амийг Надаас авахгүй. Харин Би Өөрийн санаагаар түүнийг өгнө. Амиа өгөх эрх мэдэл Надад бий. Буцааж авах эрх мэдэл ч Надад бий. Энэ тушаалыг Би Эцэгээсээ хүлээн авсан юм гэв.
19 Энэ үгнээс болж иудейчүүдийн дунд дахин хагарал гарчээ.
20 Тэдний олонх нь
-Түүнд чөтгөр шүглэж. Тэр солиотой юм. Та нар юунд Түүнийг сонсоно вэ? гэлээ.
21 Зарим нь
-Эдгээр үгс нь чөтгөр шүглэсэн хүнийх биш. Чөтгөр сохрын нүдийг нээж чадах уу? хэмээн ярьж байлаа.

(10.06.03 Пүрэв) - Хонь ба хоньчин

2010-06-02T20:41:00.001+08:00

Иохан 10:1-6

“Тэр өөрийнхийгөө бүгдийг гаргаад, түрүүнд нь явдаг. Хонин сүрэг түүний дууг таньдаг тул түүнийг дагадаг.” (4)

Өнөөдрийн зарлиг нь хонь ба хоньчны харилцааны тухай юм. Энэ зарлигаар дамжуулан Есүс бидний хоорондын харилцаа ямар байх хэрэгтэй тухай сурч болно.

1. Хоньдыг нэрээр нь дууддаг хоньчин (1-3)

Тухайн үеийн шашны удирдагчид хоньдыг хайр үнэнээр биш, харин эрх мэдлээр дарангуйлж байсан. Тэд бол хулгайч, дээрэмчин юм. Тэд хонины хашаанд үүдээр нь биш өөр газраар давж ороод хоньдыг хулгайлдаг хүмүүс юм. Харин хоньчин бол заавал үүдээр ордог. Сахиул үүдийг нээж өгдөг. Хоньд дууг нь сонсдог. Хоньчин хоньдыг нэрээр нь дуудан нэг нэгээр нь гадагш гаргадаг. Хоньчин хүн хоньдыхоо нэрийг сайн мэдэж тус бүрт нь хамгийн зохистойгоор тусалдаг юм. Хоньчин хонь хоёр ийм гүн харьцаатай байдаг. Энд хоньчин гэдэг нь Есүсийг зааж байна. Бидний хоньчин Есүс бидний тус бүрийн байдлыг маш сайн мэддэг. Энэ Есүсийн дотор байгаа хоньд аз жаргалтай. Тэдэнд дутах зүйл нэгээхэн ч үгүй билээ.(Дуулал 23:1)

2. Түрүүнд нь явдаг хоньчин (4-6)

Хоньдоо бүгдийг нь гаргасныхаа дараа хоньчин сүргийнхээ түрүүнд явдаг. “Түрүүнд явна” гэдэг нь үлгэр жишээ үзүүлэхийг зааж байна. Хоньчин хоньдод үлгэр жишээ үзүүлж тэднийг дагуулдаг. Тиймээс хоньд сэтгэл тайвнаар түүний дуу хоолойг сонсож дагадаг. Харин өөр хүний дууг танихгүй учраас хоньд дагадаггүй, түүнээс зугтдаг юм.

Есүс бүх талаар бидэнд үлгэр жишээ үзүүлсэн билээ. Есүс эхлээд үлгэр дууриалаа үзүүлчих, дараа нь намайг дага гэж хэлдэг.

Гуйлт: Эзэн минь ээ! Төөрсөн хонь мэт миний хоньчин намайг дуудсанд баярлалаа. Одооноос Есүсийг өөрийн хоньчноор хүлээн зөвшөөрч, Эзэний замаар явна.

Нэг үг: Эзэн миний хоньчин болохоор

Библиэс унших хэсэг:

1 Үнэнээр, үнэнээр Би та нарт хэлье. Хонины хашаанд үүдээр нь оролгүй, өөр газраар давж ордог хүн бол хулгайч, дээрэмчин мөн.
2 Харин үүдээр нь ордог хүн нь хонин сүргийн хоньчин мөн.
3 Сахиул тэр хүнд үүдийг нээдэг бөгөөд хонин сүрэг түүний дууг сонсдог. Тэр өөрийн хоньдыг нэрээр нь дуудаж, тэднийг гадагш дагуулж гарна.
4 Тэр өөрийнхийгөө бүгдийг гаргаад, түрүүнд нь явдаг. Хонин сүрэг түүний дууг таньдаг тул түүнийг дагадаг.
5 Тэд гаднын хүнийг ер дагахгүй, харин түүний дууг танихгүй учир түүнээс зугтана гэж айлдав.
6 Есүс энэ сургаалт зүйрлэлээр тэдэнд яривч, Түүний ярьсан нь юу байсныг тэд ойлгосонгүй.

(10.06.02 Лхагва) - Чи хүний хүүд итгэж байна уу?

2010-06-02T12:58:00.000+08:00

Иохан 9:26-41

- Чи Хүний хүүд итгэж байна уу? гэхэд (35б)

Сохор байсан мөнөөх хүн мэддэг нэгэн зүйлийг бат барьж итгэлээ хамгаалсан юм. Тэрээр өөрийг нь хараатай болгосон Эзэний хайр ивээлээс урвалгүй эцэс хүртэл итгэлээ хамгаалж байгаад нийгмээс хөөгджээ. Есүс ийм түүнийг хайж олоод түүний сүнсний харааг нь нээж өгөв.

1. Та нар арай түүний дагалдагч болохыг хүсэж байгаа юм биш биз? (26-34)

Фарисайчууд түүнийг маш их зовоожээ. Түүний бат мэддэг зүйлийг ч гэсэн үгүйсгэх гэв. Итгэлээ хамгаалж байхад хавчлага үргэлжилбэл айдас төрж бууж өгөхөд амархан байдаг. Харин тэр хавчлага ихсэх тусам улам зоригтой болжээ. Фарисайчууд ихэд уурлан Мосегийн нэрийг дурдан Есүсийг дарах гэв. Харин тэр тэдний энэ үйлдлийг ер ойлголгүй, хачин хүмүүс гэж тооцож, Есүсийг Бурханаас ирсэн гэдгийг гэрчлэв. Эцсийн эцэст тэр Фарисайчуудад үзэн ядагдаж синагогаас хөөгдөх болжээ. Тэр Эзэний хайр ивээлээс урвахгүйн тулд зүтгэж дэлхийгээс салсан юм.

2. Чи хүний хүүд итгэж байна уу? (35-44)

Дэлхий түүнийг орхисон боловч Есүс түүнийг орхиогүй юм. Есүс түүнийг хайж очсон. Есүс түүнээс “Чи Хүний Хүүд итгэж байна уу?” гэж асуув. Есүс хавчигдан гологдсон түүнийг хөөрхийлөөгүй, харин итгэл суулгаж өгөх гэв. Тэгээд өөрийгөө Христ гэдгээ илчилжээ. Түүний махбодийн төдийгүй сүнсний нүдийг ч нээсэн билээ.

Гуйлт: Эзэн минь ээ! Би ямар ч хэцүү бэрхшээл, зовлон хавчлагын дунд итгэлээ хамгаалж ялалт байгуулж чадахыг гуйж байна.

Нэг үг: Итгэл ялна

Библиэс унших хэсэг:

26 Тэд түүнээс
-Тэр чамд юуг үйлдсэн юм бэ? Тэр чиний нүдийг яаж нээсэн юм бэ? гэж асуухад
27 -Би та нарт хэдийн хэлсэн. Та нар сонсоогүй. Юунд та нар дахин сонсохыг хүсэв? Та нар бас Түүний дагалдагчид болохыг хүсэж байгаа юм биш биз? гэв.
28 Фарисайчууд түүнийг хараан зүхэж
-Чи л Түүний дагалдагч байна. Харин бид Мосегийн дагалдагчид.
29 Бурхан Мосед айлдсаныг бид мэднэ. Харин энэ хүний хувьд, бид Түүний хаанаас ирснийг нь ч мэдэхгүй гэсэнд
30 өнөөх хүн
-Тэр миний нүдийг нээсэн байтал та нар Түүнийг хаанаас ирснийг нь ч мэдэхгүй байгаа нь гайхалтай юм байна.
31 Бурхан нүгэлтнүүдийг сонсдоггүй, харин Бурханаас эмээж, Түүний хүслийг үйлдэгч хүнийг сонсдогийг бид мэднэ.
32 Цаг хугацааны эхлэлээс хойш төрөлхийн сохор хүний нүдийг нээснийг хэн ч хэзээ ч сонсоогүй.
33 Хэрэв энэ хүн Бурханаас ирээгүй юм бол Тэр юу ч хийж чадахгүй байсан гэж хэллээ.
34 Тэд
-Чи нүглүүд дотроо төрсөн атлаа бас биднийг сургана уу? гээд түүнийг хөөн гаргав.
35 Иудейчүүд тэр хүнийг хөөн гаргасныг Есүс сонсоод, түүнийг олж
-Чи Хүний Хүүд итгэж байна уу? гэхэд
36 тэр
-Эзэн минь, Тэр хэн бэ? Би Түүнд итгэе гэв.
37 Есүс
-Чи Түүнийг харсан. Одоо чамтай ярьж байгаа нь Тэр мөн гэлээ.
38 Тэр
-Эзэн минь, би итгэж байна гээд Түүнд мөргөв.
39 Есүс түүнд
-Би энэ ертөнцөд шүүлтийн төлөө ирсэн нь хардаггүйг хардаг, харагсдыг сохор болгохын тулд юм гэж айлдав.
40 Фарисайчуудаас Есүстэй хамт байсан хүмүүс эдгээрийг сонсоод, Түүнд
-Бид бас сохор юм биш биз? гэхэд
41 Есүс тэдэнд
-Хэрэв та нар сохор байсан бол нүгэлгүй байхсан. Гэтэл та нар "Бид харж байна" гэж ярьдаг тул нүгэл чинь байсаар л байна гэлээ.

(10.06.01 Мягмар) - Би нэг л юмыг мэднэ

2010-05-31T22:03:00.000+08:00

Иохан 9:8-25

-Түүний нүгэлтэн эсэхийг би мэдэхгүй. Би нэг л юмыг, урьд нь сохор байснаа, одоо харж байгаагаа л мэдэж байна гэв.(25б)

Өнөөх сохор хүн амралтын өдөр хараатай болсноосоо болж Иудейчүүдээс маш их хавчлага авах болсон билээ. Харин тэр нэг зүйлийг бат барьж эцэс хүртэл хэцүү бэрхшээлийг даван туулав.

1. Чиний нүд яаж нээгдсэн юм бэ? (8-12)

Хараатай болоод явж байгааг нь харсан тосгоныхон түүнээс “Чиний нүд яаж нээгдсэн юм бэ?” гэж асуув. Үүнд тэр юу гэж хариулсан бэ? “Есүс гэдэг хүн шороо зуурч, нүдийг минь шаваад надад: Силоамын цөөрөм руу яв. Угаа гэж хэлсэн. Би очоод угаатал харах болсон” гэв. Тэр болсон үйл явдлыг маш тодорхой хэлсэн. Тэр өөрөө Есүсээс болж хэрхэн яаж өөрчлөгдсөнөө тодорхой мэдэж байв. Тэгээд тэр хайр ивээлийг зоригтойгоор гэрчлэв.

2. Би нэг л юмыг мэднэ (13-25)

Фарисайчууд Есүсийг амралтын өдөр шороо зуурч, өвчтөнийг эдгээж хууль зөрчсөн гээд өнөөх хүнийг дуудаж хавчиж эхлэв. Тэд түүгээр Есүсийг гэмтэн гэж хэлүүлж үгүй хийх гэсэн. Тэд өөрсдийн үгийг сонсохгүй бол синагогоос хөөнө гэх мэтээр түүнийг айлгаж сүрдүүлсэн. Харин тэрээр өчүүхэн ч айгаагүй. Мэддэг нэгэн зүйлийг бат барьж, Эзэний хайр ивээлээс урваагүй. Есүсээс авсан нэгэн хайр ивээлийг бат барих нь ялалтын арга юм.

Гуйлт: Эзэн минь ээ! Би танаас авсан нэгэн хайр ивээлийг бат барьж, баярын мэдээний дайснуудтай тэмцэлдэн ялж чадахыг гуйж байна.

Нэг үг: Би нэг л юмыг мэднэ.

Библиэс унших хэсэг:

8 Урьд түүнийг гуйлгачин байсныг харсан хүмүүс болон хөршүүд нь
-Энэ чинь суучихаад гуйлга гуйдаг нөгөө хүн биш үү? гэхэд
9 зарим нь
-Тэр мөн байна гэцгээв. Бусад нь
-Үгүй, түүнтэй төстэй юм байна гэсэнд тэр өөрөө
-Тэр чинь би байна гэж хэлэв.
10 Тэд түүнээс
-Тэгвэл чиний нүд яаж нээгдсэн юм бэ? гэж асуусанд
11 тэр
-Есүс гэдэг хүн шавар зуурч, нүдийг минь шаваад, надад "Силоам уруу яваад, угаа" гэж айлдсан. Тэгээд би явж, угаагаад хараатай болсон гэж хариулав.
12 Хүмүүс
-Тэр хаана байна? гэсэнд өнөөх хүн
-Би мэдэхгүй гэлээ.
13 Урьд нь хараагүй байсан өнөөх хүнийг тэд фарисайчууд уруу авч ирэв.
14 Есүс шавар зуурч, түүний харааг оруулсан өдөр нь Амралтын өдөр байжээ.
15 Тэгтэл фарисайчууд түүнээс хэрхэн хараатай болсныг нь дахин асуусанд тэр
-Тэр миний нүдийг шавраар шавсан. Би угаагаад, тэгээд л харж байна гэхэд
16 фарисайчуудын зарим нь
-Тэр Амралтын өдрийг сахидаггүй учир Бурханаас ирсэн хүн биш гэв. Харин зарим нь
-Нүгэлт хүн тийм тэмдгүүдийг хэрхэн үйлдэж чадах билээ? гэлээ. Тэгээд тэдний дунд хагарал гарав.
17 Тиймээс тэд сохор эрд дахин
-Тэр хүн чиний нүдийг нээсэн учраас Түүний тухай чи юу хэлэх вэ? гэхэд тэр
-Тэр бол эш үзүүлэгч гэв.
18 Тэгтэл хараатай болсон хүний эцэг эхийг дуудах хүртэл иудейчүүд түүнд сохор байж байгаад хараатай болсонд нь итгэсэнгүй.
19 Тэд эцэг эхээс нь
-Сохор төрсөн гэж та нарын ярьдаг хүү чинь энэ мөн үү? Тэгвэл одоо тэр яаж харж байна? гэж асуув.
20 Эцэг эх нь тэдэнд
-Энэ бидний хүү мөн гэдгийг болон сохор төрснийг нь бид мэдэж байна.
21 Харин одоо тэр яаж харж байгааг бид мэдэхгүй. Нүдийг нь хэн нээснийг ч бид мэдэхгүй. Өөрөөс нь асуу. Тэр насанд хүрсэн хүн. Тэр өөрөө хэлэг гэв.
22 Түүний эцэг эх иудейчүүдээс айсан тул тэгж хэлжээ. Учир нь Есүсийг Христ мөн гэж хүлээн зөвшөөрсөн хүн синагогаас хөөгдөх ёстой хэмээн иудейчүүд нэгэнтээ шийдсэн байлаа.
23 Тиймээс түүний эцэг эх нь "Тэр насанд хүрсэн хүн, өөрөөс нь асуу" гэжээ.
24 Фарисайчууд сохор байсан хүнийг хоёр дахь удаагаа дуудаад, түүнд
-Бурханд алдрыг өргө. Тэр хүн нүгэлтэйг бид мэднэ гэсэнд
25 тэр
-Түүний нүгэлтэн эсэхийг би мэдэхгүй. Би нэг л юмыг, урьд нь сохор байснаа, одоо харж байгаагаа л мэдэж байна гэв.

(10.05.31 Даваа) - Сохор хүнийг хараатай болгосон Есүс

2010-05-30T20:00:00.000+08:00

Иохан 9:1-7

“Ингэж хэлээд, Тэр газар нулимж, шүлсээрээ шавар зуурч, тэр хүний нүдийг шавраар шаваад,” (6)

Есүс шавь нартайгаа явж байхдаа төрөлхийн сохор хүнтэй тааралдав. Шавь нар нь Есүсээс “Хэн нүгэл үйлдсэнээс энэ хүн сохор төрсөн юм бэ?” гэж асуув. Харин Есүс юу гэж хариулсан бэ?

1. Бурханы ажлыг харуулахын тулд (1-3)

Шавь нарынхаа асуултанд Есүс “Энэ хүн ч, эцэг эх нь ч нүгэл үйлдсэнээс болоогүй. Харин энэ нь Бурханы ажлуудыг түүнд харуулахын тулд юм.”(3) Есүс сохор хүнийг Бурханы таалалд итгэх итгэлийн нүдээр харсан билээ. Ийм итгэлээр орчлон ертөнцийг харвал ямар ч золгүй нөхцөл дунд Бурханы тааллыг олж чадна.

Хүний золгүй байдал бол Бурханыг алдаршуулах завшаан болдог. Тиймээс хувь заяагүй бодол, гутрангуй үзлийг орхиж, Бурханыг алдаршуулахыг хичээх хэрэгтэй.

2. Шороо зуурч ажил хийсэн Есүс (4-7)

Есүс төрөлхийн сохор хүнээр дамжуулан Бурханы алдрыг илэрхийлэх гэв. Үүний тул Тэр шүлсээрээ шороо зуурч, нүдийг нь шавж хараатай болгожээ.

Өөрийн орчин нөхцөлөөр шалтагладаг, гутрангуй үзэлтэй хүн нь хэзээ ч Бурханы ажлыг хийж чадахгүй, алдрыг илэрхийлж чадахгүй билээ. Шороо ч болов зуураад Бурханы ажлыг хийх гэсэн хүн л Бурханы алдрыг илэрхийлж чадна. Бид нар бүгдээрээ шүлс ба шороог хаанаас ч амархан олж чадна.

Гуйлт: Эзэн минь ээ! Би Бурханы таалалд бат итгэж шороо ч болов зуурч чармайлт гарган ажиллахыг хүсэн гуйж байна.

Нэг үг: Шороо зуурч

Библиэс унших хэсэг:

1 Есүс явж өнгөрөхдөө, төрөлхийн сохор хүнийг харжээ.
2 Шавь нар нь Түүнээс
-Рабби, хэн нүгэл үйлдсэнээс энэ хүн сохор төрсөн юм бэ? Энэ хүн үү? Түүний эцэг эх үү? хэмээн асуусанд
3 Есүс
-Энэ хүн ч, эцэг эх нь ч нүгэл үйлдсэнээс болоогүй. Харин энэ нь Бурханы ажлуудыг түүгээр харуулахын тулд юм.
4 Намайг Илгээгчийн ажлыг Би өдөр байхад хийх ёстой. Хэн ч ажиллаж чадахгүй шөнө ирж байна.
5 Би ертөнцөд байгаа үедээ ертөнцийн гэрэл байна гэж хариулав.
6 Ингэж хэлээд, Тэр газар нулимж, шүлсээрээ шавар зуурч, тэр хүний нүдийг шавраар шаваад,
7 -Яв. Силоамын (орчуулбал Илгээгдсэн) цөөрөмд угаа гэж хэлэхэд өнөөх хүн явав. Тэгээд угаагаад, хараатай болон эргэж иржээ.

(10.05.30 Ням) - Бурханых, бугийнх

2010-05-30T07:28:00.000+08:00

Иохан 8:37-59

Бурханы хүн нь Бурханы үгсийг сонсдог.(47а)

Иудейчүүд бардам зангаасаа болж Есүсийн нэг ч үгийг хүлээн авч чадахгүй байв. Өнөөдөр ч өөрийн бодол санаагаар явж, Есүсийн үгийг зөвшөөрдөггүй хүн олон байна. Өнөөдрийн зарлиг нь тэдний үндсэн асуудал юу вэ? гэдгийг ухааруулж байна.

1. Та нар Абрахамын үрс гэвэл (37-47)

Есүс ч тэднийг Абрахамын үрс гэдгийг зөвшөөрч байв. Тэд Абрахамын үрс гэдгээрээ бахархаж байсан хэрнээ түүнийг дууриасангүй, Есүсийг алах гэж оролдож байжээ. Есүс ийм тэдэнд та нар Абрахамын үрс юм бол хийснийг нь үйлдэгтүн! гэв. Тэд махбодоор бол Абрахамын үрс байсан ч үйлдэл нь буг чөтгөртэй адилхан байсан. Тэд бугаас гаралтай байсан. Харин Бурханых нь бол Есүсийн үнэн үгийг сонсож дуулгавартай дагадаг юм. Эзэний үгийг сонсдоггүй хүн Бурханых биш ээ.

2. Хэн миний үгийг сахина (48-59)

Есүс нь шунаг сэтгэл, худал хуурмагаар дүүрсэн иудейчүүдыг бугийн хүүхэд болсон гэж зэмлэжээ. Харин тэд хорон муу санаагаа гэмшсэн. Түүгээр ч үл барам Есүст албин шүглэсэн гэж муулжээ.

Гэсэн ч Есүс тэднийг тэвчиж, үнэнийг гэрчилжээ. “Хэн миний үгийг сахина, тэр үхлийг хэзээ ч үл үзнэ”(51) Хүн ямар ч гэм хийсэн Есүсийн зарлигийг итгэлээр хүлээн зөвшөөрч дуулгавартай дагавал аврагдана.

Гуйлт: Эзэн минь ээ! Ихэрхэг болон шунаг сэтгэлийн боол байсан намайг авраач! Үнэний үгийг өдөр бүр сонсгож өгөөч!

Нэг үг: Бурханых нь Бурханы үгийг сонсдог.

Библиэс унших хэсэг:

37 Та нар бол Абрахамын үр удам мөн гэдгийг Би мэднэ. Гэвч та нарын дотор Миний үг байх зайгүй учир та нар Намайг алахыг оролдож байна.
38 Эцэгтэйгээ байхдаа харсан зүйлсээ Би хэлдэг. Та нар ч гэсэн эцгээсээ сонссон зүйлсээ л хийдэг шүү дээ гэв.
39 Тэд Түүнд
-Бидний эцэг бол Абрахам мөн гэсэнд Есүс тэдэнд
-Хэрэв та нар Абрахамын хүүхдүүд байсан бол, Абрахамын хийснийг үйлдэхсэн.
40 Гэтэл Бурханаас үнэнийг сонсоод, та нарт хэлсэн хүнийг буюу Намайг одоо та нар алах гэж оролдож байна. Абрахам ийм юм хийгээгүй.
41 Та нар эцгийнхээ үйлсийг хийж байна гэж айлдсанд тэд Түүнд
-Садар самуунаас бид төрөөгүй. Бидэнд Бурхан хэмээх нэг л Эцэг байгаа гэв.
42 Есүс тэдэнд
-Хэрэв Бурхан та нарын Эцэг байсан бол, та нар Намайг хайрлах байсан. Учир нь Би Бурханаас гарч ирсэн билээ. Өөрийн санаагаар ирээгүй, харин Тэр Намайг илгээсэн юм.
43 Миний юу хэлж байгааг та нар яагаад ойлгохгүй байна вэ? Яагаад гэвэл та нар Миний үгийг сонсож чадахгүй байна.
44 Та нар эцэг чинь болох диаволаас гаралтай. Та нар эцгийнхээ хүслийг хийхийг хүсдэг. Тэр чинь эхнээсээ алуурчин байсан бөгөөд үнэн дотор зогсдоггүй. Учир нь түүнд үнэн байдаггүй. Тэр худал хэлэхдээ, чухам өөрөөсөө хэлдэг. Учир нь тэр худалч бөгөөд худал хуурмагийн эцэг нь юм.
45 Харин Би үнэнийг хэлдэг тул та нар Надад итгэхгүй байна.
46 Намайг нүгэлтэй гэх хүн та нарын дотор байна уу? Хэрэв Би үнэнийг хэлдэг бол та нар яагаад Надад үл итгэнэ вэ?
47 Бурханы хүн нь Бурханы үгсийг сонсдог. Та нар Бурханых биш учир эдгээрийг сонсдоггүй гэлээ.
48 Иудейчүүд Түүнд
-Та бол Самарийнх, Танд чөтгөр шүглэсэн гэж бидний хэлж байгаа нь зөв биз дээ? гэхэд
49 Есүс
-Надад чөтгөр шүглээгүй. Харин Би Өөрийн Эцэгийг хүндэтгэдэг. Та нар Намайг хүндэтгэдэггүй.
50 Гэвч Би Өөрийн алдрыг хайдаггүй. Харин түүнийг хайдаг, шүүдэг Нэгэн бий.
51 Үнэнээр, үнэнээр Би та нарт хэлье. Миний үгийг сахидаг хүн үхлийг хэзээ ч үзэхгүй гэсэнд
52 иудейчүүд Түүнд
-Танд чөтгөр шүглэсэн гэдгийг бид одоо мэдлээ. Абрахам болон эш үзүүлэгчид ч мөн үхсэн. Та тэгэхэд "Хэрэв хүн Миний үгийг сахивал, үхлийг хэзээ ч амсахгүй" гэж хэлж байна.
53 Та бидний өвөг Абрахамаас ч агуу юм уу? Тэр үхсэн. Бас эш үзүүлэгчид ч үхсэн. Та Өөрийгөө хэн болгоод байна? гэв.
54 Есүс
-Хэрэв Би Өөрийгөө алдаршуулбал, Миний алдар юу ч биш. "Тэр бол бидний Бурхан" гэж та нарын хэлдэг, Миний Эцэг л Намайг алдаршуулдаг.
55 Та нар Түүнийг таньсангүй. Харин Би Түүнийг мэднэ. Хэрэв Би Түүнийг мэдэхгүй гэж хэлбэл, Би та нартай адил худалч болно. Харин Би Түүнийг мэдэх бөгөөд Түүний үгийг сахидаг.
56 Та нарын эцэг Абрахам Миний өдрийг харна гээд баясаж байсан. Үүнийг Тэр хараад, баяртай байсан гэв.
57 Иудейчүүд Түүнд
-Та тавин нас ч хүрээгүй байж, Абрахамыг харсан юм уу? гэхэд
58 Есүс тэдэнд
-Үнэнээр үнэнээр Би та нарт хэлье. Абрахамыг бий болохоос өмнө Би байдаг мөн гэж айлдав.
59 Тэгтэл тэд Түүн уруу чулуудахаар чулуу шүүрэн авахад Есүс Өөрийгөө халхлан, сүмээс гарлаа. [Тэдний дундаас гарч, Өөрийнхөө замаар яван өнгөрлөө].

(10.05.29 Бямба) - Үнэн эрх чөлөөг өгөгч Есүс

2010-05-28T20:48:00.002+08:00

Иохан 8:31-36

“Тэгээд та нар үнэнийг ойлгож, үнэн та нарыг чөлөөлнө гэсэнд” (32)

Иудейчууд Есүсийн үгийг зөв гэж хүлээн зөвшөөрч байсан боловч чин сэтгэлээр дагасангүй. Тэд уламжлалт заншилдаа баригдаж, бардам сэтгэл, өрөөсгөл бодлоор явж байжээ. Есүс энэ Иудей хүмүүст үнэн эрх чөлөөг эдлэх нууц аргыг зааж байна.

1. Үнэхээр миний дагалдагч байна (31,32)

Есүс өөрт нь итгэсэн Иудейчүүдэд үнэн шавиа бол гэж байна. Есүсийн шавь болох гэвэл Есүсийн үгэн дотор байх хэрэгтэй. Энэ нь Есүсийн үгийг өөрийн амьдралын үндэс тулгуур болгож дагахыг зааж байна. Бид яагаад заавал Есүсийн үнэн шавь болж байж л эрх чөлөөг эдлэх вэ? 32-р зүйлийг үзээрэй. Есүсийн үгийг чин сэтгэлээр дуулгавартай дагахад үнэнийг харах сүнсний хараа нээгдэнэ. Энэ бол Есүс Христийн загалмайн баярын мэдээ юм. Баярын мэдээний үнэнийг чин сэтгэлээр ухаарахад гэм ба үхлийн эрх хүчээс чөлөөлөгдөж чадна.

2. Үнэн та нарыг чөлөөлнө (33-36)

Түүхээс үзвэл, иудейчүүд Египет, Вавилон, Ассир, Перс, Грек зэрэг улсад боолчлогдож байжээ. Тухайн үедээ ч Ром улсын боолчлолд байсан. Харин тэд Абрахаамын үр удам гэдэг бардам сэтгэл байсан тул боолын бодит байдлаа ер зөвшөөрдөггүй байв.(33) Есүс энэхүү тэдэнд нүглийг үйлдэгч нь нүглийн боол бөгөөд Бурханы Хүү Христ л хүнийг чөлөөлнө гэдгийг хэлж өгөв. Есүсийн өгдөг эрх чөлөө бол гэмээс чөлөөлөгдөх буюу үүрд мөнх эрх чөлөө, төгс бүрэн эрх чөлөө юм.

Гуйлт: Эзэн минь ээ! Би бардам сэтгэлээсээ болж гэмийн боол болсноо зөвшөөрдөггүй байсандаа гэмшиж байна. Би одоо Эзэний зарлигийг дуулгавартай дагаж Есүсийн үнэн шавь болж үнэн эрх чөлөөг эдэлж чадахыг гуйж байна.

Нэг үг: Үнэн эрх чөлөөг эдлэх гэвэл Есүсийн шавь бол.

Библиэс унших хэсэг:

31 Есүс Өөрт нь итгэсэн иудейчүүдэд
-Хэрэв та нар Миний үгэн дотор байвал үнэхээр Миний дагалдагчид байна.
32 Тэгээд та нар үнэнийг ойлгож, үнэн та нарыг чөлөөлнө гэсэнд
33 тэд Түүнд
-Бид Абрахамын удам бөгөөд хэзээ ч хэнд ч боолчлогдож байгаагүй. "Та нар эрх чөлөөтэй болно" гэж Та юунд хэлнэ вэ? гэв.
34 Есүс тэдэнд
-Үнэнээр, үнэнээр Би та нарт хэлье. Нүгэл үйлдэгч бүр нүглийн боол мөн.
35 Боол гэрт мөнхөд байдаггүй, харин хүү л мөнхөд байдаг.
36 Иймээс хэрэв Хүү та нарыг чөлөөлбөл та нар үнэхээр эрх чөлөөтэй болно.

(10.05.28 Баасан) - Хүнийг Хүүг өргөгдсөнийх нь дараа л мэднэ

2010-05-27T19:29:00.000+08:00

Иохан 8:21-30

“Тиймээс Есүс тэдэнд - Та нар Хүний Хүүг өргөвөл, “Би байдаг” гэдгийг, мөн Би Өөрийн санаагаар юу ч хийдэггүй, харин Эцэгийн Надад зааснаар Би эдгээрийг ярьдаг гэдгийг мэдэх болно.” (28)

Христийг харсаар байж гэмийн дунд сөнөж буй Иудейчуудыг хараад Есүс маш их харамссан. Өнөөдрийн зарлигт ялзран доройтсон хүн төрөлхтнийг аврах гэсэн Христийн хайр сайн илэрхийлэгдэж байна.

1. “Намайг Тэр мөн” гэдэгт итгэхгүй бол (21-24)

Есүс бол дээрээс ирсэн учир дэлхийд харъяалагдахгүй. Харин хүн болж доор төрсөн. Тэр гэм ба харанхуйгаар дүүрэн хүн төрөлхтнийг аврахын тулд тэнгэрийн хаанчлалын алдрыг орхиод энэ дэлхийд ирсэн юм. Хүн угаасаа л дуулгаваргүй, уур хилэнгийн хүүхэд учраас Есүс тэгсэн юм.

2. Хүний Хүүг өргөгдсөнийх нь дараа л мэднэ (25-30)

Есүс Иудейчүүдийг маш их өрөвдөж тэднээс итгэлийг хүссэн боловч тэдний нэг нь ч үг хүлээн авсангүй. (22-25) Иймээс Есүс тэдэнд юу гэж хэлж байна вэ? Тэд гэмгүй Есүсийг загалмайд цовдолж алсныхаа дараа хэр жигшүүртэй гэмтэй байснаа ухаарч, түүнийг Бурханы хүү, Христ гэж итгэх болно.(28) Хүн загалмайн өмнө л өөрийгөө уур хилэнгийн хүүхэд болохыг, мөн түүнчлэн Христийн авралын хайр хэр агуу их вэ? гэдгийг ухаарч чадна.

Гуйлт: Эзэн минь ээ! Гэмийн дунд төрөөд тэндээ сөнөхөөс өөр аргагүй байсан миний төлөө загалмайд цовдлогдсонд баярлалаа. Би Эзэний загалмайг харж байна.

Нэг үг: “Загалмай, загалмай түүнийг анхлан харахад”

Библиэс унших хэсэг:

21 Есүс тэдэнд дахин
-Би явна. Та нар Намайг эрсээр, нүглийнхээ дотор үхнэ. Би хаашаа явна, та нар тэнд очиж чадахгүй гэж айлдав.
22 Тэгтэл иудейчүүд
-"Би хаашаа явна, та нар тэнд очиж чадахгүй" гэж хэлж байгаа тул Тэр Өөрийгөө егүүтгэх гээгүй байлтай? гэв.
23 Есүс тэдэнд
-Та нар доороос, Би бол дээрээс юм. Та нар энэ ертөнцийнх, Би энэ ертөнцийнх биш.
24 Тиймээс Би "Та нар нүглийнхээ дотор үхнэ" гэж та нарт хэлсэн. Учир нь хэрэв та нар "Би байдаг" гэдэгт итгэхгүй бол та нар нүглийнхээ дотор үхнэ гэлээ.
25 Тэгээд тэд Түүнд
-Та хэн юм бэ? гэхэд нь Есүс
-Эхнээсээ та нарт өгүүлж байгаа Тэр байна.
26 Та нарын тухай ярих, шүүх зүйл Надад олон бий. Харин Намайг Илгээгч нь үнэн мөн бөгөөд Түүнээс сонссон юмсаа Би ертөнцөд хэлдэг гэж айлдав.
27 Тэдэнд Эцэгийнхээ тухай Тэр хэлснийг тэд ойлгосонгүй.
28 Тиймээс Есүс [тэдэнд]
-Та нар Хүний Хүүг өргөвөл, "Би байдаг" гэдгийг, мөн Би Өөрийн санаагаар юуг ч хийдэггүй, харин Эцэгийн Надад зааснаар Би эдгээрийг ярьдаг гэдгийг мэдэх болно.
29 Намайг Илгээгч нь Надтай хамт байгаа. Би үргэлж Түүнд тааламжтай зүйлсийг үйлддэг учир Тэр Намайг ганцааранг минь орхисонгүй гэв.
30 Ийн айлдахад нь олон хүн Түүнд итгэх болов.

(10.05.27 Пүрэв) - Дэлхийн гэрэл Есүс

2010-05-26T20:04:00.000+08:00

Иохан 8:12-20

“Намайг дагадаг хүн харанхуй дотор явахгүй, харин амийн гэрэлтэй болно

гэж айлдав.” (12б)

Иохан энэ дэлхийг харанхуйн ертөнц гэсэн билээ. Харанхуй гэдэг нь ёс суртахууны доройтол, сүнсний мэдлэггүй байдал, бардам занг хэлж байна. Тэгвэл Есүс харанхуй ба үхлийн сүүдэрт суугч ард түмэнд “Би бол дэлхийн гэрэл” гэж тунхаглаж байна.

1. Би дэлхийн гэрэл (12)

12-р зүйлийг уншаарай. Есүс бол дэлхийн гэрэл юм. Гэрлийн онцгой шинж чанар нь харанхуйг зайлуулдаг. Гэрэл байгаа газарт амин цэцэг дэлгэрдэг. Мөн Есүс хүмүүсийн гэрэл юм.(1:4) Зөвхөн Тэр л хүмүүсийн сэтгэлд байгаа харанхуйг зайлуулж, шинэ амин гэрлийг тусгана. Тиймээс Есүст итгэж дагадаг хэн нь харанхуй дотор төөрөхгүй. Түүний амин гэрлийг авч, идэвхтэй амьдарч чадна. Бас тэр бидний амьдралын зорилго болон зүг чигийг тогтоож өгнө.

2. Миний гэрчлэл үнэн байна (13-20)

Фарисайчүүд “Би дэлхийн гэрэл” гэсэн Есүсийн үгийг хүлээж аваагүй байв. Есүсийн гэрчлэл яагаад үнэн бэ?

1-рт, Есүс хаанаас ирээд хаашаа явахаа мэдэж байсан. Энэ Есүс л харанхуйд тэнүүчилж яваа хүмүүст амин гэрэл болно.

2-рт, Есүс Бурхантай хамт байж шүүх учир түүний шүүлт үнэн болно.(15-18)

Гуйлт: Эзэн минь ээ! Харанхуйд төөрч явсан өрөвдөлтэй намайг амин гэрлээр гийгүүлж өгсөнд тань баярлалаа. Би одооноос махбодийн хүсэл тачаалаар бус, зөвхөн Эзэний зарлигаар амьдарна.

Нэг үг: Амин гэрлийг ав!

Библиэс унших хэсэг:

12 Тэгээд Есүс тэдэнд дахин
-Би бол ертөнцийн гэрэл мөн. Намайг дагадаг хүн харанхуй дотор явахгүй, харин амийн гэрэлтэй болно гэж айлдав.
13 Тэгтэл фарисайчууд Түүнд
-Та Өөрийгөө гэрчилж байна. Таны гэрчлэл үнэн биш гэсэнд
14 Есүс хариуд нь тэдэнд
-Хэдийгээр Би Өөрийнхөө тухай гэрчилж байгаа ч гэсэн, Миний гэрчлэл үнэн байна. Учир нь Би хаанаас ирснээ, хаашаа явахаа мэднэ. Харин та нар Миний хаанаас ирснийг, эсвэл хаашаа явахыг мэдэхгүй.
15 Хүмүүс та нар махан биеийн дагуу шүүдэг бол, Би хэнийг ч шүүхгүй.
16 Харин хэрвээ Би шүүвэл, Миний шүүлт үнэн байна. Учир нь шүүх үед Би ганцаараа биш, харин Намайг илгээсэн Эцэг Надтай хамт байдаг.
17 "Хоёр хүний гэрчлэл нь үнэн" гэж танай хуульд ч бичигдсэн байдаг.
18 Би Өөрийнхөө тухай Гэрчлэгч бөгөөд Намайг илгээсэн Эцэг Миний тухай гэрчилдэг гэв.
19 Тэгтэл тэд
-Таны Эцэг хаана байна? гэхэд Есүс
-Та нар Намайг ч, Эцэгийг минь ч танихгүй. Хэрэв та нар Намайг таньсан бол, Миний Эцэгийг ч мөн таних байсан гэж хариулав.
20 Есүс сүмд зааж байхдаа эдгээр үгсийг эрдэнэсийн сан хөмрөг дотор айлджээ. Хэн ч Түүнийг барьсангүй. Учир нь Түүний цаг хараахан болоогүй байлаа.

(10.05.26 Лхагва) - Шийтгэдэггүй Есүс

2010-05-25T20:01:00.000+08:00

Иохан 7:53-8:11

“Харин тэд зогсоо зайгүй асуусанд Есүс цэх зогсоод тэдэнд - Та нарын дундаас нүгэлгүй хүн нь эхлээд энэ эмэгтэй уруу чулуу шид гээд,” (7)

Есүсийг барихаар явсан бараа бологчид Есүсийн үгэнд сэтгэл хөдөлж ирсэнд шашны удирдагчид ихэд уурлажээ. Тэд Есүсийг алахын тулд бүр чармайлтаа гаргажээ. Харин Есүс үнэний үгээр тэдний заль мэхийг зайлуулж, гэмтэй эмэгтэйг аварч өгсөн билээ.

1. Нүгэлгүй нь эхлээд чулуугаар шид (7:53-8:9)

Есүс өглөөгүүр дуганд зарлигийг зааж байхад сургаал номлогчид, фарисайчууд садарлаж байгаад баригдсан нэгэн эмэгтэйг Есүс дээр авчрав. Тэд энэ эмэгтэйг авчирсэн нь Есүсээс зөвлөгөө сонсохын тулд бус, харин түүнийг урхинд оруулахын тулд юм. Тэд Есүсээс “За, Мосегийн хуулинд энэ мэтсийг чулуугаар шидэгтүн гэж тушаасан байдаг. Харин та юу гэх сэн бол?” гэж асуув.

Есүс хэсэг зуур дуугүй байж байгаад амаа нээн “Та нараас нүгэлгүй нь эхлээд чулуугаар шид” гэж хэлэв. Энэ үгийг сонссон Фарисайчууд яаж ч чадахгүй болсон. Гартаа барьсан байсан чулууг тавьж нэг нэгээр гадагш гарч явжээ. Гэмтэй хүн адилхан гэмтэй хүнийг шийтгэх эрхгүй байдаг. Энэ дэлхий дээр Бурханы өмнө зөвт хүн ганц ч байхгүй билээ. (Ром 3:10,18)

2. Үүнээс хойш дахин нүгэл бүү үйлд (10,11)

Дуганд ганцаараа үлдсэн мөнөөх эмэгтэйд Есүс “Би ч чамайг шийтгэхгүй. Яв. Үүнээс хойш дахин нүгэл бүү үйлд.” гэж хэлэв. Фарисайчүүд болохоор хүмүүсийг буруушааж шүүмжлэх дуртай байсан. Харин бидний Эзэн Есүс гэмтнийг хүлээн зөвшөөрч өршөөлийн хайрыг үзүүлдэг. Тэгээд гэмшилд зохистой үр жимсийг төрүүлэхийн тулд амьдралын шинэ зүг чиглэлийг өгдөг.

Гуйлт: Эзэн минь ээ! Дандаа бусдыг шүүмжилж байсандаа гэмшиж байна. Би үргэлж Есүсийн өршөөлийн хайрыг хүлээн зөвшөөрч, чин сэтгэлээр ах дүүсийг өршөөдөг амьдралаар амьдарна.

Нэг үг: Бусдыг бүү шийтгэ!

Библиэс унших хэсэг:

(Иохан 7-р бүлэг)

53 [Хүмүүс гэр гэр уруугаа явлаа.

(Иохан 8-р бүлэг)

1 Харин Есүс Чидун уул уруу явав.
2 Өглөө эрт Түүнийг сүмд дахин ирэхэд, хүмүүс бүгд Түүн уруу ирцгээв. Тэр сууж, тэднийг сургаж эхлэв.
3 Хуулийн багш нар болон фарисайчууд завхайрч байгаад баригдсан нэгэн эмэгтэйг авчраад голдоо зогсоов.
4 Тэд Есүст
-Багш аа, энэ эмэгтэйг завхайрч байхад нь үйлдэл дээр нь барьсан юм.
5 "Ийм эмэгтэйчүүд уруу чулуу шидэгтүн" гэж Мосегийн Хуульд тушаасан. Харин Та юу гэж хэлэх вэ? гэцгээв.
6 Тэд Есүсийг буруутгах шалтаг хайхын тулд Түүнийг сорин ийнхүү асуужээ. Гэтэл Есүс бөхийж, хуруугаараа газарт бичив.
7 Харин тэд зогсоо зайгүй асуусанд Есүс цэх зогсоод тэдэнд
-Та нарын дундаас нүгэлгүй хүн нь эхлээд энэ эмэгтэй уруу чулуу шид гээд,
8 Тэр дахин бөхийж, газарт бичив.
9 Үүнийг сонсоод, тэд ахмадуудаасаа эхлэн нэг нэгээрээ гарч явсаар ганц Есүс л үлджээ. Өнөөх эмэгтэй тэндээ зогссоор л байв.
10 Есүс цэх зогсож, тэр эмэгтэйд
-Эмэгтэй, тэд хаана байна? Чамайг хэн ч шийтгэсэнгүй юу? гэсэнд
11 тэр
-Эзэн, хэн ч шийтгэсэнгүй гэв. Есүс
-Би ч чамайг шийтгэхгүй. Яв. Үүнээс хойш дахин нүгэл бүү үйлд гэлээ.]

(10.05.25 Мягмар) - Амьд усны гол

2010-05-24T19:34:00.000+08:00

Иохан 7:37-52

“Баярын их өдөр болох сүүлчийн өдөр Есүс зогсоод хашхиран - Хэрэв цангасан хүн байвал, Над руу ирж, уугтун.” (37)

Майхан баярын сүүлчийн өдөрт хүмүүс Силоамын цөөрөмд очоод алтан данханд усыг аваад тахилын ширээнд асгадаг заншилтай байсан. Энэ бол ирэх жилд ч гэсэн ган болохгүй, бороог оруулж өгөхийг хүсэх ёслол байв. Яг энэ өдөр Есүс сүнсээр цангасан хүмүүсийг урьсан билээ.

1. Над уруу ирэгтүн. Уугтун! (37-39)

Есүс “Хэн нэг нь цангавал, Над уруу ирэгтүн. Уугтун.” гэсэн үгээр хүмүүсийг урьжээ. “Цангана” гэдэг нь ямар нэгэн зүйл дутагдаад амьдралын үнэн баяр баясгалан ба хангалуун байдал байхгүйг хэлж байна. Ер нь хүмүүс мөнгө төгрөг эсвэл дэлхийн амжилт, наргиан цэнгээнээр дамжуулан энэхүү цангалтыг тайлах гэж байдаг.

Харин эдгээр зүйлс нь сүнсний цангалтыг тайлж өгч чадахгүй. Тэднийг олох тусмаа улам илүү цангах болдог. Гэхдээ хэн нь ч Есүс дээр очиход сүнсний цангалтыг бүрэн тайлж чадна. Есүст итгэдэг хүнд Есүс Ариун Сүнсийг амьд усны гол мэт дүүрэн өгдөг. Энэхүү Ариун Сүнсийг сэтгэлдээ хүлээн зөвшөөрөхөд үнэн баяр хөөр, аз жаргалыг эдэлж чадна.

2. Бараа бологчдын өөрчлөлт (40-52)

Шашны удирдагчдын илгээсэн бараа бологчид Есүсийг барьж чадалгүй хоосон буцаж иржээ. Энэ нь тэд Есүсийн хэлсэн үгийг сонсоод сэтгэл нь хөдөлсөн учрынх юм. Хэн нь ч цэвэр ариун сэтгэлээр Есүсийн үгийг сонсвол амийг олж, баяр хөөрийг амсах болдог. Фарисайчууд нь бардам зан, шунаг сэтгэлээс болж Есүсийг хүлэн зөвшөөрөөгүй учир тэдний дотор мөнхийн амийн баяр баясгалан байхгүй байв. Тэд бол сүнсээр цангасан хүмүүс байсан.

Гуйлт: Эзэн минь ээ! Би бардам зан, өрөөсгөл бодлыг орхиж Тандаа очно. Надад Ариун Сүнсийг өгч миний сүнсэнд үнэн баяр хөөрийг өгөөч!

Нэг үг: Итгэгчид Ариун Сүнсийг өгнө. (Үйлс 2:38)

Библиэс унших хэсэг:

37 Баярын их өдөр болох сүүлчийн өдөр Есүс зогсоод хашхиран
-Хэрэв цангасан хүн байвал, Над уруу ирж, уугтун.
38 Надад итгэдэг хүн "Түүний дотроос амийн усны гол урсах болно" гэж Сударт хэлсэнчлэн байх болно гэв.
39 Есүст итгэсэн хүмүүсийн хүлээн авах Сүнсний тухай Тэр үүнийг хэлжээ. Учир нь Есүс хараахан алдаршуулагдаагүй тул Сүнс өгөгдөөгүй байлаа.
40 Хүмүүсийн зарим нь энэ үгсийг сонсоод,
-Энэ үнэхээр өнөөх Эш үзүүлэгч мөн байна гэхэд,
41 зарим нь
-Энэ Христ мөн гэж байв. Харин зарим нь
-Христ Галилаас гарахгүй биз дээ?
42 Христ бол Давидын үр сад бөгөөд Давидын амьдарч байсан тосгон болох Бетлехемээс гарна гэж Сударт хэлдэг биш үү? гэв.
43 Тэгээд Есүсээс болж олон түмний дотор хагарал гарчээ.
44 Тэдний зарим нь Түүнийг барихыг хүссэн боловч хэн ч Түүнд гар хүрсэнгүй.
45 Тэгээд харуулуудыг ахлах тахилч нар болон фарисайчууд дээр ирэхэд, тэднээс
-Та нар Түүнийг юунд авч ирсэнгүй вэ? гэсэнд
46 харуулууд
-Энэ хүний ярьж байгаа шиг ярьсан хүн ер үгүй билээ гэжээ.
47 Тэгтэл фарисайчууд тэдэнд
-Та нар бас төөрчихөв үү?
48 Захирагчид болон фарисайчуудаас хэн ч Түүнд итгээгүй биз дээ?
49 Харин Хуулийг мэддэггүй энэ ард олон л хараагджээ гэлээ.
50 Тэдний нэг болох урьд нь Есүс уруу ирсэн Никодем тэдэнд
51 -Бидний Хууль хүний юу хийж байгааг нь эхлээд тэр хүнээс сонсоогүй, мэдээгүй байж шүүдэг бил үү? гэв.
52 Тэд түүнд
-Та бас Галилынх уу? Нягтлан үз, Галилаас ямар ч эш үзүүлэгч гарахгүй гэж хэлэв.

(10.05.24 Даваа) - Үнэний шүүх

2010-05-24T15:36:00.000+08:00

Иохан 7:14-36

“Гаднах төрхөөр нь бүү шүү. Харин үнэн зөв шүүлтээр шүү гэж айлдав.” (24)

Есүс Баярын дундуур дуганд зарлиг зааж өөрийгөө илэрхийлжээ. Иудейчүүд Есүсийг барих гэсэн боловч ард түмнээс болж барьж чадаагүй ажээ. Иудейчүүд Түүнийг барьж алах гэсэн учир нь юу вэ? Тэд Есүсийг гаднах байдлаар нь бодсон учраас юм. Есүс амралтын хуулийг зөрчсөн төдийгүй, Бурханыг өөрийн эцэг гэж хэлэх зэргээр Бурханыг доромжилж байна гэж боддог байжээ. Хүн яаж Есүсийг үнэн зөвөөр танин мэдэх вэ?

1. Хүн Бурханы хүслийг үйлдэх гэвэл (14-24)

Есүс дуганд зарлиг заахад Иудейчүүд түүний мэргэн ухааныг ихэд гайхсан юм. Харин Есүс “Миний сургаал бол хүний мэргэн ухаанаас гарсан зүйл биш, харин Бурханы мэргэн ухаанаас гарсан зүйл юм.” гэжээ. Бид Бурханы хүслийг үйлдэх гэвэл үүнийг сайн ойлгож чадна. Харин Бурханы хүслийг дагахыг хүсэхгүй хүн Есүсийн зарлигийг ухаарч ер чадахгүй билээ.

2. Түүний үйлдсэн үйлсээр дамжуулан (25-36)

Хүмүүс Есүсийг хаанаас ирснийг мэдэхгүй учраас түүнд итгэж чадахгүй гэсэн. Тэд Бурханыг сайн мэдэхгүй байсан тул Түүнийг Бурханаас ирснийг ч мэдээгүй байсан. Харин хүмүүсийн ихэнх нь Есүсийн үйлдсэн тэмдгүүдэд үндэслэн Христэд итгэжээ.

Бид Есүсийн зарлиг ба түүний үйлсээр дамжуулан, Түүнийг Христ мөн гэдэгт итгэж чадна.

Гуйлт: Эзэн минь ээ! Надад үнэний шүүхээр шүүж чадах сүнсний хараа өгөхийг гуйж байна.

Нэг үг: Үнэний шүүхээр.

Библиэс унших хэсэг:

14 Баяр дундаа орох үед Есүс сүмд орж ирээд, сургаж эхлэв.
15 Иудейчүүд
-Ер суралцаагүй атлаа энэ хүн яаж мэдлэгтэй болсон байдаг билээ? гээд ихэд гайхлаа.
16 Есүс тэдэнд
-Миний сургаал бол Минийх биш, харин Намайг Илгээгчийнх.
17 Хэрэв хэн нэгэн нь Түүний хүслийг үйлдэхийг хүсэж байвал тэр нь энэ сургаал Бурханаас ирсэн үү, эсвэл Би Өөрөөсөө ярьж байна уу гэдгийг мэднэ.
18 Өөрөөсөө яригч нь өөрийнхөө алдрыг хайдаг. Харин Өөрийг нь илгээгч Нэгэний алдрыг Хайгч, Тэр бол үнэн мөн. Түүний дотор зөвт бус байдал нь байхгүй.
19 Та нарт Мосе Хууль өгөөгүй гэж үү? Харин та нараас нэг нь ч Хуулийг биелүүлдэггүй. Та нар яагаад Намайг алах гэж оролдоно вэ? гэлээ.
20 Хурсан олон
-Танд чөтгөр шүглэжээ. Хэн Таныг алах гэв? гэжээ.
21 Есүс тэдэнд
-Би нэг ажил хийсэн. Тэгэхэд та нар бүгд гайхаж байна.
22 Үүний улмаас Мосе та нарт хөвч хөндөлт өгсөн (Энэ нь Мосегээс биш, өвөг дээдсээс чинь эхэлсэн юм) бөгөөд Амралтын өдөр ч та нар хүний хөвч хөнддөг.
23 Мосегийн Хуулийг зөрчихгүйн тулд хэрэв хүн Амралтын өдөр ч хөвч хөндүүлдэг бол, Би Амралтын өдөр хүн эдгээсэн учраас та нар Надад уурлана уу?
24 Гаднах төрхөөр нь бүү шүү. Харин үнэн зөв шүүлтээр шүү гэж айлдав.
25 Тэгтэл Иерусалимын иргэдийн зарим нь
-Тэдний алахаар оролдоод байгаа өнөөх хүн энэ биш үү?
26 Хараач, Тэр ил ярьж байна. Тэд Түүнд юу ч хэлэхгүй юм. Захирагчид энэ хүнийг Христ гэж үнэхээр танилаа гэж үү?
27 Гэлээ ч энэ хүн хаанаас ирснийг бид мэднэ. Харин Христийг ирэхэд Түүнийг хаанаас ирэхийг хэн ч мэдэхгүй гэж ярьж байлаа.
28 Есүс сүм дотор хашхиран сургаж
-Та нар Намайг мэднэ. Бас Миний хаанаас ирснийг ч мэднэ. Би Өөрөөсөө ирсэн биш, харин Намайг Илгээгч нь үнэн мөн. Та нар Түүнийг мэдэхгүй.
29 Би Түүнийг мэднэ. Учир нь Би Түүнээс ирсэн бөгөөд Тэр Намайг илгээсэн гэж айлдсанд
30 тэд Есүсийг барих гэсэн боловч, хэн ч Түүнд гар хүрсэнгүй. Учир нь Түүний цаг хараахан болоогүй байв.
31 Харин цугласан хүмүүсээс олон нь Түүнд итгэжээ. Тэд
-Христ ирлээ ч гэсэн энэ хүний үйлдсэнээс илүү тэмдгүүдийг үйлдэнэ гэж үү? гэж ярилцаж байлаа.
32 Есүсийн тухай хүмүүс ингэж шивнэлдэхийг фарисайчууд сонсжээ. Ахлах тахилч нар болон фарисайчууд Түүнийг бариулахаар харуулуудыг илгээв.
33 Тэгтэл Есүс
-Би та нартай хамт түр зуур байна. Тэгээд Би Намайг Илгээгч уруу явна.
34 Та нар Намайг хайгаад олохгүй. Мөн Би хаана байна, тэнд та нар ирж чадахгүй гэж айлдсанд
35 иудейчүүд өөр хоорондоо
-Бидэнд олдохгүй байх ямар газар уруу Тэр явах юм бол? Грек хүмүүсийн дунд суурьшсан иудейчүүд уруу очиж, грек хүмүүст сургаалаа заах гэсэн юм болов уу?
36 "Та нар Намайг хайгаад олохгүй. Мөн Би хаана байна, тэнд та нар ирж чадахгүй" гэж Түүний хэлсэн энэ үг ямар утгатай юм бол? гэцгээв.

(10.05.22 Бямба) - Мөнхийн амийг хүртэх гэвэл

2010-05-22T09:39:00.013+08:00

Иохан 6:41-59

“Миний махыг идэж, цусыг уусан хүн мөнх амьтай бөгөөд Би түүнийг эцсийн өдөрт амилуулна.” (54)

Есүс өөрийгөө тэнгэрээс буун ирсэн амийн талх гэдгийг гэрчилсэнд Иудейчүүд Түүний тухай шивнэлдсэн. Тэд бэлгэ тэмдгийг харсан ч Есүст итгэхгүй байв. Есүс тэдэнд мөнхийн амийг олох замыг зааж өгчээ.

1. Эцэгээс сонсож сурдаг хүн (41-51)

Есүс бол тэнгэрээс буун ирсэн амин талх юм. Энэ талхыг идье гэвэл яах хэрэгтэй вэ?

-Хүнийг төвд тавьсан бодол, өрөөсгөл санаагаа орхих хэрэгтэй.(42)

-Бурхан Эцэг Есүсийг татаж өгөх хэрэгтэй.(44)

-Бурханы зарлигаас сонсож сурдаг даруу сэтгэлтэй байх хэрэгтэй(45)

-Есүст итгэхээр шийдвэрлэдэг байх хэрэгтэй.(47)

-Мөнхийн амийг авна гэдэгт бат итгэх хэрэгтэй.(47)

2. Миний махыг идэж цусыг уудаг хүн (52-59)

Есүсийн өгөх гэсэн талх бол дэлхийн амийн төлөөх түүний бие юм(51). Есүсийн бие нь бидний сүнсний талх бөгөөд түүний цус бол жинхэнэ ундаа юм(55). Энэ махыг идэж, энэ цусыг уусан хүн мөнхийн амийг хүртэж чадна. Есүс түүнийг амилуулж өгнө. Тэгвэл Есүсийн махыг идэж цусыг ууна гэдэг ямар утгатай вэ? Энэ нь Есүс миний гэмийн золиос болж ташуурдуулан загалмайд цовдлогдож нандин цусаа асгаруулсан гэдэгт чин сэтгэлээсээ итгэнэ гэсэн үг юм. Тэгснээр Есүс миний дотор оршиж, би Есүсийн дотор амьдрах болно(56).

Гуйлт: Эзэн минь ээ! Би Эзэний агуу их авралын хайрыг хүлээн зөвшөөрч байна. Сул дорой миний төлөө загалмайд нандин цусаа урсгаж нас барснаар намайг амилуулж, шинэ амийг өгсөнд талархаж байна.

Нэг үг: Амин талх Есүс

Библиэс унших хэсэг:

41 Тэгтэл Есүсийн

-Би бол тэнгэрээс бууж ирсэн талх байна гэж айлдсанаас болж, Түүний тухай иудейчүүд дургүйцэн шивнэлдэж байлаа.

42 Тэд

-Энэ чинь Иосефын хүү Есүс биш билүү? Бид эцэг, эхийг нь мэднэ шүү дээ. Одоо болохлоор "Би бол тэнгэрээс бууж ирсэн" гэж Тэр яаж ярина вэ? гэлцэв.

43 Есүс тэдэнд

-Та нар дотроо бүү дургүйцэн шивнэлд.

44 Намайг илгээсэн Эцэг хэн нэгнийг татахгүй л бол хэн ч Над уруу ирж чадахгүй. Би тэр хүнийг эцсийн өдөрт амилуулна.

45 "Тэд бүгд Бурханаар сургагдах болно" гэж эш үзүүлэгчдийн номд бичигджээ. Эцэгээс сонсож, сурсан хүн бүр Над уруу ирдэг.

46 Бурханаас ирсэн Нэгэнээс өөр хэн ч Эцэгийг хараагүй бөгөөд Тэр л Эцэгийг харсан юм.

47 Үнэнээр, үнэнээр Би та нарт хэлье. Итгэдэг хүн мөнх амьтай.

48 Би бол амийн талх байна.

49 Та нарын өвөг дээдэс цөлд манна идсэн бөгөөд тэд нас барцгаасан.

50 Энэ нь тэнгэрээс бууж ирэх талх бөгөөд үүнээс идэгч нь үхэхгүй.

51 Би бол тэнгэрээс бууж ирсэн амьд талх байна. Хэрэв хэн нэгэн энэ талхнаас идвэл, тэр мөнхөд амьдарна. Ертөнцийн амийн төлөө Миний өгөх талх бол Миний махан бие юм гэж айлдлаа.

52 Тэгтэл иудейчүүд хоорондоо

-Энэ хүн Өөрийнхөө махан биеийг бидэнд идүүлэхээр яаж өгч чадах юм бэ? гээд л маргалдаж эхлэв.

53 Есүс тэдэнд

-Үнэнээр, үнэнээр Би та нарт хэлье. Хэрэв та нар Хүний Хүүгийн махыг идэхгүй, цусыг нь уухгүй л бол та нарын дотор амь байхгүй.

54 Миний махыг идэж, цусыг уусан хүн мөнх амьтай бөгөөд Би түүнийг эцсийн өдөрт амилуулна.

55 Учир нь Миний мах бол жинхэнэ хоол, Миний цус бол жинхэнэ ундаа мөн.

56 Миний махыг идэж, цусыг уусан хүн Миний дотор байж, Би ч түүний дотор оршин байна.

57 Амьд Эцэг маань Намайг илгээсэн бөгөөд Би Эцэгээр амьдрахын адил Намайг идэгч хүн мөн Надаар амьдарна.

58 Тэнгэрээс бууж ирсэн талх бол энэ мөн. Гэхдээ та нарын өвөг дээдэс идсэн, нас барсантай нь адилгүй, энэ талхыг идсэн хүн мөнхөд амьдарна гэлээ.

59 Есүс Капернаумын синагогт заахдаа энэ бүхнийг айлджээ.

(10.05.21 Баасан) - Амин талх Есүс

2010-05-20T21:19:00.001+08:00

Иохан 6:22-40

“Есүс тэдэнд - Би бол амийн талх байна. Над уруу ирдэг хүн өлсөхгүй, Надад итгэдэг хүн хэзээ ч цангахгүй.” (35)

Диваажинг алдсан дэлхийн хүмүүс ялзрах зүйлийг олохын төлөө бүх амьдралаа зориулдаг. Харин Есүс мөнх амь хүртээх хоолны төлөө ажилла гэж хэлж байна.

1. Мөнх биш хоолны төлөө бүү ажилла (22-29)

Энэ нь 5 талх 2 загасаар 5,000 хүнийг цадтал хооллосны дараагийн өдөр юм. Хүмүүс Есүсийг олохоор цөхрөлтгүй хайсан. Тэдний зорилго бол бэлгэ тэмдгийг хайсных бөгөөд Есүст итгэх гэснийх биш байсан. Мөн талх идээд цадсан учрынх юм. Есүс 5000 хүнийг хооллосон нь тэдэнд өөртөө итгэх итгэлийг суулгахын тулд юм. Гэвч хүмүүс энэ бэлгэ тэмдгийн үнэн утга учрыг ухаарч чадахгүй байв. Есүс энэ хүмүүст “Мөнх биш хоолны төлөө бус, мөнх амь хүртээх хоолны төлөө ажилла” гэж хэлжээ. Мөнх амь хүртээх хоолыг Есүс л өгч чадна. Энэ хоолыг олохын тулд зөвхөн Есүст л итгэх хэрэгтэй.(29)

2. Амин талх Есүс (30-40)

Есүсийн зарлигийг сонссон хүмүүс бэлгэ тэмдэг шаарджээ. Мосе говьд манна буулган ард түмнийг хооллосон шиг тэнгэрээс талхыг буулгаж өгөхийг хүсчээ. Есүс энэхүү тэдэнд өөрийгөө тэнгэрээс буусан үнэн талх буюу амийг өгдөг амин талх гэдгээ гэрчлэв. Энэ Есүст итгэдэг хүн хэзээ ч өлсөхгүй бөгөөд амийг авч чадна. Эцсийн өдөр Бурхан түүнийг амилуулна(35,40).

Гуйлт: Эзэн минь ээ! Би Мөнх биш хоолны төлөө амьдарч болохгүй гэдгийг ухаарлаа. Би Эзэнд итгэж, мөнх амь хүртээх хоолны төлөө идэвхтэй амьдарна.

Нэг үг: Идэж уух нь амьдралын зорилго биш

(10.05.20 Пүрэв) - Би байна. Бүү ай!

2010-05-19T16:24:00.000+08:00

Иохан 6:16-21

Гэвч Есүс тэдэнд “Би байна. Бүү ай! гэж айлдав.”(20)

Есүс гэнэт тохиолдох далайн шуурганаас айн чичирч буй шавь нартаа итгэлийг суулгасан билээ. Өнөөдрийн зарлигаар дамжуулан амьдралын шуургыг даван дийлдэг итгэлийг сурахыг гуйж байна.

1. Айж байгаа шавь нар (16-19)

Шавь нар 5,000 хүнд үйлчлээд маш их ядарч завинд суусан ажээ. Нар жаргаж, харанхуй болчихжээ. Гэвч Есүс хараахан ирээгүй байв. Гэтэл юу болсон бэ? Гэнэт их хуй салхи салхилж, далай ихэд давалгаалав. Шавь нар далайн давалгаатай тэмцэлдэн сэлүүрээр сэлүүрдэж байв. Энэ үед Есүс тэдэн руу очсон боловч тэд түүнийг хий үзэгдэл хэмээн бодоод улам их айжээ. Бидний амьдралд ч гэсэн энэ мэт санаандгүй хуй салхи олон тааралддаг.

2. Би байна. Бүү ай! (20,21)

Айн чичирч байсан шавь нартаа Есүс “Би байна. Бүү ай!” гэж хэлэв. Шавь нар баярлан Есүсийг завиндаа оруулмагц давалгаа намджээ. Бид нар ч гэсэн амьдралын аялалд хуй салхи тааралдах үед “Би байна. Бүү ай” гэж хэлж буй Есүсийн дуу хоолойг сонсох хэрэгтэй. Мөн сэтгэлийнхээ төвд Есүсийг хүлээн зөвшөөрөх хэрэгтэй. Тэгвэл айдас баяр хөөр болон хувирч, сэтгэлийн давалгаа намдана. Есүстэй хамт, зорьсон газартаа хүрч чадна.

Гуйлт: Эзэн минь ээ! Өчүүхэн давалгаанаас айн чичирч, Эзэний хайранд үл итгэж байсан гэмээ гэмшиж байна. Надад итгэл өгч Эзэнийг хүлээн зөвшөөрүүлэн давалгааг ялан дийлэх итгэлийг өгөөч!

Нэг үг: Би байна. Бүү ай!

(10.05.19 Лхагва) - 5000 хүнийг хооллосон Есүс

2010-05-19T16:22:00.000+08:00

Иохан 6:1-15

Энд таван арвайн талх, хоёр загастай хүүхэд байна. Гэвч тэр нь энэ олон хүнд юу болох вэ? гэсэнд(9)

Өнөөдрийн зарлиг нь Есүс 2 загас ба 5 талхаар 5000 хүмүүсийг хооллосон үйл явдлын тухай юм. Энэ бэлгэ тэмдэг нь бид яаж чадварлаг удирдагч болж чадах вэ? гэдэг нууцыг зааж байна.

1. Филипийг сорьсон Есүс (1-7)

Есүсийг Галили тэнгисийн тэртээд байх үед маш олон хүн түүний өвчтөнгүүдэд үйлдсэн бэлгэ тэмдгүүдийг хараад дагасан билээ. Өвчин зовлонгоор зовж шаналж буй хүмүүс нь хоньчингүй хонь мэт байсан тул Есүс маш их өрөвджээ. Тэднийг хэрхэн хооллохыг мэдэж байсан боловч Филипийг дасгалжуулахын тулд сорьж асуув. “Тэдэнд өгөх талхыг бид хаанаас олох вэ?” Есүс боломж гарвал шавь нараа удирдагч болгон өсгөхийн тулд дасгалжуулдаг байв. Харин Филип “Дор дороо жаахан авлаа ч 200 денарын талх ч тэдэнд хүрэлцэхгүй шүү дээ” гэж хариулсан. Филип ухаантай ч гэсэн итгэл ба хоньчны сэтгэл байхгүй учраас сорилтонд унажээ.

2. Андрейн итгэлийг ивээсэн Есүс (8-14)

Гэтэл Андрей хүмүүсийг хооллох гэсэн Есүсийн сэтгэлийг мэдээд нэг хүүхдэд байсан 5 талх 2 загасыг Есүст авчирсан билээ. Андрейд хоньчны сэтгэл ба Есүст итгэх итгэл байсан. Есүс түүний авчирсан 5 талх 2 загасыг авч, талархал илэрхийлээд 5000 хүнийг цадтал хооллов. Түүгээр ч үл барам 12 сагс хоол үлдсэн. Есүс бол бидний итгэл болон хоньчны сэтгэлээр өргөсөн 5 талх 2 загасыг талархан аваад агуу их үйлсийг бүтээдэг төгс бүрэн хүч чадалт Бурхан юм.

Гуйлт: Эзэн минь ээ! Би Филип шиг эхлээд тооцоо боддог байсандаа гэмшиж байна. Танд өргөх миний чин сэтгэл ба гуйлт, 1:1 библийн хичээлийн 5 талх 2 загасаар монгол болоод дэлхийд тэнэж яваа оюутнуудыг цадтал хооллооч!

Нэг үг: Чин сэтгэл ба итгэлээр

ӨБХ (10.04.17 Бямба) - ХАМТРАН ЗҮТГЭГЧДЭЭ НАНДИГНАЖ БУЙ ПАУЛ

2010-04-17T14:06:00.000+08:00

Зарлиг Ром 16:1-27

Чухал зүйл Ром 16:3

“Христ Есүс дотор надтай хамтран зүтгэгчдэд мэнд хүргээрэй”

1. Тэдэнд мэнд хүргээрэй (1-16)

Паул захианыхаа төгсгөлд Ром дахь олон итгэгч тус бүрт мэнд хүргэж байна. Тэр юуны өмнө Кэнхрэйгээс Ромд очих Фойбэг сайн халамжлахыг гуйж байна. Фойбэ бол олон итгэгчийг, түүний дотор Паулыг ч хамгаалж байсан хүн юм(2). Аюул учирахад амь насаа ч үл хайхран тусалсан Приска, Акүүл нарт Паул нь тусгайлан гүн талархал илэрхийлж байна(4). Мөн үлэмж ажилсаг Мариа болон Эзэний дотор их ажилласан олон хамтран зүтгэгч нартаа тус бүрт нь мэнд хүргэж байна. Паул хамтран зүтгэгчдийнхээ хичээл зүтгэлийг ердийн байдаг зүйл мэт үзээгүй. Харин тэдний зүтгэлийг өндөр үнэлж Бурханд талархсан. Тэр очсон газар болгондоо олон хүнийг талдаа татаж, Бурханы ажилд хүчтэй үйлчилж чадсан нь хамтран зүтгэгчдийнхээ хичээл зүтгэлийг дээрх мэт нандигнасан учраас тэр юм.

2. Тэднээс холдогтун (17-27)

Цуглаан дотор Эзэнд үнэнчээр үйлчилдэг хүмүүсээс гадна Баярын мэдээний дайснууд ч байдаг. Паул хэрүүл маргаан үүсгэж цуглааныг эмх цэгцгүй болгогчдоос сэрэмжилж, тэднээс холдохыг зөвлөж байна(17). Тэд зарлигийг дуулгавартай дагаснаараа зөвхөн өөрсдийн гэдсийг л цатгах гэдэг. Тэд бол сайхан ялдам үгээр гэнэн цайлган итгэгчдийг уруу татан гэмд унагадаг чөтгөрийн хүүхдүүд юм. Захидлынхаа төгсгөлд Паул нь Есүс Христийн баярын мэдээгээр дамжуулан бүх үндэстэн ард түмнийг аврах гэж буй Бурханы мэргэн ухааныг магтаж байна(27).

Гуйлт : Эзэн минь! Таны дотор биеэ золиослон хичээн зүтгэдэг хамтран зүтгэгчидийг өгсөнд талархаж байна. Би энэ хайр ивээлийг үргэлж санан, насан турш итгэлээр амьдарна.

Нэг үг : Хамтран зүтгэгчдийнхээ хичээл зүтгэлд талархацгаая!

ӨБХ (10.04.16 Баасан) - ДЭЛХИЙН ХЯЗГААР ХҮРТЭЛ

2010-04-17T14:04:00.000+08:00

Зарлиг Ром 15:22-33

Чухал зүйл Ром 15:28

“Үүнийг дүүргээд, та нарыг дайран Испани руу явна”

1. Баярын мэдээ дэлгэрүүлэх Паулын төлөвлөгөө (22-29)

Паул олон удаа Ромд очихыг хүссэн боловч тухай болгон саад учирч байв. Гэвч тэр энэ хүслээ орхиогүй ажээ. Энэ удаа Паул Баярын мэдээ дэлгэрүүлэх 3 дахь аялалаа дууссан бөгөөд өөр очих газаргүй болов. Тиймээс Иерусалимд очиж тусламжийн хандивыг дамжуулсаныхаа дараа шууд Ром явах гэв(25). Ромд очоод Христийн бялхсан ивээлийг хуваалцах гэсэн хүсэл түүнд дүүрэн байв(29). Энэ нь тухайн үеийн дэлхийн нийслэл болох Ром хотыг төв болгож цаашлаад дэлхийн хязгаар гэгддэг Испани хүртэл Баярын мэдээг дэлгэрүүлэхийн тулд байжээ(28). Ямар ч хэцүү үед шантралгүй, үргэлж хичээн зүтгэж бүх дэлхийд баярын мэдээ дэлгэрүүлэхийг хүссэн түүний энэ халуун эрмэлзэл нь бидний сэтгэлийг хөдөлгөж байна.

2. Залбирлыг гуйж буй Паул (30-33)

Ахай болон Македоны итгэгчдийн тусламжийн хандивыг цуглуулан Иерусалимд очих гэсэн Паулын амь насанд аюул заналхийлж байв. Дэлхийн миссионыг зөвшөөрдөггүй иудейчүүд түүнийг алахаар зөвлөлдөж байжээ(үйлс 21:20,21). Гэвч Паул хандивыг дамжуулсаны дараа тэдний гуйлтын дэмжлэгийг аваад Ромд очих нь Бурханы таалал гэдэгт бат итгэсэн. Тэгээд аюултай ч гэсэн Иерусалимд очих гэжээ. Паул өөрийг нь алах гэсэн иудейчүүдэд баригдахгүй байх, Иерусалимд аваачих тусламжийн хандив нь тэндхийн итгэгчдэд баяртай бэлэг болж чадахын төлөө хичээнгүйлэн залбирч өгөхийг Ромын итгэгчдээс хичээнгүйлэн гуйсан(30-33).

Гуйлт: Эзэн минь! Паул шиг бүх дэлхийд баярын мэдээг тунхаглах гэсэн хүсэл эрмэлзлэлээр дүүрэн болоход минь туслаач.

Нэг үг: Дэлхийн хязгаар хүртэл

ӨБХ (10.04.15 Пүрэв) - БУРХАНЫ САЙН МЭДЭЭНИЙ ТАХИЛЧ

2010-04-14T17:08:00.001+08:00

Зарлиг Ром 15:14-21

Чухал зүйл Ром 15:16

“Харь үндэстнүүдийн өргөл Бурханд тааламжтай болсон байхын тул би харь үндэстнүүдэд Бурханы сайн мэдээний тахилч адил”.

1. Паулын үүрэгт сэтгэл (14-16)

Бурхан гэмтнүүдийн тэргүүн байсан Паулыг харь үндэснүүдийн элч буюу Баярын мэдээний тахилчаар босгосон. Баярын мэдээний тахилч бол Хуучин гэрээний тахилчаас огт өөр юм. Хуучин гэрээний тахилч нь амьтнаар тахил өргөдөг байсан бол Баярын мэдээний тахилч нь харь үндэстнээр тахил өргөдөг(16). Баярын мэдээг мэдэхгүй харь үндэстнүүд нь сүнсний ямар ч мэдлэггүй, садар самуун, худал хуурмаг, ихэмсэг бардам байдаг. Баярын мэдээний тахилч нь ийм тэднийг Загалмайн сайн мэдээ ба Ариун сүнсний хүч чадлаар өөрчлөн Бурханд тааламжтай, ариун өргөл болгодог юм. Харь үндэстнүүдэд зарлигаар тусалж, Бурханд тааламжит амьд өргөл болгох гэсэн үүрэгт сэтгэл Паулын дотор дүрэлзэж байна.

2. Шинэ газар нээх гэсэн Паулын сэтгэл (17-21)

Паулаар дамжуулан Христ бэлгэ тэмдэг болон Аруин сүнсний хүч чадлыг илэрхийлжээ. Энэ нь харь үндэстнүүдийг дуулгавартай дагуулахаар үйлдсэн Эзэний ажил байв. Эзэн Өөрийнх нь төлөө биеэ золиослохыг хүсдэг хүнээр дамжуулан хүч чадалтай ажилладаг. Паул ингэж ажилласанаараа Иерусалимаас Иллүрикон хүртэл баярын мэдээг бүрэн дэлгэрүүлж чаджээ(19).

Гэхдээ тэр баярын мэдээг бусдын суурин дээр барихгүйн тулд Христийн нэрийг дууддаг газарт дэлгэрүүлэхгүй, гэсэн зарчимтай байв(20). Энэ нь Баярын мэдээг сонсож чадалгүй нас барах хүн үлдээхгүйн тулд байв. Паул аль нэг гэзарт тогтвортой суурьшаагүй харин түүнд Баярын мэдээг сонсоогүй шинэ газарт очин дэлгэрүүлэх гэсэн хоньчны сэтгэл дүүрэн байсан юм.

Гуйлт: Эзэн минь! Намайг Баярын мэдээний тахилчаар босгосонд талархаж байна. Надад гал мэт дүрэлзэх үүрэгт сэтгэл өгч цаг ямагт шинэ газарт Баярын мэдээг дэлгэрүүлэх боломж зөвшөөрөөч.

Нэг үг : Харь үндэстнийг өргөл болгоно

ӨБХ (10.04.14 Лхагва) - ХРИСТИЙГ ДУУРИАГТУН

2010-04-13T19:17:00.000+08:00

Зарлиг Ром 15:1-13

Чухал зүйл 15:7

“Христ та биднийг Бурханы алдрын төлөө хүлээн авсны адил нэг нэгнээ хүлээн авагтун”

1. Хүчгүйнхээ сул доройг үүрэгтүн (1-6)

Итгэгчид хоорондоо санаа нийлэхгүй асуудал их гардаг. Элч Паул ийм үед Христийг дууриахыг зөвлөж байна.

Хүчтэй нэг нь өөрийгөө баярлуулахын тулд өөрийнхөөрөө зүтгэж болохгүй. Харин хүчгүй нэгнийхээ сул дорой талыг тэвчиж, бусдыг баярлуулсан сайн үйл үйлдэж тус болохыг хичээх хэрэгтэй. Есүс ч өөрийнхөө хүсэлд огт нийцүүлээгүй бөгөөд харин ч гэмтнүүдийн төлөө зэмлэл буруушаалыг авсан. Ийм Есүсийг бид дууриах хэрэгтэй. Өөрийгөө биш, бусдыг баярлуулж амьдрахад хэлмэгдэх явдал олон гарах болно. Харин энэ үед ч зөвхөн Есүсийг л харж, түүнийг сурч дууриавал бусдыг баярлуулж чадна.

2. Бурханд алдрыг өргөгтүн (7-13)

Есүс Израиль хүн гэсэн тэмдэг болох огтлох ёслол хийлгэв. Ингэсэн нь Бурхан Израилийн дундаас Христийг илгээнэ гэсэн амлалтаа батлахын тулд байв. Есүс нь бас харь үндэстнүүдэд өршөөл үзүүлсэн. Энэ нь бүх үндэстэн Эзэнд талархаж, Эзэний нэрийг магтаж, Бурханы ард түмний хамт баярлана гэсэн зарлигийг биелүүлэхийн тулд байв. Есүс Израилийг ч, харь үндэстнүүдийг ч хүлээн зөвшөөрсөнөөрөө Бурханыг алдаршуулсан. Бид ч гэсэн Бурханыг алдаршуулахын төлөө нэг нэгнээ хүлээн зөвшөөрч нэгдэх хэрэгтэй.

Гуйлт: Эзэн минь! Би Есүсийг дууриаж сул дорой хүмүүсийг хүлээн зөвшөөрнө. Бид нэг нэгнээ хүлээн авсанаар нэгдэж Бурханд алдрыг өргөхийг гуйж байна.

Нэг үг: Нэг нэгнээ хүлээн авцгаая

ӨБХ (10.04.13 Мягмар) - ЭРХ ЧӨЛӨӨ БА ХАЙР

2010-04-13T16:38:00.000+08:00

Зарлиг Ром 14:13-23

чухал зүйл 14:15

“Христ өмнөөс нь үхсэн тэр хүнийг идэх юмаар бүү устга”

1. Идэх юмаар хүнийг бүү сүйрүүл (13-16)

Итгэгчид бол Есүс Христийн тухай баярын мэдээг хүлээн зөвшөөрснөөрөө гэм ба хуулиас чөлөөлөгдсөн билээ. Тэд бол эрх чөлөөт хүмүүс юм. Харин энэ эрх чөлөөгөө хамаагүй, дураараа хэрэглэвэл бусдыг бүдрүүлж Бурханы ажлыг ч нураах тохиолдол гарах болно.

Тухайн үед Иудей шашин болон Грекүүдийн хооронд “Энэ хоол ариун, тэр нь бузар” гэсэн маргалдаан байжээ. Итгэгчдийн хувьд бол юуг ч идэж ууж болох эрх чөлөө байдаг. Бузар хоол гэж байдаггүй. Ямар нэгэн хоолыг цэвэр биш гэж үздэг бол тэр хүний хувьд л цэвэр биш юм(14). Гэхдээ юуг ч идэх эрх чөлөө байна гээд ямар ч замбараагүй байж ах дүү нараа эргэлзүүлж болохгүй. Энэ нь Христ өмнөөс нь үхсэн нандин хүнийг бүдрүүлсэн том гэм болно. Өөрийнхөө эрх чөлөөг бүрэн эдлэхээс илүү ах дүүгээ хайрлах нь чухал юм.

2. Бурханы ажлыг бүү нураа (17-23)

Итгэгч хүн дураараа идэж ууснаас авах баяр хөөрөөс илүү Ариун сүнс дотор эдэлдэг зөв, амар тайвныг эрмэлзэх хэрэгтэй. Нэг их чухал биш идэх юмнаас болж ах дүүгээ эргэлзүүлээд Бурханы ажлыг нурааж болохгүй. Юуг ч идэж ууж болох эрх чөлөө байдаг ч ах дүүс ба Бурханы ажлын төлөө бол эдлэхгүй байх нь сайн(21).

Гуйлт : Эзэн минь! Эрх чөлөөг хамаагүй эдэлж хүмүүсийг бүдрүүлсэн явдал надад олон байлаа. Одооноос цуглаанд тус болохын төлөө хичээнэ.

Нэг үг : Эрх чөлөөнөөс илүү хайр

ӨБХ (10.04.12 Даваа) - НЭГ НЭГИЙГЭЭ БҮҮ ШҮҮМЖИЛ

2010-04-11T19:07:00.000+08:00

Зарлиг Ром 14:1-12

Чухал зүйл 14:10

“Харин та юунд ах дүүсээ буруушаана вэ?”

Цуглааны дотор олон янзын хүмүүс байдаг. Зарим нь бүхнийг идэж болно гэдэгт итгэдэг учир юуг ч иддэг байхад харин зарим нь сул дорой учир зөвхөн ногоо л иддэг(2). Ийм нөхцөлд иддэг нь ялгаж иддэгээ доорд үзэх, иддэггүй нь иддэгээ буруутгах нь их байдаг(3). Гэвч нэг нэгийгээ шүүмжилэхээсээ өмнө илүү хүлээн зөвшөөрөх хэрэгтэй. Учир нь Бурхан альнийг нь ч ялгалгүй хүлээн зөвшөөрч аварсан хүүхдүүд нь юм.

Ямар хоол идэх вэ? Аль өдрийг онцгойлох вэ? гэдэг бол хүн итгэлийнхээ мөн чанарын дагуу шийдэх хэрэгтэй асуудлууд юм(5). Өдрийг онцгойлдог хүн ч, хоол сонгодог хүн ч ялгаагүй бүгд л Эзэний төлөө үйлддэг(6). Итгэгч бид амьдарсан ч Эзэний төлөө, үхэсэн ч Эзэний төлөө л байна(8). Тиймээс хувийн шунаг сэтгэлийнхээ төлөө үйлдээгүй бол бусдыг шүүмжлэх хэрэггүй(7). Бидний бүх үйлсийг ганцхан Есүс л шийтгэнэ. Тэр үхээд дахин амилсанаараа үхэгсэд ба амьдрагсдыг шийтгэх шүүгч болсон(9). Бид бүгдээрээ эцсийн өдөр шүүгч Есүсийн өмнө сөгдөж амьдралынхаа турш үйлдсэн бүхэндээ шүүгдэх болно(11). Иймээс ах дүүсээ буруутгаж доорд үзэх нь бидний эрхээс хэтэрсэн хэрэг юм(10). Бусдыг шүүмжилэхээсээ өмнө өөрийгөө шүүн тунгаах хэрэгтэй.

Гуйлт : Эзэн минь! Өөрийнхөө хэмжүүрээр бусдыг буруутгаж, шүүмжилж байсан удаа надад олон байсан. Үүнээс хойш бүх шүүмжлэлийг завхөн Танд даатган хүмүүсийг хүлээн зөвшөөрнө.

Нэг үг : Нэг нэгнийгээ бүү шүүмжил

ӨБХ (10.04.08 Пүрэв) - АМЬД ӨРГӨЛ

2010-04-07T23:54:00.000+08:00

Зарлиг Ром 12:1-8

Чухал зүйл 12:12

“Өөрсдийн биеийг Бурханд тааламжит амьд, ариун өргөл болгон өргөхийг гуйя.”

1. Амьд, ариун өргөл(1, 2)

Бид аврагдаж Бурханы хүүхэд болсон тул хойшид яаж амьдрах хэрэгтэй вэ? Өөрсдийн биеийг Бурханд тааламжтай амьд, ариун өргөл болгон өргөх хэрэгтэй. Мал амьтан өргөдөг хэвшсэн амьгүй өргөл бус өөрийгөө Бурханд өргөдөг амьд тахилыг өргөх хэрэгтэй.Энэ нь Бурханд тааламжтай сүнслэг тахил юм болно.

Бурханы таалалд нийцэх амьд тахил болох гэвэл энэ үеийнхний явдалыг дагахгүй байх хэрэгтэй. Сэтгэлээр шинэчлэгдэн Бурханы тааллыг ухаарах хэрэгтэй. Бидний энэ үе нь харьцангуй үзэл бодолтой бөгөөд Бурханаас илүү хүнийг дээдлэдэг. Бурханыг эсэргүүцдэг. Тиймээс энэ үеийг даган амьдарвал хэзээ ч Бурханд тааламжтай амьд тахил өргөж чадахгүй бөгөөд дэлхийд ч итгэлийн сайн нөлөө үзүүлж чадахгүй.

2. Христийн эрхтэн(3-8)

Итгэгчид хэтэрхий дээгүүр бодлуудаа орхиж итгэлийнхээ дотор ухаалаг бодох хэрэгтэй. Нэг хүн бүхнийг хийж, бүх алдрыг эдэлнэ гэж бодвол энэ нь мунхаг санаа юм. Бид тус бүрдээ Христийн биеийн эрхтэнүүд. Хүний эрхтэн бүр тус тусын үүрэгтэй байдаг шиг бид нарт ч мөн өөр өөр үүрэг оногдсон. Бид Бурханы өгсөн бэлэгт талархаж, Бурханыг баярлуулан, бусад хүнд үйлчлэх хэрэгтэй.

Гуйлт : Эзэн минь! Би дэлхийн гэмтэй урсгалыг даган амьдарч байсандаа гэмшиж байна. Өөрийнхөө энэ биеийг Танд амьд, ариун өргөл болгон өргөхөд минь туслаач!

Нэг үг : Өөрийнхөө биеийг амьд өргөл болгогтун!

ӨБХ (10.04.07 Лхагва) - БУРХАНЫ ТӨГС ТӨЛӨВЛӨГӨӨ

2010-04-07T23:52:00.000+08:00

Зарлиг Ром 11:25-36

Чухал зүйл 11:33

“Өө, Бурханы мэдлэг, мэргэн ухааны баялагууд нь ямар гүн гүнзгий вэ?”

1. Дэлхийн бүх үндэстэнд тавьсан Бурханы таалал (25-32)

Израильчууд Есүст маш хатуу хандсан. Тиймээс Бурханы амлалт цуцлагдсан юм шиг байв. Гэвч үүнд гайхамшигт нууц байжээ. Израильчуудыг хатуу чигээр нь орхисон энэ хугацаанд харь үндэстнүүүдийг авралд дүүрэн багтаах гэжээ. Тэгвэл хатуу Израильчууд тэдэнд атаархан өөрсдөө баярын мэдээг ухааран авралыг олох юм. Бурхан ингэж Израилийн хатуу байдал болон атаархлыг нь ашиглан “Бүх Израиль аврагдах болно” гэсэн амлалтаа биелүүлэх ажээ. Бурхан сонгон дуудсан хүмүүсээ хатуу байна гээд шийтгэж орхидоггүй бөгөөд харин ч эсрэгээр зааавал авардаг юм.

2. Бурханы мэргэнийг магтаж буй Паул (33-36)

Паул өөрийнх нь Израиль үндэстэн аврагдаж чадаагүйгээс болж ихэд санаа зовон шаналж байлаа. Харин Израилийн энэ хатуу байдлаар дамжуулан харь үндэстнүүдийг, харь үндэстнүүдээр дамжуулан Израилийг, цаашлаад бүх хүн төрөлхтнийг аврах гэж байгаа Бурханы агуу их тааллыг ухаараад Бурханыг магтаж эхэлжээ. “Өө, Бурханы мэдлэг, мэргэн ухааны баялагууд нь ямар гүн гүнзгий вэ? Түүний шийтгэлүүд ямар ухаарах аргагүй, Түүний замууд ямар олж илрүүлшгүй вэ?”

Бурханы агуу их таалал, төлөвлөгөөг хүний өчүүхэн оюун ухаанаар гүйцэн ойлгох аргагүй юм. Бид бас Паулын адил Бурханы мэргэн ухаан ба мэдлэгийн баялгийг магтаж байна.

Гуйлт : Эзэн минь! Бүх хүн төрөлхтнийг аврах Таны авралын таалал төлөвлөгөөнд магтаал ба талархлыг өргөж байна.

Нэг үг : Өө, Бурханы гүн гүнзгий мэргэн ухаан

ӨБХ (10.04.06 Мягмар) - ЧИДУН ЖИМСНИЙ МОДНЫ ЗҮЙРЛЭЛ

2010-04-06T12:38:00.000+08:00

Зарлиг Ром 11:13-24

Чухал зүйл 11:17

“Чидун жимсний модны үндэсний шимээс хүртэгч болсон гэвэл”

1. Бахархалтай үүрэг(13-15)

Элч Паул харь үндэстнүүдийн элч болсон үүргээрээ бахаржээ. Энэ нь харь үндэстнүүд аврагдахад Паулын үндэстэн хараад атаархаж, тэгснээр тэд ч гэсэн Есүст итгэн авралыг авах учиртай ажээ. Ийм үүднээс тэр өөрийн үүргээр бахархаж, харь үндэстнүүдэд Баярын мэдээг улам хичээнгүйлэн дэлгэрүүлэв. Паул өөрийнхөө үндэстэнд хавчигдаж зовсон боловч тэднийгээ аврах хүсэл найдвараа орхиогүй ажээ.

2. Харь үндэстнүүдийн бүдрэлт (16-24)

Израильчууд Бүтээгч Бурханд үйлчлэн, хуульд захирагдаж байхад харь үндэстнүүд хиймэл шүтээнд үйлчилж байв. Зэрлэг чидун жимсний мод мэт огт хэрэгцээгүй гэмийн үр жимс төрүүлж байгаад эцэст шийтгэл авахаас өөр арга тэдэнд үгүй байжээ. Харин тэд Есүсийг хүлээн зөвшөөрснөөрөө жинхэнэ чидун жимсний мод болсон Есүст залгагджээ. Энэ нь 100% Бурханы ивээл байв. Гэвч тэд сайрхаж болохгүй юм. Бурхан нигүүлсэнгүй боловч алдаа, бурууд хатуу чанга байдаг. Үүний жишээг Бурханы ард түмэн Израильчууд омог бардам болоход Бурхан тэднийг орхисоноос харж болно. Гэвч тэд дахин Есүст итгэвэл эргээд залгагдаж болох юм. Бурханд Израиль хүн байна уу? ,харь үндэстэн байна уу? гэдэг нь чухал биш. Харин бардам байна уу, төлөв даруу байна уу гэдэг нь л чухал юм. Харь үндэстэн байгаад аврагдсан бид төлөв даруугаар авралын хайр ивээлийг зөв эдлэх ёстойг эндээс сурах хэрэгтэй.

Гуйлт: Эзэн минь! Зэрлэг чидун жимсний мод байсан намайг аварч жинхэнэ чидун жимсний модонд залгаж өгсөнд баярлалаа. Энэ их хайр ивээлийг төлөв даруугаар эдлэхэд минь туслаач!

Нэг үг : Жинхэнэ чидун жимсний модонд залгагдсан би

ӨБХ (10.04.05 Даваа) - ҮЛДЭГСЭД

2010-04-05T00:40:00.000+08:00

Зарлиг Ром 11:1-12

Чухал зүйл 11:5

“Үүнчлэн эдүгээ цагт ч яг адил Бурхан ивээлийн сонголтоор үлдэгсэд байгаа”

1. Израилийн үлдэгсэд(1-10)

Израильчууд Христийг эсэргүүцсэн тул бүдэрсэн. Тэгвэл Бурхан амлалтаа зөрчиж сонгосон ард түмнээ орхисон хэрэг үү? Үүнийг Элч Паул “Огт үгүй” гэж итгэлтэй хэлж байна. Тэр юуны өмнө өөрийгөө Абрахамын удам, Бэниамин угсааны хүн гэдгээ гэрчилж байна.

Бурхан аль ч цаг үед үлдсэн хүмүүсээр дамжуулан ажилладаг. Элиагийн үед Ахаб, Изабель хоёр Эзэний тахилын ширээ нурааж, бүх ард түмнийг Баал шүтээнд мөргүүлсэн. Энэ үед чимээгүй байсан Бурханаас Элиа яагаад хариу өгхөгүй байна вэ? гэж асуусан. Бурхан үүнд “Би Баалд өвдөг сөгдөөгүй долоон мянган эрийг өөртөө бэлтгэлд үлдээсэн” гэж хариулжээ. Израиль үл итгэлээс болж бүдэрч унасан ч Бурхан үлдэгсэдээр дамжуулан авралын ажлаа үргэлжлүүлсээр иржээ. Аль ч цаг үед үлдэгсэд байгаа учир Бурхан хүмүүсийг огт орхихгүй.

2. Израилийг сэргээх хүсэл найдвар(11,12)

Израиль бүдэрч унасан тул Бурханы эхэлсэн ажил талаар болсон юм шиг харагдах нь мэдээж. Гэвч үр дүн нь огт өөр байна. Израиль унаснаас болж харь үндэстнүүдэд аврал өгөгджээ. Энэ нь Израилийн атаархлыг хөдөлгөх, ингэснээр тэднийг Есүст итгүүлэн авралд хүргэх Бурханы төлөвлөгөө юм. Бурханы ажил хэзээ ч ялагдахгүй.

Гуйлт: Эзэн минь! Танд ялагдал гэж байхгүй. Би эцэс хүртэл итгэлээр амьдарснаараа энэ цаг үеийнхээ үлдэгч болно.

Нэг үг : “Ялагдал” байхгүй Бурхан

ӨБХ (10.04.04 Ням) - САЙНЫГ ЗАРЛАГЧИЙН ХӨЛ

2010-04-04T10:31:00.001+08:00

Зарлиг Ром 10:14-21

Чухал зүйл Ром 10:15

“Сайныг зарлагчийн хөл юутай сайхан “

1. Сайхан хөл (14,15)

Хүн авралыг зөвхөн Есүст итгэвэл олно. Гэхдээ итгэл нь сонссоноос, сонсох нь Христийн зарлигийн тархалтаас шалтгаалдаг юм(17). Үүнээс үзвэл Бурхан авралын ажлаа зарлиг дэлгэрүүлэх ажлаар биелүүлдэг байна.

Хүмүүст авралыг өгөх гэвэл зарлигийг аль болох хүчтэй түгээх хэрэгтэй. Бурхан зөвхөн “дэлгэрүүлэх” гэдэг мунхаг аргаар хүмүүсийг авардаг (1Коринт 1:2). Тиймээс бид боломж олдсон ч, олдоогүй ч зарлигийг дэлгэрүүлэхийн төлөө хичээх хэрэгтэй. Энэ бол Есүсийн тушаал юм. Бурханд хамгийн сайхан харагддаг зүйл бол зарлигийг дэлгэрүүлж буй хүмүүсийн хөл билээ.

2. Үргэлжид гараа сунгаж буй Бурхан (16-21)

Бурханы зарлигийг дэлгэрүүлсэн ч дуулгавартай дагадаггүй тохиолдол олон байдаг. Үүний жишээ нь Израиль юм. Тэд үгийг сонсоогүй учраас итгээгүй юу? Үгүй, Бурханы зарлиг дэлхийн зах хязгаар хүртэл тархсан(18). Тэгвэл тэд зарлигийг ойлгож чадаагүй учраас итгээгүй юу? Үгүй, Бурханы ард түмэн биш байсан олон харь үндэстнүүд, түүгээр ч барахгүй үл хайгчид, үл сураглагчид хүртэл ойлгосон(19,20). Бурханы зарлигийг сонсоогүй, эсвсл ойлгоход хэцүү учраас тэд итгээгүй бус, харин бардам ихэмсэг учраас итгээгүй юм. Гэсэн ч ийм бардам Израилийг буцан ирэхийг Бурхан өдөржин гараа сунган хүлээж байдаг.

Гуйлт: Эзэн минь! Би одоогийнхоо нөхцөл байдлыг шалтаг болгон зарлиг дэлгэрүүлэх ажлаас хойш сууж, залхуурч байсндаа гэмшиж байна. Үүнээс хойш баярын мэдээний үгийг дэлгэрүүлдэг сайхан хөлтэй болоход минь туслаач!

Нэг үг : Баярын мэдээний сайхан хөл

ӨБХ (10.04.03 Бямба) - АВРАЛД ХҮРЭХ ЗАМ

2010-04-02T19:27:00.000+08:00

Зарлиг Ром 9:30-10:13

Чухал зүйл 10:13

“Эзэний нэрээр дуудах хүн бүр аврагдах болно.”

1. Бурханы зөвийг дагаагүй Израиль (9:30-10:4)

Элч Паул Израилийн авралын талаар чин сэтгэлээсээ хүсэн залбирдаг байв. Израильд Бурханыг гэсэн хичээл зүтгэл байсан боловч үнэн мэдлэгийг биш харин өөрсдөө зохиосон хууль дүрэм, ёс заншлаа даган биелүүлэхийн төлөө эрмэлздэг байв. Тэд Бурханы зөвийг ойлгохгүй байжээ. Тиймээс тэд хичээн зүтгэх тусмаа Бурханы зөвөөс улам холджээ(3). Бурханы зөв бол Есүс Христ юм. Тэр бол хуулийн төгсгөл болсон билээ(4). Хүн хуулийг биш, харин Христ Есүст итгэж, түүнийг дагах хэрэгтэй.

2. Аврагдах зам (5-13)

“Авралыг олохын тулд хүний хүч чадлаас хэтэрсэн ч гэсэн хичээн зүтгэж, биеэ барьж, зовлон эдлэх ёстой” гэж боддог хүмүүс олон байдаг(6,7). Гэвч хүний гадаад хязгаар гэж байдаг тул хичээл зүтгэлээр хэзээ ч авралд хүрч чадахгүй. Гэхдээ авралын арга зам нь хол биш бөгөөд арга нь ч хэцүү биш юм. Итгэлийн үг нь библид байдаг. Есүс бол миний гэмээс болж нас барсан Аврагч мөн гэдгийг үнэнээсээ хэлж, мөн Бурхан Есүсийг үхэгсдээс амилуулсанд сэтгэлээрээ итгэхэд бид авралыг олно. Харин хүний хэмжээнээс хэтэртэл хичээж, биеэ барьж, зовлон эдэлсэн ч гэсэн Есүст л итгээгүй бол тэр хүн ичгүүрээс өөр юуг ч олохгүй.

Гуйлт: Эзэн минь! Бурханы зөв болсон Есүст итгэн дуулгавартай дагалгүй, өөрийнхөөрөө зүтгэж амьдарч байснаа гэмшиж байна. Цаг ямагт Есүст итгэн дуулгавартай даган амьдрахад минь туслаач!

Нэг үг: Сэтгэлээрээ итгэж, амаараа илчилье

ӨБХ (10.04.02 Баасан) - ЭНЭРЭНГҮЙ БУРХАН

2010-04-02T18:58:00.000+08:00

Зарлиг Ром 9:14-29

Чухал зүйл 9:15

“Хэнд энэрэл минь байна, түүнийг Би энэрэнэ.”

1. Энэрдэг Бурхан(14-18)

Бурхан өршөөх гэсэн хүнээ өршөөж, өрөвдөх гэсэн хүнээ өрөвддөг. Тэр бол төгс бүрэн хүч чадалтай Бүтээгч юм. Бурхан бүх хүмүүсийг өөрийнхөө сайн таалал ба зорилгын дотор бүтээсэн. Бардам эрхэмсэг Фараонд тохиолдсон явдалд ч гэсэн Бурханы сайн таалал байсан. Бурхан агуу их энэрэнгүй сэтгэлээрээ зохисгүй биднийг сонгож, өөрийн авралын үйлст нандинаар хэрэглэдэг билээ. Энэ бол 100% Бурханы энэрэнгүй хайр юм.

2. Барималчин ба шаврын зүйрлэл (19-29)

Бурхан хүнийг хатуу болгоод дараа нь шийтгэдгийг сонсвол Бурханд буруу байгаа юм шиг санагдана. Гэхдээ Бурханыг яагаад ингэдэг юм бэ? гэж эсэргүүцэж болохгүй. Яагаад гэвэл Бурхан бол барималчин, бид нар нь шавар төдий юм. Барималчин шаврыг хүссэнээрээ зуурч янз бүрийн сав суулга хийж болно. Мөн таалагдахгүй бол дураараа эвдэлж ч болдог билээ. Гэхдээ Бурханы эрх нь зөв сайн байдаг. Бурхан нь уур хүргэхээс цаашгүй байсан харь үндэстнүүдийг устгалгүй удаан тэвчин энэрч өөрийнхөө хүүхэд болгосон. Мөн өршөөлийн сав гэдэг бол Израилийн дундаас үлдсэн хүмүүс юм. Бурхан тэднээр дамжуулан өөрийнхөө баялаг алдрыг тунхагладаг. Тэр туйлын эрх мэдэлтэй боловч өчүүхэн ч зөв бус зүйлийг үйлддэггүй юм. Эрх мэдлээ хэдийд ч шударга сайнаар хэрэглэдэг.

Гуйлт : Эзэн минь! Уур хилэнгийн савыг өршөөлийн сав болгосонд талархаж байна. Энэ хайр ивээлийг цаг үргэлж санан талархаж амьдрахад минь туслаач!

Нэг үг : “Бурханы зөв сайхан эрх”

ӨБХ (10.04.01 Пүрэв) - ЖИНХЭНЭ ИЗРАИЛЬ

2010-04-01T12:36:00.001+08:00

Зарлиг Ром 9:6-13

Чухал зүйл 9:8

“Харин амлалтын хүүхдүүд нь үр сад нь гэж тооцогддог.”

1. Амлалтын хүүхдүүд (6-9)

Бурхан Израилийг тахилч улс болгож түүгээр дамжуулан хүн төрөлхтнийг аврахыг хүссэн боловч Израильчууд Есүс Христээс татгалзсан. Үүнээс харахад Израильд тавьсан Бурханы хүсэл найдварын зарлиг нь ямар ч үр дүнгүй дэмий хоосон зүйл болсон юм шиг харагдаж байна. Гэсэн ч Паул жинхэнэ Израиль нь хэн болох? талаар сайтар боджээ. Абрахамд олон хөвгүүн байсан боловч зөвхөн Исаакаас төрсөн нь л Абрахамын үр сад гэж нэрлэгдсэн(Эхлэл 17:19). Махан биеэрээ Абрахамын үр сад байсан ч бүгд жинхэнэ Израиль биш юм. Гагцхүү Бурханы амлалтын хүүхэд болох Исаак л Израиль болсон. Бид Бурханы амлалтанд үнэн сэтгэлээсээ итгэхэд л Абрахамын жинхэнэ үр удам буюу авралын хүүхэд болж чадна.

2. Бурханы таалал (10-13)

Ребека хөл хүндтэй болж ихэр хүүхэд төрүүлсэн. Харин тэднийг төрөөгүй байхад Бурхан өөрийнхөө тааллыг илэрхийлжээ. Иакоов, Эсау хоёр төрөөгүй, сайн муу ямар ч үйл үйлдээгүй байхад Бурхан Иаковыг сонгосон(11). Энэ нь Бурханы таалал нь хүний үйлс болзолоос огт шалтгаалахгүй бөгөөд зөвхөн Бурханы эрхээр л биелэгддэг гэдгийг зааж байна. Эндээс бид жинхэнэ Израиль нь зөвхөн Бурханы эрхээр л сонгогддог гэдгийг мэдэж болно. Бид Бурханы хүүхэд болж Түүний ажилд хэрэглэгдэх болсон нь зөвхөн Бурханы хайр ивээл билээ.

Гуйлт : Эзэн минь! Танд сонгогдсон энэ гайхамшигт хайр ивээлийг санан насан турш авралын хайр ивээлийн зөв амьдралаар амьдрахад минь туслаач!

Нэг үг : “Намайг сонгосон Бурханы хайр ивээл”

ӨБХ (10.03.31 Лхагва) - ӨӨРИЙН ҮНДЭСТЭНД ХАНДСАН ПАУЛЫН ХАЙР

2010-04-01T12:29:00.001+08:00

Зарлиг Ром 9:1-5

Чухал зүйл Ром 9:3

“Ахан дүүсийнхээ төлөө би Христээс салж, өөрөө хараал болохыг...”

1. Паулын шаналан (1-3)

Паул Ёсүс Христийн гайхамшигтай авралын хайр ивээл болон өдий хүртэл үргэлжилсээр ирсэн авралын түүхийн нууцыг ухаарчээ. Тэр Есүсийн доторхи Бурханы хайр нь хичнээн гайхамшигтай агуу их баялаг байгааг өөрийн биеэр амсав. Тэр энэ авралын баяр хөөр ба нууцыг бүх дэлхийн ард түмэнд дэлгэрүүлэхийг хүсэв. Гэтэл өөрийнх нь үндэс угсаа нэгт Израильчууд Есүсээс эрс татгалзсан тул түүний сэтгэл ихэд зовов. Паул өөрийн үндэстэн Израилийг үнэн сэтгэлээсээ хайрлан шаналжээ.

2. Израилийн онцгой эрх (4,5)

Израильчууд Бурханы үрчлэлээр сонгогдож Бурхан тэдэнд ариун алдраа илэрхийлсэн. Харь үндэстнүүд хиймэл шүтээнд мөргөж байхад Израилчууд Бүтээгч Бурханыг хүндэтгэн үйлчилж байсан. Тиймээс Бурхан Израилийн хөвгүүдээс Абрахам, Мосэ, Давид, Даниел мэт итгэлийн өвөг дээдсийг босгосон. Бурханы хамгийн том хайр ивээл бол Христийг иудей хүн болгон төрүүлсэн явдал юм. Уг нь иудейчууд Есүсийн зарлигийг хамгийн түрүүнд сонсож сурч байсан. Гэхдээ тэд Бурханы өгсөн хайр ивээлийг зөв эдэлж чадаагүйгээр барахгүй эсэргүүцэж Христийг загалмайд цовдлуулж алсан билээ. Ийм харалган, өөрийн үндэстэн Израилийг бодоход Паулын сэтгэл нь маш их өвджээ.

Гуйлт : Эзэн минь! Би Паулын хоньчны сэтгэлээс сурахыг хүсч байна. Өөрийн ард түмэн ба дэлхийн бүх үндэстэнд хандсан хоньчны гал шиг сэтгэлийг надад зөвшөөрөөч.

Нэг үг : Өөрийн үндэстний төлөө.

ӨБХ (10.03.30 Мягмар) - БИД БҮРЭН ДҮҮРЭН ЯЛНА

2010-03-30T15:55:00.001+08:00

Зарлиг Ром 8:31-39

Чухал зүйл 8: 37

“Энэ бүхний дотор ялан дийлдэг”

1. Хамгийн сайныг өгдөг Бурхан (32)

Бид дайсан нь байхад Бурхан ганц хүүгээ, бидний төлөө зориулсан. Ийм Тэр одоо хүүхэд нь болсон бидний төлөө хамаг сайн зүйлсийг өгөхгүй гэж үү? Одоог хүртэл Бурхан бидэнд хамгийн сайныг өгдөг байсан, одоо ч өгсөөр л байна. Бурханы ийм туйлбартай хайранд үнэмшиж итгэхэд бид энэ хэцүү дэлхийг ялан дийлж чадна.

2. Бурханы хайраас салгаж үл чадна (33-39)

Итгэгч бид итгэлээр амьдарч байхдаа алдаа гаргаж бусдаас буруушаал зэмлэл хүлээх явдал байдаг. Ийм үед бид өөрийгөө буруушаан, зөв бус гэсэн сэтгэлд автагдаж болохгүй. Бидний шүүгч Бурхан гэмгүй гэж тооцож байхад хэн биднийг буруушаах вэ? Үхэгсдээс амилсан Есүс Христ нь одоо ч Бурханы өмнө биднийг өмгөөлж байна.

Сатан боломж л гарвал биднийг Бурханы хайраас салгах гэдэг. Зовлон гуниг, хавчлага өлсгөлөн, өвчин эсвэл амь насанд учирдаг аюулаар дамжуулан Бурханы хайранд эргэлзүүлэхийг эрмэлздэг. Харин биднийг хайрладаг Бурханыг харахад энэ бүхнийг бүрэн даван дийлж чадна. Үхэл ч, амь ч, бусад ямар ч бүтээлүүд нь биднийг Христ Ёсүсийн доторх Бурханы хайраас салгаж чадахгүй гэдэгт би бат итгэнэ(38,39).

Гуйлт: Эзэн минь! Би насан турш Таны хайранд хандсан бат итгэлээр эцсийн алдарт хүрч, ялалт байгуулна гэдэгтээ итгэж байна.

Нэг үг: Бид элбэг дүүрэн ялагчид юм.

ӨБХ (10.03.29 Даваа) - БҮХ ЮМ ХАМТДАА САЙН БАЙХААР АЖИЛЛАДАГ БУРХАН

2010-03-29T12:36:00.000+08:00

Зарлиг Ром 8:28-30

Чухал зүйл Ром 8:28

“Бүх юм хамтдаа сайн байхаар Бурхан ажилладаг.”

1. Бидний сул дорой байдалд тусладаг Бурхан (26,27)

Бид сул дорой учир энэ хэцүү дэлхийд итгэлээ үнэнч сахиж тэрхүү эцсийн алдарт оролцох болно гэдэгтээ сайн итгэхгүй байдаг тал бий. Гэвч ариун сүнс бидний сул дорой байдалд тусладаг. Бид гуйхыг хүсэвч юу гуйхаа мэдэхгүй санаашрах үе байдаг. Мөн Бурханы тааллыг ухаарч чадахгүй гүн шантрал, гунигт санаанд автах үе ч байдаг. Харин ийм үедээ бидний төлөө үгээр хэлшгүй ёолон гуйдаг Ариун сүнсийг түшиглэн гуйх хэрэгтэй. Тэгэхэд Ариун сүнс бидний оронд Бурханы тааллын дагуу гуйж өгнө.

2. Бүхнийг нийлүүлэн сайн болгодог Бурхан (28-30)

Бид итгэлээр амьдарч байгаад хэцүү бэрхшээл тулгарвал Бурханы хайранд эргэлзэн өөрийнхөөрөө шийдэх гэх нь амархан байдаг. Гэвч Бурхан өөрийг нь хайрлагч, өөрөө таалан дуудсан хүмүүстээ бүх юм нь хамтдаа сайн байхаар ажилладаг(28). Бидний амьдралыг хэсэг хэсгээр нь авч үзвэл ялагдсан мэт боловч угтаа бол Бурхан бүхэл бүтнээр нь харан хамгийн сайнаар биелүүлж байдаг юм. Бид Бурханы эрх ба хайранд бүрэн итгэхэд Иосэф шиг ямар ч хэцүү бэрхшээл тулгарсан үед ч ялалтын амьдралаар амьдарч чадна.

Бид бүхний хүн тус бүрт тавьсан Бурханы таалал нь өөрийн хүү Есүсийн дүр төрхийг дуурайлгахад байдаг. Биднийг таньж, сонгож, дуудаж, зөв болгосон Бурхан биднийг заавал алдартай болгоно.

Гуйлт: Эзэн минь! Бүх юмыг хамтдаа сайнаар болгох Бурханд итгэж, Таны өгсөн амьдралаар зоригтой амьдрахад минь туслаач.

Нэг үг: Бүхнийг хамтад нь сайн болгодог Бурхан.

ӨБХ (10.03.28 Ням) - ХОЖИМ ИЛЧЛЭГДЭХ ТЭРХҮҮ АЛДАР

2010-03-28T13:27:00.000+08:00

Зарлиг Ром 8:18-25

Чухал зүйл 8:18

“Зовлон бидэнд илчлэгдсэн байх тэрхүү алдартай зүйрлэшгүй гэж би мэддэг.”

Сул дорой махбодоор энэ дэлхийд амьдрах хугацаандаа бид өвчин, хавчлагад байнга өртөж, дээр нь бас гэмийн хүсэлтэй тэмцэлдэх, Эзэний үүргийг биелүүлэхийн төлөө зовлон эдэлдэг. Заримдаа амьдрах ямар ч хүсэлгүй болтлоо зовдог. Гэхдээ одоогийн энэ бүх зовлон хожим бидэнд өгөгдөх алдартай зүйрлэшгүй юм.(18)

Тэгвэл тэрхүү агуу алдар нь юу вэ?

Энэ алдрыг зовлондоо ёолон шаналж байгаа одоогийн бүх бүтээл тэсч ядан хүлээж байгаа бөгөөд(19-22), мөн гэм ба хуулиас чөлөөлөгдөн мөнхийн амийг олсон бид ч бас ёолон мөрөөдөж байгаа билээ(23).

Тэр алдар нь бидний аврагдах явдал юм. Биеийн аврал гэдэг нь хожим Есүс ирэхэд хамаг юмс сэргэхийн хамт бидний махан бие хэзээ ч ялзаршгүй, ариун, сүнслэг бие болон өөрчлөгдөхийг хэлж байна(1 Коринт 15:42-44 ,51-54). Тэгэхэд бид дахин хэзээ ч гэмд унахгүй бөгөөд хууль болон үхлийн хүчийг ялан дийлдэг аз жаргалтай амьдралаар амьдрах болно. Гагцхүү энэ нь л итгэгч бидний эцсийн хүсэл мөрөөдөл юм. Бид үүнийг хүлээн зөвшөөрснөөрөө аврагдсан билээ(24). Энэ бол хэзээ ч орхиж болохгүй жинхэнэ хүсэл найдвар юм. Бидний итгэлийн амьдрал нь ямар ч зовлон туулсан ч энэ хүсэл найдвар биелэгдэх хүртэл тэвчээртэйгээр хүлээх хэрэгтэй.

Гуйлт: Эзэн минь! Би таны улс энэ дэлхийд хурдан ирж бидний бие аврагдан, бүх юм сэргэхийг найдан хүлээж одоогийн зовлонг тууштай эдлэнэ. Миний дотор энэ хүсэл найдвар байнга бялхахыг гуйж байна.

Нэг үг: Бидэнд алдартай хүсэл мөрөөдөл байна.

ӨБХ (10.03.27 Бямба) - БУРХАНЫ СҮНСЭЭР УДИРДУУЛЖ БУЙ ХҮН БҮХЭН

2010-03-27T12:10:00.000+08:00

Зарлиг Ром 8:9-17

Чухал зүйл 8:14

“Бурханы Сүнсээр удирдуулан буй бүхэн нь”

1. Сүнсээр биеийн үйлсийг үхүүл (9-13)

Итгэгч бид бол Христийн Сүнсийг авсан хүмүүс юм(9). Христийн сүнс бидний дотор оршиход бие маань гэмээс болж үхэх боловч сүнс маань Ариун сүнсний өгөх зөвийн учир амьд байх болно(10). Тэгэхэд бид үхлийн ямар ч хүчийг ялан дийлж хүч чадалтай сайхан амьдрах болно. Мөн Ариун сүнс Есүсийг үхэгсдээс амилуулсан шигээ бидний биеийг ч бас амилуулж өгнө(11). Харин Ариун Сүнсийг дагалгүй махан биеийн хүслийг дагавал үхэх болно. Иймээс Ариун сүнсэнд өртэй хүний хувьд бид махан биеийн үйлсийг үгүйсгэж Ариун сүнсийг дагаж амьдрах ёстой(13).

2. Бурханы сүнсээр удирдуулж буй бүхэн нь (14-17)

Бид махан биеийн үйлсийг үгүйсгэж Ариун сүнсээр удирдуулбал ямар онцгой эрхтэй болох вэ? Үрчлэлийн сүнс нь бидний дотор буй айдсын сүнсийг Ариун сүнс зайлуулж, Бурханыг “Ааваа, Эцэг минь” хэмээн дуудаж чаддаг болгож, ямар ч үед хайртай Аавынхаа энгэрт багтахад тусална. Үүгээр зогсохгүй Бурханы хүүхдийн хувьд алдартай Бурханы зан чанар ба амь, Бурханы улс гэх мэт Бурханы бүхнийг Христтэй хамт өвлөн авах Бурханы өв залгамжлагч болно. Энэ бүхэн хичнээн гайхамшигтай хайр ивээл вэ? Ингэж Бурханы өв залгамжлагч болсон бид нар нь Христтэй хамт хуваалцах ямар ч зовлонг баяр хөөртэйгөөр давах хэрэгтэй.

Гуйлт : Эзэн минь! Ариун сүнсийг дагаж амьдрах нь хичнээн их онцгой эрх болохыг мэдлээ. Махан биеийн үйлсийг идэвхтэйгээр үгүйсгэж Ариун сүнсийг даган амьдрахад минь туслаач.

Нэг үг : Сүнсийг дагаж биеийн үйлсийг үхүүлцгээ

ӨБХ (10.03.26 Баасан) - МАХАН БИЕИЙН БОЛОН СҮНСНИЙ БОДОЛ

2010-03-26T12:21:00.000+08:00

Зарлиг Ром 8:1-8

Чухал зүйл 8:6

“Махан биеийн бодол бол үхэл, сүнсний бодол бол амь ба амар тайван болой.”

1. Ямар ч шийтгэл байхгүй(1-4)

Христ Есүсийн дотор байгаа хүнд ямар ч буруушаал байхгүй(1). Учир нь Христ Есүсийн дотор буй Сүнсний хууль нь биднийг гэм ба үхлийн хуулиас чөлөөлсөн юм(2). Хууль биднийг зөв болгож чадалгүй гэм ба буруушаалын дор байлгасан. Харин Бурхан Өөрийн Хүүдээ хүний махбод өмсгөн ирүүлж бидний гэмийг түүнд үүрүүлжээ. Тэгсэнээрээ ариун сүнсийг дагаж үйлддэг хүн хуулийн шаардлагыг бүрэн хангах болсон. Ариун Сүнсийг дагадаг хүн нь хуулийг уг үндэс хүртэл нь сахиж чадах болно.

2. Амь ба амар тайвныг өгдөг Сүнсний бодол (5-8)

Ариун сүнсийг дагаж байна уу үгүй юу гэдгийг тухайн хүний санаа бодлоос нь мэдэж болно. Гэмийн хүслийг дагадаг хүн махбодын зүйлийг л боддог. Ийм хүн нь байнга өөрийгөө төвд тавьдаг бөгөөд махбодын хүсэл тачаалаас таашаал олох гэдэг. Харин Ариун сүнсийг дагадаг хүн үргэлж Бурханы алдар ба хайр ивээлийг боддог. Хүн юуг боддог нь маш чухал юм. Бидний гэмт хүслийн дагуух махбодын бодол нь биднийг Бурханы дайсан болгон үхэлд хүргэнэ. Харин сүнсний бодол нь биднийг Бурхан руу удирдан амь ба амар тайвныг эдлүүлнэ. Хүн юуг бодон амьдарч байгаагаас нь шалтгаалан түүний хувь заяа шийдэгдэнэ.

Гуйлт: Эзэн минь! Сүнсний зүйлийг бодох нь хичнээн чухал болохыг ухаарч байна. Миний дотор байнга төрдөг махан биеийн бодлыг зайлуулж Сүнсний зүйлийг бодоход минь туслаач.

Нэг үг: Санаа бодлоо захирагтун.

ӨБХ (10.03.25 Пүрэв) - Хууль ч Ариун

2010-03-26T09:55:00.000+08:00

Ром 7:7-13

Чухал зүйл 7:12

“Яагаад гэвэл хууль ариун, тушаал ч ариун, зөв бөгөөд сайн юм”.

Хууль бидэнд амийг өгч чадахгүй. Харин ч эсрэгээр нь үхэлд аваачих үр жимс төрүүлнэ(7:5). Үүнийг үзээд ямар ч хууль хэрэггүй юм байна гэж бодох нь амархан.

Гэвч хууль нь

1-рт, гэмийг ухааруулдаг(7).

Шунахайрал бол сэтгэлд байдаг зүйл учир хүмүүс гэм гэж тооцдоггүй. Харин Бурхан бүү тачаадан хүс гэсэн хуулийг өгснөөр шунаг сэтгэл нь гэм болохыг зааж өгсөн. Энэ дэлхийн хүмүүс харьцангуй үзэл бодлоор амьдарч байгаа учраас хууль зөвийн тухайд туйлын хэмжүүр болоод юу нь зөв, юу нь гэм бэ гэдгийг зааж өгөх үүрэг гүйцэтгэдэг.

2-рт Хууль биднийг Есүс рүү удирдаж өгдөг(8-13).

Паул шунаг сэтгэлийг гэм гэж мэдсэнийхээ дараа түүнийг үгүйсгэхийн төлөө хичээсэн. Хичээх тусмаа шунаг сэтгэл нь өөрийнх нь дотор бүр илүү байгааг ухаарсан(8). Хуулийг мэдэхгүй явах үед гэм амьгүй байсан ч хуулийг мэдсэнээр гэм нь улам хүчтэй болов(9) Хууль гэмийг илчлэн улам тодруулсан(13б). Энэ нь бид яг библийн хичээлийг хийх тусмаа өөрийнхөө үнэн байдлыг улам бүр гүнзгий ухаардагтай адил юм. Бид Есүст итгэснээр өөрийнхөө үйлсээр хэзээ ч зөв болж чадахгүй гэдгээ ойлгож, төлөв даруу байснаараа зөвхөн итгэлээр олддог Бурханы зөвийг хүлээн зөвшөөрөх болно(25). Эндээс хууль нь хүнийг гэмтэн гэдгийг ойлгуулан Есүс рүү чиглүүлэхийн төлөө хэрэгтэйг мэдэж болно. Энэ талаасаа хууль ариун, зөв бөгөөд сайн юм(12). Дахин төрсөн бид хуулийн зарчим болон гол санааг дуулгавартай дагаж, бусдад сургах хэрэгтэй.

Гуйлт: Эзэн минь! Итгэлээр зөв болсон ч гэсэн сайн хуулийн зарчмыг дуулгавартай дагаснаар дагаж сүнсээр өсдөг хүн болоход минь туслаач.

Нэг үг : Хуулийн зарчмыг дагах ёстой.

ӨБХ (10.03.24 Лхагва) - Сүнсний шинэчлэл дотор үйлчил

2010-03-26T09:53:00.000+08:00

Ром 7:1-6

Чухал зүйл 7:6

“Харин Сүнсний шинэчлэл дотор үйлчлэхийн тулд юм.”

Есүс Христэд итгэгсэд зөвтгөгдсөн ч урьдынх шигээ хуулийг дагаж амьдардаг хүмүүс байдаг. Тэдний итгэлийн амьдрал нь баяр хөөргүй, идэвхигүй, сул дорой байдаг бөгөөд бусдад түшиглэдэг учир Бурханыг баярлуулах үр жимс ч төрүүлж чаддаггүй.

Итгэгч бид хуулийг сахиж амьдрах хэрэггүй юм. Яагаад гэвэл хуулийн хувьд бид үхсэнтэй адил юм. Бид өмнө нь хууль гэгчтэй гэрлэсэн, түүний түмэн шавардлагыг хангахын төлөө зүтгэдэг эмэгтэй шиг байв. Шаардлагад нь хүрэхгүй буруутдаг байсан. Хууль гэгчид үйлчилдэг ийм амьдрал нь биднийг туйлдуулж, өөрийн эрхгүй эсэргүүцэх сэтгэл төрүүлж үхлийн үр жимсийг боловсруулдаг байв.

Харин Есүс бидний оронд загалмайд нас барсанаар бид хуулийн захиргаанаас салсан юм. Есүсийн энэ ариун золиослол нь биднийг ивээл хайрын Эзэн Түүнд очин Бурханы төлөө ариун үр жимс боловсруулах нандин үндэс суурь болсон(4). Харин эдүгээ бид хуулиас чөлөөлөгдсөн бөгөөд холбоотой байсан хуульд үхсэн нь, бид үсгийн хуучрал дотор бус, Харин Сүнсний шинэчлэл дотор үйлчлэхийн тулд юм(6).

Итгэлээр дахин төрсөн хүмүүс хуучин хуулийн шаардлагыг даган амьдарч болохгүй. Түүний оронд бидний дотор оршиж буй Ариун сүнсийг даган Есүс Христийг хайрлан үйлчлэх хэрэгтэй. Тэгвэл Бурханы баярлан хүлээж авдаг жинхэнэ хүсэл найдварын үр жимс автоматаар боловсрох болно.

Гуйлт: Эзэн минь! Би одооноос эхлэн хуучирсан хуулийг биш, харин ариун сүнсийг даган Есүсийг хайрлан үйлчилж Бурханд таалагдах үр жимсийг гаргадаг хүн болно.

Нэг үг: Сүнсний шинэчлэл дотор үйлчлэгтүн!

ӨБХ (10.03.23 Мягмар) - ЗӨВД БООЛ БОЛГОН ӨГӨГТҮН

2010-03-23T00:19:00.007+08:00

Зарлиг Ром 6:15-23

Чухал зүйл 6:19

“Одоо эрхтнүүдийг зөвд боол болгон өгч ариусгал дотор байлга”

1. Гэмийн боолоор үхэлд хүрч (15-16)

Одоо бид хуулийн дор бус хайр ивээлийн дор байх болсон. Харин ийм үед: “Бид хайр ивээлийн дор байгаа юм чинь дураараа гэм үйлдэж болно, тэгсэн ч итгэлээр өршөөлийн хайр ивээлийг авах юм чинь” гэж бодох нь амархан байдаг. Гэвч энэ нь маш ташаа бодол юм. Бид юуг дуулгавартай дагана түүний боол болно. Гэмд өөрийгөө өгөн дуулгавартай байвал түүний боол болно(6). Гэмийн боол болбол эрх чөлөөгөө алдаж гэмд хөтлөгдөн ичгүүртэй үр жимсийг төрүүлнэ. Эцэст нь үхэлд хүрнэ. Иймээс хайр ивээл дор байвч гэмд өөрийгөө өгөхөөс айх хэрэгтэй.

2. Зөвд боол болгон өгч ариусгал дотор байлга (17-23)

Урьд нь бид гэмийн боол байсан. Харин баярын мэдээг сэтгэлээрээ дуулгавартай дагаснаар чөлөөлөгдөж зөвийн боол болсон(17). Зөвийн боол болсон бид өөрсдийн бие эрхтнээ зөвд өргөн ариусгалд хүрэх хэрэгтэй. Бие эрхтнээ зөвд өргөнө гэдэг нь өөрийн биеийг Бурханд боолоор өргөхийг хэлж байна. Энэ нь Бурханы алдрыг илэрхийлэхийг амьдралынхаа зорилго болгож, түүний тааллыг биелүүлэхийн төлөө өөрийн цаг зав, мөнгө, авъяас, хүч чадлыг өргөхийг хэлж байна. Ингэж Бурханы алдрын төлөө өөрийгөө өргөхөд жинхэнэ эрх чөлөө ба аз жаргалыг амсаж сүнсээр өсөн, мөнхийн аминд хүргэдэг ариун үр жимсийг төрүүлэх болно.

Гуйлт : Хайр ивээлийг буруугаар ашиглан гэм үилдэж байснаа гэмшиж байна. Одоо өөрийгөө зөвд боол болгон өгч, ариун үр жимс төрүүлнэ.

Нэг үг : Өнөөдөр ч миний бие эрхтнийг зөвийн боолоор

Библиэс унших

Ром 6-р бүлэг

15 Тэгвэл яах вэ? Бид хуулийн дор бус, харин нигүүлслийн дор байдаг учраас нүгэл үйлдэх үү? Бүү ийм байх болтугай!

16 Та нар өөрсдийгөө дуулгавартай байхаар боол болгон хэн нэгэнд өгөхдөө, үхэлд хүргэх нүглийн ч бай, эсвэл зөвт байдалд хүргэх дуулгавартай байдлын ч бай, дагах нэгнийхээ боол нь болдгоо мэдэхгүй гэж үү?

17 Харин Бурханд талархал нь байг. Учир нь та нар нүглийн боолууд байсан боловч та нар өөрсдөд чинь өгөгдсөн уг сургаалын хэв маягт зүрхнээсээ дуулгавартай болж,

18 нүглээс чөлөөлөгдөн зөвт байдлын боолууд болсон.

19 Та нарын махан бие сул дорой тул би хүний ёсоор хэлье. Та нар өөрсдийн эрхтнүүдийг ёс бус явдалд хүргэх цэвэр бус, ёс бус байдалд боол болгон өргөснийхөө адил түүнчлэн одоо өөрсдийн эрхтнүүдээ ариусгалд хүргэх зөвт байдалд боол болгон өргө.

20 Учир нь та нар нүглийн боол байхдаа зөвт байдлаас чөлөөтэй байжээ.

21 Тэгэхэд та нар одоо ичиж байгаа зүйлсээс ямар үр жимс авсан бэ? Учир нь тэдгээр зүйлсийн төгсгөл бол үхэл болой.

22 Харин одоо нүглээс чөлөөлөгдсөн бөгөөд Бурханд боолчлогдсон та нарт ариусгалд хүрэх үр жимс авдаг. Төгсгөл нь мөнх амь болой.

23 Учир нь нүглийн хөлс бол үхэл, харин Бурханы бэлэг бол бидний Эзэн Христ Есүс доторх мөнх амь мөн.